AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

महाराज काय फक्त मुसलमानांना कापायचे? शिवव्याख्याता आणि भाजप खासदारात जुंपली

तुषार उमाळे बोलताना त्यांनी शिवाजी महाराजांची प्रतिमा मुस्लिम विरोधी दाखविण्यासाठी कसे प्रयत्न केले जातात हे समजावत असताना खासदार अनिल बोंडे यांनी उभं होऊन हे शहाणपण बंद कर, मूर्ख आहे का? असा सवाल केला. त्यानंतर मंचावर गोंधळ उडाला.

महाराज काय फक्त मुसलमानांना कापायचे? शिवव्याख्याता आणि भाजप खासदारात जुंपली
| Edited By: Chetan Patil | Updated on: Feb 21, 2023 | 6:14 PM
Share

अमरावती : शिवाजी महाराज यांच्या नावाचा वापर करण्यात कोणताही राजकीय पक्ष मागे राहिलेला नाही, शिवाजी महाराज यांच्याविषयी सतत वाद निर्माण केले जात आहेत, तर शिवाजी महाराज यांचं चुकीचं वर्णन केल्यावरही वाद होत राहतात, छत्रपती शिवाजी महाराज हे असं एक नाव आहे की, ज्यामुळे वाद होतात, पण त्यांचं नाव इतिहासात एवढं मोठं आहे की, असे वाद त्यांच्यासमोर तोकडेच ठरतात. अमरावतीत 19 फेब्रुवारी शिवाजी महाराज जयंतीला आयोजित केलेल्या व्य़ाख्यान मालिकेत असाच वाद समोर आला आहे. यात भाजपाचे खासदार आणि शिव व्याख्याता एकमेकांसमोर उभे ठाकले, तसेच एकमेकांशी कारे तुरे देखील वर आले. पाहा कोण कुणाला काय म्हणालं.

शिवजयंती निमित्त अमरावतीत व्याख्यानाचे आयोजन करण्यात आले. कार्यक्रमाला प्रमुख वक्ते म्हणून तुषार उमाळे यांना बोलवण्यात आलं. यावेळी मंचावर भाजप खासदार अनिल बोंडे (Anil Bonde) देखील उपस्थित होते. तुषार उमाळे (Tushar Umale) बोलताना त्यांनी शिवाजी महाराजांची प्रतिमा मुस्लिम विरोधी दाखविण्यासाठी कसे प्रयत्न केले जातात हे समजावत असताना खासदार अनिल बोंडे यांनी उभं होऊन हे शहाणपण बंद कर, मूर्ख आहे का? असं उच्चारण केलं. यावेळी मंचावर असलेले मान्यवर उठून गेलेत. दरम्यान काहीसा गोंधळ निर्माण झाला होता. सध्या हा व्हिडिओ सोशल माध्यमावर चांगलाच व्हायरल होतोय. सर्वत्र या व्हिडिओची चर्चा होत आहे.

“महाराजांना कोणत्या पद्धतीने प्रेजेंट करायचं हेच आमच्या लोकांना कळलेलं नाही. शिवाजी महाराज उठले की, माँ साहेब सांगायचे, महाराज नाष्टा करायचा आहे, दोन मुसलमान कापून या. महाराज दोन मुसलमान कापून आणले. मग नाष्टा झाला. दुपारचे बारा वाजले. आता जेवायची वेळ झालीय. महाराज मुसलमान कापून या. गेले, चार मुसलमान कापून आले आणि जेवायला आले. आता संध्याकाळ झाली, सहा तरी होऊन जाऊद्या. महाराज गेले आणि सहा मुसलमान खपाखप कापून आले. महाराजांना दुसरा धंदाच नव्हता. उठलं की फक्त मुसलमानच मारायचे. महाराजांना दुसरा काही उद्योगच नव्हता अशी जणू काही…”, असं भाषण तुषार उमाळे करत होते.

अनिल बोंडे संतापले, दोघांमध्ये हमरीतुमरी

तुषार उमाळे यांचं हे भाषण सुरु असताना मंचावर बसलेले अनिल बोंडे संतापात म्हणाले, “ए शान्या, मुर्ख आहे का?”, त्यानंतर उमाळे त्यांना भर मंचावर तुम्ही मुर्ख आहेत का? असा उलट प्रश्न विचारला. यानंतर कार्यकर्त्यांचा घोषणाबाजीचा आवाज येतो. अनिल बोंडे जागेवरुन उठतात. मंचावरची सर्व मंडळी उठते. नंतर मंचावर गोंधळ उडतो. अखेर पोलीस आणि इतरांच्या मदतीने गोंधळ निवळतो आणि पुन्हा भाषणाला सुरुवात होते.

तुषार उमाळे यांनी अनिल बोंडे यांना भाषणातून ठणकावलं

यावेळी शिवव्याख्याते तुषार उमाळे आक्रमकपणे आपली भूमिका मांडतात. ही अभिव्यक्तीची गळचेपी कदापी सहन केली जाणार नाही. आम्ही तुमचा सन्मान करतो. पण याचा अर्थ असा नाही की तुम्ही आमच्या स्वातंत्र्यावर बंदी आणणार, असं तुषार उमाळे यांनी ठणकावून सांगितलं. “तुम्ही ज्येष्ठ आहात, आम्हाला वडिलधारी आहात. पण याचा अर्थ असा नाही की, तुम्ही आमच्या स्वातंत्र्यावर बंधनं आणणार”, असंही ते यावेळी म्हणाले.

“काही सौम्य नाही. जे आहे ते माझे विचार आहेत. मला अभिव्यक्ती स्वातंत्र्य आहे. ज्यांना ऐकायचं आहे त्यांनी ऐकायचं, ज्यांना नाही पटत त्यांनी निघून जायचं. मलाही हरकत नाही. मी निमंत्रित पाहुणा आहे. तुम्ही सुद्धा आहात. मी तुमचा सन्मान करतो. ज्येष्ठ आहात. वडिलधारी आहात, आमच्या वडिलांसमान आहात. पण याचा अर्थ असा नाही की तुम्ही आम्हाला आरे कारे करणार आणि आमच्या स्वातंत्र्याची गळचेपी करणार. अजिबात नाही”, असं तुषार उमाळे म्हणाले.

“महाराज कोणत्याही जाती-धर्माला बांधील नव्हते. महाराजांनी अठरा पगड जातीच्या मावळ्यांना घेऊन सगळ्यांचं स्वराज्य स्थापन केलं. आपले मराठी जेव्हा लढायला जायचे तेव्हा कोणत्या जातीचा आला ते विचारायचे नाही. सगळेजण एकच म्हणायचे, अरे आ गये रे मऱ्हाठे, आम्ही शिवाजी महाराजांचे मराठे आहोत”, अशा शब्दांत तुषार उमाळे यांनी ठणकावून सांगितलं.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत