AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Balasaheb Thackeray: बाळासाहेबांच्या अपमानावरून मुंबईत राजकीय संघर्ष! महापौरांना घेरलं, केबिनमध्ये सत्ताधारी आणि विरोधकांमध्ये राडा

Balasaheb Thackeray Photo Insult Row: बाळासाहेबांच्या फोटो फाडल्याप्रकरणी मुंबईमध्ये राजकीय वातावरण तापल्याचे पाहायला मिळाले आहे. महापौरांच्या कॅबिनमध्ये घोषणाबाजी करण्यात आली आहे.

Balasaheb Thackeray: बाळासाहेबांच्या अपमानावरून मुंबईत राजकीय संघर्ष! महापौरांना घेरलं, केबिनमध्ये सत्ताधारी आणि विरोधकांमध्ये राडा
BJP and Opposition Corporators Clash in Mayor's Cabin
| Updated on: Nov 18, 2026 | 4:52 PM
Share

शिवसेना पक्षप्रमुख दिवंगत बाळासाहेब ठाकरे यांच्या फोटोचा अपमान झाल्याच्या प्रकरणावरून राज्यातील राजकीय वातावरण तापलं आहे. मुंबई महापालिकेपासून ते नाशिकपर्यंत या घटनेचे पडसाद उमटताना दिसत आहेत. मुंबईत विरोधकांनी थेट महापौरांच्या कॅबिनमध्ये जाऊन त्यांना जाब विचारला. तर नाशिकमध्ये महाराष्ट्र नवनिर्माण सेनेच्या कार्यकर्त्यांनी आक्रमक भूमिका घेत एकनाथ शिंदे यांच्या विरोधात घोषणाबाजी केली.

मुंबई महापालिकेत बाळासाहेब ठाकरे यांच्या फोटोचा अपमान झाल्याच्या मुद्द्यावरून विरोधकांनी महापौरांना धारेवर धरलं. बाळासाहेबांचा अपमान झालेला असताना सभागृहाचं कामकाज सुरू का ठेवलं? असा सवाल विरोधकांनी उपस्थित केला. याच मुद्द्यावरून महापौरांच्या कॅबिनमध्ये विरोधकांनी जाब विचारण्यास सुरुवात केली. यावेळी कॅबिनमध्ये ‘जय श्रीराम’च्या घोषणा देण्यात आल्या. महापौरांना समर्थन देण्यासाठी भाजपचे नगरसेवकही कॅबिनमध्ये दाखल झाले. त्यामुळे भाजप नगरसेवक आणि विरोधी नगरसेवक आमनेसामने आले.

दोन्ही बाजूंनी घोषणाबाजी आणि आरोप-प्रत्यारोप झाल्याने महापौरांच्या कॅबिनमध्ये जोरदार गोंधळ निर्माण झाला. काही वेळातच वातावरण चांगलंच तापलं. या घटनेचे पडसाद नाशिकमध्येही उमटले. बाळासाहेब ठाकरे यांचा फोटो फाडल्याच्या प्रकरणावरून मनसे कार्यकर्ते आक्रमक झाले. कार्यकर्त्यांनी उपमुख्यमंत्री एकनाथ शिंदे यांच्या विरोधात घोषणाबाजी केली. तर एकनाथ शिंदे यांचा फोटो फाडण्याचा इशाराही मनसे कार्यकर्त्यांकडून देण्यात आला. त्यामुळे या प्रकरणावरून नाशिकमधील राजकीय संघर्ष अधिक तीव्र होण्याची शक्यता आहे.

तर दुसरीकडे शिवसेना नेत्या शायना एनसी या विधानभवनात दाखल झाल्या. उपमुख्यमंत्री एकनाथ शिंदे यांनी त्यांना बोलावल्याची माहिती समोर आली आहे. पत्रकार परिषदेदरम्यान बाळासाहेब ठाकरे यांचा फोटो फाडला गेल्याच्या घटनेबाबत त्यांना बोलावण्यात आल्याचं सांगितलं जात आहे. त्यामुळे या प्रकरणात शायना एनसी यांची भूमिका काय असणार, याकडेही राजकीय वर्तुळाचं लक्ष लागलं आहे.

एकूणच बाळासाहेब ठाकरे यांच्या फोटोच्या कथित अपमानावरून मुंबई आणि नाशिकमध्ये राजकीय संघर्ष पेटला आहे. महापालिकेतील गोंधळ, मनसेची घोषणाबाजी आणि विधानभवनातील घडामोडींमुळे या प्रकरणाला आता वेगळं वळण मिळालं आहे. या घटनेमुळे चर्चांना उधाण आले आहे. यानंतर मुंबईच्या महापौर रितू तावडेंनी प्रतिक्रिया दिली आहे. त्या म्हणाल्या की, बाळासाहेबांचा अपमान कुणीही सहन करणार नाही. सभा तहकूब करा, अशी पेडणेकरांनी मागणी केली होती. पण सभागृह तहकूब होणार नाही, असं आम्ही विरोधकांना सांगितलं. सभागृह तहकूब न केल्याने विरोधकांकडून वॉकआऊट करण्यात आलं, असं रितू तावडे म्हणाल्या आहेत.

Follow Us
शायना एनसी विधानभवनात दाखल; एकनाथ शिंदेंनी भेटीसाठी बोलावल्याची माहिती
Shaina NC : शायना एनसी विधानभवनात दाखल; उपमुख्यमंत्री एकनाथ शिंदेंनी भेटीसाठी बोलावल्याची माहिती, राजकीय चर्चांना उधाण
बाळासाहेबांचा फोटो अनावधानाने फाडला असेल तर...; शंभुराज देसाई नेमकं...
Shambhuraj Desai : बाळासाहेबांचा फोटो अनावधानाने फाडला असेल तर...; शंभुराज देसाई नेमकं काय म्हणाले?
शिवसेना सत्तासंघर्षात ध्रुव मेहतांचा मोठा युक्तिवाद; सुनील प्रभूंच्या
Shivsena Hearing Case : शिवसेना सत्तासंघर्षात ध्रुव मेहतांचा मोठा युक्तिवाद; सुनील प्रभूंच्या व्हिपच्या वैधतेवर उपस्थित केले प्रश्न
शिवसेना पक्ष आणि चिन्ह प्रकरणातील सुनावणीला सुरुवात
Shivsena Hearing Case : शिवसेना पक्ष आणि चिन्ह प्रकरणातील सुनावणीला सुरुवात
बाळासाहेबांच्या फोटोच्या मुद्द्यावरून ठाकरे गट आक्रमक; शायना एनसी.....
Shivsena UBT : बाळासाहेबांच्या फोटोच्या मुद्द्यावरून ठाकरे गट आक्रमक; शायना एनसींविरोधात मुंबई महापालिकेत जोरदार आंदोलन
हिंमत असेल तर फडणवीसांचे सरकारी GR फाडून दाखवा; वडेट्टीवारांचं शिंदे
Vijay Wadettiwar : हिंमत असेल तर फडणवीसांचे सरकारी GR फाडून दाखवा; विजय वडेट्टीवारांचं शिंदे सेनेला थेट आव्हान
बाळासाहेबांचा फोटो फाडल्याचे भानही त्यांना... सुषमा अंधारे संतापल्या
Sushma Andhare : बाळासाहेबांचा फोटो फाडल्याचे भानही त्यांना... शायना एनसी यांच्यावर सुषमा अंधारे संतापल्या
शायना एनसी यांच्या हातून बाळासाहेब ठाकरेंचा फोटोही फाटला.....
Shivsena : सोनिया गांधींच्या पुस्तकाची प्रत फाडताना शायना एनसी यांच्या हातून बाळासाहेब ठाकरेंचा फोटोही फाटला
शिंदेंच्या शिवसेनेने सोनिया गांधींच्या पुस्तकाची प्रत फाडली....
Sonia Gandhi's Book : Shivsena : सावरकरांचा अपमान सहन करणार नाही...; शिंदेंच्या शिवसेनेने सोनिया गांधींच्या पुस्तकाची प्रत फाडली
दुष्काळग्रस्त शेतकऱ्यांसाठी सुप्रिया सुळे आक्रमक; हेक्टरी 1 लाखांच्या
Supriya Sule : दुष्काळग्रस्त शेतकऱ्यांसाठी सुप्रिया सुळे आक्रमक; हेक्टरी 1 लाखांच्या मदतीची मागणी!