जळगावमध्ये लिफ्ट कोसळून मोठा अपघात, एकाचा मृत्यू, एक जखमी

जळगावमधून मोठी बातमी समोर येत आहे. जळगावमध्ये लिफ्टचं टेस्टिंग सुरू असताना अचानक वायर रोप तुटल्यानं मोठा अपघात झाला. या अपघातामध्ये एका व्यवसायिकाचा मृत्यू झाला असून, एक जण जखमी झाला आहे. जळगाव शहरातील नवी पेठ भागात ही घटना घडली आहे. राजकुमार प्रकाश दर्डा असं या अपघातामध्ये मृत्यू झालेल्या व्यक्तीचं नाव आहे. या प्रकरणी जळगाव शहर पोलीस ठाण्यात अकस्मात मृत्यूची नोंद करण्यात आली आहे.

घटनेबाबत अधिक माहिती अशी की,  जळगाव शहरातील नवी पेठ भागात ही घटना घडली आहे. या घटनेत लिफ्ट टेस्टिंग करतांना लिफ्ट कोसळल्याने एका व्यावसायिकाचा मृत्यू झाला आहे तर एक जण किरकोळ जखमी झाला आहे. राजकुमार प्रकाश दर्डा वय 46 वर्ष असं या घटनेत मृत्यू झालेल्या व्यावसायिकाचं नाव आहे. ते प्रकाश सायकल मार्टचे मालक आहेत.

लिफ्टचं काम पूर्ण झाल्यानंतर लिफ्टचे कर्मचारी आणि राजकुमार दर्डा हे लिफ्टचे टेस्टिंग करत होते. यावेळी अचानक लिफ्टमधील रोप वायर तुटल्यानं लिफ्ट कोसळली. या घटनेत राजकुमार दर्डा हे गंभीररित्या जखमी झाले. त्यांना तातडीने खासगी रुग्णालयात दाखल करण्यात आले. मात्र उपचार सुरू असातना त्यांचा मृत्यू झाल्याची दुर्दैवी घटना घडली. तर त्यांच्यासोबत असलेला कर्मचारी या घटनेत किरकोळ जखमी झाला आहे. त्याच्यावर उपचार सुरू आहेत. या प्रकरणात जळगाव शहर पोलस ठाण्यात अकस्मात मृत्यूची नोंद करण्यात आली आहे.

लिफ्टच टेस्टिंग सूरू असताना अपघात 

लिफ्टचं काम पूर्ण झाल्यानंतर लिफ्टचे कर्मचारी आणि राजकुमार दर्डा हे या लिफ्टचे टेस्टिंग करत होते. यावेळी अचानक लिफ्टमधील रोप वायर तुटल्यानं  हा अपघात झाला. रोप वायर तुटल्यानं लिफ्ट खाली कोसळली. या अपघातामध्ये दर्डा हे गंभीर जखमी झाले होते. त्यांना उपचारासाठी रुग्णालयात नेण्यात आलं, मात्र उपचारादरम्यान त्यांचा मृत्यू झाला. तर या घटनेत अन्य एक कर्मचारी किरकोळ जखमी आहे, त्याच्यावर उपचार सुरू आहेत.