शिवसेना खासदार भावना गवळींचा भाजप आमदार राजेंद्र पाटणींशी वाद, वाशिममध्ये खळबळ

वाशिममध्ये शिवसेना खासदार भावना गवळी यांनी भाजप जिल्हाध्यक्ष व आमदार राजेंद्र पाटणी या दोघांमध्ये वाद झाल्याची घटना घडली. (Rajendra Patani Bhavana Gavali)

  • विठ्ठल देशमुख, टीव्ही 9 मराठी, वाशिम
  • Published On - 17:43 PM, 26 Jan 2021
शिवसेना खासदार भावना गवळींचा भाजप आमदार राजेंद्र पाटणींशी वाद, वाशिममध्ये खळबळ
राजेंद्र पाटणी, भावना गवळी

वाशिम: जिल्हाधिकारी कार्यालय परिसरातील नियोजन भवन येथे जिल्हा नियोजन समितीच्या कार्यकारी समितीची सभा होण्यापूर्वी शिवसेना खासदार भावना गवळी आणि भाजप जिल्हाध्यक्ष व आमदार राजेंद्र पाटणी या दोघांमध्ये वाद झाल्याची घटना घडली. यानंतर वाशिममध्ये काही काळासाठी तणाव निर्माण झाला होता. राजेंद्र पाटणी यांनी भावना गवळींविरोधात पोलीस स्टेशनमध्ये तक्रार दाखल केली आहे. या घटनेमुळे वाशिममध्ये तणाव निर्माण झाला होता. (Washim Shivsena MP Bhavana Gavali and BJP MLA Rajenra Patani conflict at collector office)

खासदार-आमदारांच्या वादामुळे तणाव

शिवसेना खासदार भावना गवळी आणि भाजप आमदार राजेंद्र पाटणी यांच्यामध्ये झालेल्या वादामुळे परिसरात एकच खळबळ उडाली. दोघांमध्ये झालेल्या वाद पोलीस कर्मचारी व इतर कार्यकर्त्यांनी मध्यस्थी केल्यानं मिटला. मात्र, या घटनेची जिल्ह्यात मोठ्या प्रमाणात चर्चा होत आहे.

भाजप आमदार राजेंद्र पाटणी यांनी खासदार भावना गवळी यांच्या विरोधात अश्लील शिवीगाळ तसेच जीवे मारण्याची धमकी दिल्याची तक्रार वाशिम शहर पोलीस स्टेशनला दिली आहे. यावेळी आमदार समर्थक कार्यकर्ते उपस्थित होते. त्यांनी भावना गवळींविरोधात घोषणाबाजी केली.

खासदार भावना गवळी आणि आमदार पाटणी यांच्यात शाब्दीक बाचाबाची झाल्याने वाशीम शहरात काही काळ तणाव निर्माण झाला होता. शहरातील बाजरपेठ बंद करण्याच आवाहन कार्यकर्ते दुचाकी वाहनांवरुन फिरुन करत असल्याचं दिसून आलं.

राजेंद्र पाटणी काय म्हणाले?

आम्ही नियोजन मंडळ्याच्या सभागृहात प्रवेश केल्यावर खासदार भावना गवळींनी बोलावून घेतले. त्यानंतर त्यांचा तोल सुटला, त्या असभ्य भाषेत माझ्याशी बोलल्या. त्यांच्यासोबत पन्नास लोकं होते. खासदारांचं संतुलन का गेले समजलं नाही. लोकप्रतिनिधींनी मतभेद असले तरी बोलायलची पद्धत असते. त्यांच म्हणनं आम्ही ऐकून घेतलं वाद घातला नाही. आज घडलेला प्रकार पोलीस स्टेशनमध्ये सांगितला, असल्याचं भाजप आमदार राजेंद्र पाटणी म्हणाले.

संबंधित बातम्या :

‘शाहीनबागेत झालं तेच आताही झालं, देशात जाणीवपूर्वक आणीबाणी निर्माण करायचा प्रयत्न होतोय का?’

Delhi Farmers Tractor Rally LIVE | केंद्रानं शहाणपणा दाखवावा, टोकाची भूमिका सोडावी : शरद पवार

(Washim Shivsena MP Bhavana Gavali and BJP MLA Rajenra Patani conflict at collector office)