पाकिस्तान जिंदाबादच्या घोषणेवरुन अभिजीत बिचुकले भयंकर चिडले; डायरेक्ट बाप काढला

सातारा, संतोष नलावडे: पुण्यात पीएफआय (PFI) अर्थात पॉप्युलर फ्रंट ऑफ इंडिया संघटनेच्या कार्यकर्त्यांना ताब्यात घेतल्यानंतर पाकिस्तान जिंदाबादच्या घोषणा देण्यात आल्या होत्या. पुण्यात झालेल्या पाकिस्तान जिंदाबादच्या घोषणांमुळे चांगलाच वाद पेटला आहे. पाकिस्तान जिंदाबादच्या घोषणाबाजीच्या निषेधार्थ राज्यभर संतापाची लाट उसळली आहे. बिग बॉस फेम अभिजित बिचुकले(Abhijit Bichukale) देखील भयंकर चिडले आहेत. प्रतिक्रिया देताना त्यांनी डायरेक्ट बाप काढला आहे.

पाकिस्तान जिंदाबाद च्या घोषणेवरून बिग बॉस फेम अभिजीत बिचुकले भडकले आहेत. याबाबत पाकिस्तान पुरस्कृत जे कोणी लोक आहेत त्यांना भारतात राहण्याचा अधिकार नसल्याचे ते म्हणाले.

मी मुख्यमंत्री एकनाथ शिंदे यांना माझे पैसे देतो त्यांना पाकिस्तानात पाठवण्याची व्यवस्था करावी. या देशात हिंदू मुस्लिम एकत्र राहत असताना अशा पद्धतीने वातावरण खराब करण्याचे काम काही मुस्लिम करत असल्याचा आरोप त्यांनी केला.

पुण्यासारख्या ठिकाणी . पाकिस्तान जिंदाबादच्या घोषणा आहत आहेत. शासनाने याची गंभीर दखल घेऊन कोठारातली कठोर कारवाई त्या आरोपींवर करावी अशी मागणी बिचुकले यांनी केली आहे.

इथल्या मातीत जगता. इथे खाता पिता आणि पाकिस्तान जिंदाबाद म्हणता. पाकिस्तान मुर्दाबाद होता आणि आयुष्यभर आमच्यासाठी पाकिस्तान मुर्दाबाद असेल असेही ते म्हणाले.

पाकिस्तान जिंदाबाद म्हणणाऱ्यांची मतं तर तुम्हाला पाहिजे असतील तर तुमचा बाप सुद्धा पाकिस्तानचा असेल अशी टीका बिचुकले यांनी केली.