200 कोटींचे बाजूबंद अन् 400 कोटींचा हार, अंबानी कुटुंबातील दागिन्यांची किंमत पाहून व्हाल थक्क!

Nita Ambani Isha Ambani Jewellery : भारताचे अब्जाधीश उद्योगपती मुकेश अंबानी यांनी अख्खं जग ओळखतं. त्यांनी भारत तसेच इतर देशांतही उभारलेलं उद्योगांचं जाळं हे डोळे दिपवणारं आहे. दरम्यान, आशियात सर्वाधिक श्रीमंत असणारे हे अंबानी घराणं फक्त त्यांच्या उद्योगांमुळेच ओळखलं जातं असं नाही. या घराण्याचं राहणीमान, त्यांची आभूषणं, त्यांच्या कोट्यवधी गाड्या, आलीशान बंगले हेदेखील नेहमीच चर्चेचा विषय असतात. याच पार्श्वभूमीवर अंबानी कुटुंबाकडे नेमकी आभूषणं, दागिने कोणती आहेत? त्यांची किंमत किती आहे? हे जाणून घेऊ या..

मुकेश अंबानी यांची पत्नी नीता अंबानी यांच्याकडे अनेक रत्नजडीत, हिरेजडीत दागिने आहेत. मुकेश अंबानी यांची मुलगी इशा अंबानी यादेखील त्यांच्या यूनिक स्टाईल, दागिने, महागडे कपडे यामुळे ओळखल्या जातात. या अंबानी कुटुंबात फक्त नीता अंबानी, ईशा अंबानी यांच्याकडेच महागडे दागिने आहेत, असे नाही. तर अंबानी कुटुंबातील सूनांकडेही थक्क करून टाकणारे दागिने आहेत.

मिळालेल्या माहितीनुसार अंबानी कुटुंबातील महिलांकडे कोट्यवधी रुपयांची ज्वेलरी आहे. या घरात तब्बल 200 कोटींचे बाजूंबद आहेत. 450 कोटींचा हारदेखील या घरात आहे.

नीता अंबानी यांच्याकडे 200 कोटींचे बाजूबंद

नीता अंबानी यांनी 2024 सालच्या मिस व्लर्ड स्पर्धेच्या अंतीम फेरीच्या कार्यक्रमात एक बाजूबंद परिधान केले होते. हे बाजूबंद काही साधेसुधे नव्हते. या बाजूबंदात मुघलांच्या काळातील कलाकुसर होती. त्यांनी परिधान केलेले हे बाजूबंद शाहजहान यांच्या कुटंबाशी निगडित आहे, असं म्हटलं जातं. या हिरेजडीत बाजूबंदाची किंमत तब्बल 200 कोटी रुपये असल्याचे बोलले जाते.

400 कोटींचा हार

जेव्हा श्लोका मेहता आणि आकाश अंबानी यांचं लग्न झालं, तेव्हा श्लोका महता यांना मौल्यवान असा हार भेट म्हणून देण्यात आला होता. या हारात 407.48 कॅरेटच्या पुखराज रंगाचे हिरे आहेत. या हाराची किंमत तब्बल 451 कोटी असल्याचे बोलले जाते.

ईशा अंबानी यांचा नेकलेस

अंबानी कुटुंबाची मुलगी ईशा अंबानी यादेखील त्यांच्या ग्लॅमरस लूकमुळे ओळखल्या जातात. त्यांच्याजवळ एक अतिशय सुंदर, मौल्यवान असा हिऱ्यांचा नेकलेस आहे. या नेकलेसची किंमत तब्बल 167 कोटी रुपये असल्याचे बोलले जाते.

अनंत अंबानी यांची घडी

अनंत अंबनी यांच्याकडे Patek Philippe ची एक महागडी घडी आहे. या घडीची डिझाईन अगदीच दुर्मिळ अशी आहे. या घडीची किंमत तब्बल 54 कोटी रुपये असल्याचे बोलले जाते.

आकाश अंबानी यांचा ब्रोच

अनंत अंबानी यांना यांच्या साखरपुड्याला आकाश अंबानी यांनी Cartier कंपनीचा एक महागडा ब्रोच गिफ्ट म्हणून दिला होता. हा ब्रोच 18 कॅरेट सोन्यापासून बनवण्यात आलेला आहे. त्याच्यावर हिरे तसेच अन्य मौल्यवान खडे लावण्यात आलेले आहेत. या ब्रोचची किंमत तब्बल 13.2 कोटी असल्याचे बोलले जाते.