Maharashtra Election News LIVE : मुंबईच्या पश्चिम द्रुतगती महामार्गावर मोठी वाहतूक कोंडी

मुंबईच्या पश्चिम द्रुतगती महामार्गावर मोठी वाहतूक कोंडी पाहायला मिळत आहे. पश्चिम द्रुतगती महामार्गावर वांद्रेकडून अंधेरीचे दिशेने जाणाऱ्या मार्गावर एक ते दीड तासापासून मोठी वाहतूक कोंडी झाली आहे. वांद्रे,खेरवाडी,वाकोला,विलेपार्ले,अंधेरी या सर्व परिसरात वाहनांच्या लांबच लांब रांगा पाहायला मिळत आहेत.

राज्याच्या राजकीय वर्तुळातून मोठी बातमी समोर आली आहे. मुख्यमंत्र्यांनी माणिकराव कोकाटे यांचा मंत्रि‍पदाचा राजीनामा स्वीकारला आहे. मुख्यमंत्र्यांनी कोकाटेंचा राजीनामा राज्यपालांकडे सुपूर्द केला आहे. आता नाशिक पोलीस कोकाटेंच्या अटकेसाठी मुंबईकडे रवाना झाले आहेत. कोकाटेंना सदनिका गैरव्यवहार प्रकरणात अटक होणार आहे.

महाराष्ट्र काँग्रेसचे प्रदेशाध्यक्ष हर्षवर्धन सपकाळ यांनी निवडणूक आयोगावर गंभीर आरोप केले आहेत. निवडणूक याद्यांमध्ये मोठा घोळ असून आयोगाने आधी मुलाचा जन्म करून मग बापाला जन्माला घालण्याचा प्रकार सुरू केला असल्याचं सपकाळ यांनी म्हटलं. तसेच सत्ताधारी पक्षाकडे पार्श्वबहुमत असूनही पोट भरलेले नाहीय. खालच्या पातळीवर राजकारण सुरू आहे, असा शब्दात सपकाळ यांनी सत्ताधाऱ्यांवर निशाणा साधला.

सोलापूर महापालिका निवडणुकीसाठी भाजपकडून निवडणूक प्रमुखांची घोषणा करण्यात आली आहे. अक्कलकोटचे भाजप आमदार सचिन कल्याणशेट्टी यांची महापालिका निवडणूक प्रमुख पदी नियुक्ती करण्यात आली आहे. भाजप प्रदेशाध्यक्ष रवींद्र चव्हाण यांनी ही नियुक्ती जाहीर केली आहे. सोलापूर महापालिका भाजप स्वबळावर लढण्याच्या तयारीत आहे.

उपमुख्यमंत्री एकनाथ शिंदे आज कल्याणमध्ये असणार आहेत. शिंदेंच्या उपस्थितीत काँग्रेस-मनसेचे माजी नगरसेवक शिवसेनेत प्रवेश करणार आहेत. उपमुख्यमंत्री एकनाथ शिंदे आणि खासदार श्रीकांत शिंदे यांच्या उपस्थितीत थोड्याच वेळात पक्षप्रवेश होणार आहे. कल्याणमध्ये हा पक्षप्रवेश होणार आहे. माजी नगरसेविका जानवी पोटे, मनसेचे माजी शहराध्यक्ष कौस्तुभ देसाई आणि माजी नगरसेविका कस्तुरी देसाई यांचा शिवसेनेत प्रवेश होणार आहे.

मुक्ताईनगरच्या स्ट्रॉंग रूमवरती 16व्या दिवशी देखील उमेदवाराचा फेरफटका नाही. मुक्ताईनगर नगरपंचायत निवडणूक अत्यंत चुरशीची झाली. खडसे कुटुंब विरूद्ध आमदार चंद्रकांत पाटील भाजप सेनेत लढत झाली. या ठिकाणी 15636 एवढं मतदान झालं तर 28 ईव्हिएम मशिन या स्ट्रॉंगरूम वरती ठेवण्यात आलेला आहेत. सीसीटीव्हीच्या निगराणीत ईव्हीएम मशीन या ठिकाणी आहेत. पण पोलिसांव्यतिरिक्त या ठिकाणी शुकशुकाट पाहायला मिळाला.

कायद्यापेक्षा कोणीही मोठं नाही, असं आमच्या सरकारने दाखवून दिलं आहे. आमचा पक्ष कायदा पाळणारा आहे. यापूर्वी नवाब मलिक जेलमध्ये गेले होते, पण त्यांनी राजीनामा दिला नव्हता.केजरीवाल यांनीही राजीनामा दिला नव्हता. पण आमच्या सरकारने कायद्यापुढे कोणीही मोठा नाही हे दाखवून दिलं, असं भाजपा नेते रावसाहेब दानवे म्हणाले.

माणिकराव कोकाटे यांनी उपमुख्यमंत्री अजित पवार यांच्याकडे आपल्या मंत्रिपदाचा राजीनामा दिला होता. हा राजीनामा आता त्यांनी स्वीकारला असून कोकाटेंवर अटकेची टांगती तलवार आहे. आता अटकेसाठी कोणत्याही परवानगीची गरज नाही. नाशिक पोलीस आता मुंबईकडे रवाना झाले आहेत. बनावट कागदपत्रांच्या आधारे शासकीय सदनिकेचा लाभ घेण्याच्या प्रकरणात कोकाटे यांनी दोन वर्षांच्या तुरुंगवासाची शिक्षा ठोठावण्यात आली आहे.

गेल्या काही दिवसांपासून इंडिगो एअरलाईन्सचा गोंधळ उडाला होता. अनेक उड्डाण रद्द झाल्याने प्रवाशांचा खोळंबा झाला होता.  इंडिगोचे सीईओ पीटर एल्बर्स म्हणाले की, एअरलाइनसाठी सर्वात वाईट काळ संपला आहे. कारण ऑपरेशन्स स्थिर झाले आहेत आणि कॅरियरने त्यांचे नेटवर्क 2200 उड्डाणांसाठी पुनर्संचयित केले आहे.

सुलतान हैथम बिन तारिक अल सईद यांनी पंतप्रधान नरेंद्र मोदींना ‘ऑर्डर ऑफ ओमान’ देऊन सन्मानित केले. पंतप्रधान मोदींना आतापर्यंत 28 देशांकडून सर्वोच्च सन्मान मिळाले आहेत. यात रशियाचा ऑर्डर ऑफ सेंट अँड्र्यू, यूएईचा जायद मेडल, फ्रान्सचा ग्रँड क्रॉस ऑफ द लीजन ऑफ ऑनर, मालदीवचा ऑर्डर ऑफ इज्जुद्दीन आणि नायजेरिया, सायप्रस आणि फिजी सारख्या देशांकडून प्रतिष्ठित पुरस्कारांचा समावेश आहे. हा एक मोठा विक्रम आहे.

दादर येथील शिवसेना भवनसमोर चार चाकी आणि बेस्ट बसचा अपघात झाल्याची माहिती समोर आली आहे. सुदैवाने या अपघातात कोणालाही दुखापत झालेली नाही, मात्र चारचाकी गाडीचं मोठं नुकसान झालं आहे. या अपघातामुळे सेना भवन परिसरात वाहतूक कोंडी झाली होती. त्यानंतर वाहतूक पोलीसांनी घटनास्थळी दाखल होत वाहतूक सुरळीत केली.

रामसर दर्जा प्राप्त असलेले तसेच महाराष्ट्राचे भरतपूर म्हणून ओळख निर्माण केलेले निफाड तालुक्यातील नांदूर मधमेश्वर पक्षी अभयारण्य संपूर्ण देशात प्रसिद्ध आहे. या अभयारण्यात 25 ते 30 हजार देशी-विदेशी पक्षी दाखल झाले आहे. त्यामुळे या ठिकाणी पक्षी निरिक्षकांची गर्दी वाढली आहे.

महाविकास आघाडी आणि इंडिया आघाडीचा घटक पक्ष असलेल्या आम आदमी पार्टीने कोल्हापूरात महानगरपालिका निवडणूक लढवण्याच्या दृष्टीने जोरदार तयारी केली आहे. महाविकास आघाडी म्हणून एकत्र निवडणूक लढवत असताना आम आदमी पार्टीला देखील काही जागा द्याव्यात अशी मागणी आम आदमी पार्टीने केली आहे. कोल्हापुरातील महाविकास आघाडीचे नेते सतेज पाटील यांच्यासोबत याबाबत सकारात्मक चर्चा सुरू असल्याची माहिती कोल्हापुरातील आम आदमी पार्टीचे जिल्हाध्यक्ष संदीप देसाई यांनी दिली आहे.

बुलढाणा जिल्ह्यात नाफेड केंद्रावर शेतकऱ्यांची शासकीय हमीभावने सोयाबीन खरेदी सुरू आहे. मात्र यावेळी प्रथमच शेतकऱ्यांच्या सोयाबीन खरेदी केलेल्या मालाला क्यू आर कोड लावण्यात येत आहे. त्यामुळे केंद्रावर सोयाबीन खरेदी केलेला माल नेमका कोणत्या शेतकऱ्याचा आहे, त्याची संपूर्ण माहिती मिळणार आहे. शिवाय खरेदी केंद्रावर जो बोगसपना व्हायचा तो आता होणार नाही.

जळगाव जिल्ह्यात 20 डिसेंबर रोजी होणाऱ्या मतदान आणि 21 रोजी होणाऱ्या मतमोजणीसाठी प्रशासन सज्ज

त्या त्या तालुक्यांमध्ये मतदान केंद्रासाठी ठिकाण निश्चित करण्यात आले असून मतमोजणीची तयारी देखील पूर्ण करण्यात आली

जळगाव जिल्ह्यात भुसावळ, पाचोरा, अमळनेर, वरणगाव, यावल आणि सावदा या सहा तालुक्यांमधील एकूण 12 प्रभागांसाठी 20 डिसेंबर रोजी मतदान पार पडणार

जिल्ह्यातील 18 नगरपरिषदा तसेच पंचायतीसाठी 21 डिसेंबर रोजी मतमोजणी पार पडणार असून त्यासाठीची पोलीस बंदोबस्त आणि तयारी पूर्ण करण्यात आली.

पुणे महानगरपालिका निवडणुकीच्या पार्श्वभूमीवर राष्ट्रवादी शरद पवार गटाकडून इच्छुकांच्या मुलाखती

राष्ट्रवादी शरद पवार गटाच्या कार्यालयात इच्छुक उमेदवारांच्या मुलाखतीला सुरुवात

राष्ट्रवादी शरद पवार गटाचे नेते अंकुश काकडे, आमदार बापूसाहेब पठारे, शहराध्यक्ष प्रशांत जगताप यांच्याकडून इच्छुकांच्या मुलाखती

मुलाखतीसाठी इच्छुक उमेदवारांची गर्दी

नाशिकमध्ये शिवसेना कार्यालयात इच्छुक उमेदवारांच्या मुलाखती सुरू

आगामी महापालिका निवडणुकीच्या पार्श्वभूमीवर इच्छुकांच्या मुलाखती
मंत्री दादा भुसे यांच्या उपस्थितीत सुरु आहेत इच्छुक उमेदवारांच्या मुलाखती

मुलाखतीसाठी उमेदवारांकडून शिवसेना मध्यवर्ती कार्यालयात गर्दी

नाशिक- माणिकराव कोकाटे अटक वॉरंट प्रकरणी नाशिक पोलिसांकडून कायदेशीर बाबींची पडताळणी सुरू आहे. पथक पाठवण्याबाबत दुपारपर्यंत निर्णय होण्याची शक्यता आहे. कोकाटे सध्या मुंबईच्या लीलावती रुग्णालयात उपचार घेत आहेत.

अनधिकृत बांधकाम असलेल्या उमेदवारांची उमेदवारी धोक्यात आहे. उमेदवारांकडून अनधिकृत बांधकाम नसल्याचं शपथपत्र घेण्याचा महत्त्वाचा निर्णय घेण्यात आला. अनधिकृत बांधकाम आढळल्यास उमेदवारी रद्द होण्याची शक्यता आहे. प्रशासनाने कडक इशारा दिला आहे. मालेगाव महापालिका निवडणुकीच्या पार्श्वभूमीवर सर्व प्रशासकीय अधिकाऱ्यांची महत्त्वपूर्ण बैठक पार पडली.

निवडणूक अधिकारी, सहायक अधिकारी, पोलीस, महसूल आणि महापालिका प्रशासनाची संयुक्त बैठक झाली. निवडणूक आचारसंहिता, उमेदवारी अर्जांची छाननी, मतदान केंद्रांची तयारी आणि मतमोजणी प्रक्रियेवर सविस्तर चर्चा झाली. शांततापूर्ण आणि पारदर्शक निवडणूक पार पाडण्यासाठी सर्व विभागांना समन्वयाने काम करण्याच्या सूचना देण्यात आल्या.

धुळे-सोलापूर राष्ट्रीय महामार्गावर विद्यार्थ्यांना घेऊन जाणाऱ्या टेम्पोचा अपघात  झाला आहे. या अपघातामध्ये 32 विद्यार्थी किरकोळ जखमी झाले असून तीन विद्यार्थी गंभीर जखमी झाले आहेत. धुळे-सोलापूर रोडवरील बावी पाटीजवळ ही घटना घडली.

उमरगा येथील निवासी मूकबधिर विद्यालयाचे विद्यार्थी धाराशिव येथे शासकीय वैद्यकीय महाविद्यालयात आयोजित केलेल्या शिबिरासाठी येत असताना अपघात झाला. विद्यार्थी घेऊन जाणाऱ्या टेम्पोला पाठीमागून दुसऱ्या वाहनाने धडक दिल्याने टेम्पो खड्ड्यामध्ये जाऊन पलटी झाला.

डोंबिवली- ठाकरे गटाचे आमदार वरूण सरदेसाई यांनी मनसे नेते राजू पाटील यांची भेट घेतली. शिवसेना ठाकरे गट आणि मनसे केडीएमसीची निवडणूक एकत्रित लढवणार असल्याची माहिती आमदार वरूण सरदेसाई यांनी दिली.

रायगड जिल्ह्यातील मुरुड नगरपरिषद निवडणुकीदरम्यान शिवसेना शिंदे गट आणि इंदिरा गांधी काँग्रेस हे दोन्ही पक्ष एकत्र आल्याचे बॅनर झळकले होते. या बॅनरचा फोटो ट्विट करत अंबादास दानवे यांनी “बाण आणि पंजा एका साथ” असं म्हणत शिवसेनेवर निशाणा साधला होता. या टीकेला प्रत्युत्तर देताना मंत्री भरत गोगावले यांनी अंबादास दानवेंनी “एवढं नाकाला म्हाका लावू नये,” असा टोला लगावत, आम्ही जनतेच्या हितासाठी एकत्र येतो, स्वार्थासाठी नाही, असं स्पष्ट केलं आहे.

मालेगाव तालुक्यातील डोंगराळे प्रकरणात विशेष सरकारी वकील उज्वल निकम यांच्या नियुक्तीनंतर आज पहिली सुनावणी होणार आहे. डोंगराळे येथील अल्पवयीन मुलीवरील अत्याचार व हत्या प्रकरण फास्ट ट्रॅक कोर्टात चालवण्याची मागणी नागपूर अधिवेशनात करण्यात आली होती. या प्रकरणाचे राज्यभर तीव्र पडसाद उमटले असून आरोपीला फाशीची शिक्षा द्यावी, अशी मागणी आंदोलनांतून होत आहे.१४ दिवसांच्या न्यायालयीन कोठडीनंतर आज आरोपी विजय खैरनारला न्यायालयात हजर करण्यात येणार आहे.

मुंबई मध्ये येणारी निवडणूक शिवसेना भाजप महायुती मधे लढणार ही जवळपास निश्चित झाले आहे. ज्या पक्षाचे नेतृत्व नवाब मलिक करेल त्यांच्याशी युती नाही असे भाजपने स्पष्ट केले. त्यांचा निर्णय आहे आमचा विरोध करायचे कारण नाही. मराठी माणूस, मुंबई या विषयावर निवडणूक लढविली जाईल. महायुतीचा भगवा मुंबईवर कसा फडकेल. नवाब मलिक आमचे शत्रू आहे हे आम्ही जाहीर केले आहे.त्यांच्यामुळे युती तुटत आहे. त्यांनी शरद पवार सोबत करावी किंवा कुणासोबत करावी.त्यांचा पक्ष आहे, अशी टीका मंत्री संजय शिरसाट यांनी केली आहे.

चंद्रपूर महानगरपालिकेसाठी इच्छुक असलेल्या भाजप उमेदवारांच्या आज मुलाखती होणार आहे. चंद्रपूर मनपासाठी निवडणूक प्रभारी म्हणून नियुक्त करण्यात आलेले आमदार चैनसुख संचेती मुलाखती घेतील. दुपारी 12 नंतर चंद्रपूर शहरातील एनडी हॉटेल येथे इच्छुक उमेदवारांच्या मुलाखती होणार आहेत

अंबरनाथ मध्ये मुख्यमंत्री यांच्या सभेनंतर आज उपमुख्यमंत्री एकनाथ शिंदे यांची जाहीर सभा होणार आहे. शिंदेच्या शिवसेनेचे नगराध्यक्ष मनीषा वाळेकर यांच्या प्रचारसाठी उपमुख्यमंत्री अंबरनाथमध्ये सभा घेत आहेत. आज सायंकाळी ६ वाजता या जाहीर सभेचे आयोजन करण्यात आले आहे. छत्रपत्री शिवाजी महाराज चौक परिसरात सभेच आयोजन करण्यात आले आहे.

काँग्रेसच्या विधानपरिषदेच्या आमदार प्रज्ञा सातव यांनी भाजपमध्ये प्रवेश केला. यावेळी महसूलमंत्री चंद्रशेखर बावनकुळे, प्रदेशाध्यक्ष रवींद्र चव्हाण हे उपस्थित होते. त्यांच्यसोबत अनेक कार्यकर्ते सुद्धा भाजपमध्ये दाखल झाले. कालपासून प्रज्ञा सातव या काँग्रेस सोडून भाजपमध्ये येणार असल्याची चर्चा रंगली होती.

जळगावच्या सुवर्ण नगरीत चांदीच्या दराने आजवरच्या इतिहासातील सर्व उच्चांक मोडीत काढले असून, पहिल्यांदाच चांदीचा दर २ लाख ६ हजार रुपयांवर (जीएसटीसह) पोहोचला आहे. सलग दुसऱ्या दिवशी चांदीच्या दरात मोठी वाढ पाहायला मिळाली असून, आज एकाच दिवसात १ हजार रुपयांची वाढ झाली आहे. विशेष म्हणजे, गेल्या अवघ्या दोन दिवसांत चांदी तब्बल ९ हजार रुपयांनी महागली आहे. चांदीच्या या झळाळीसोबतच सोन्याच्या दरातही आज २०० रुपयांची किरकोळ वाढ झाली असून, सोन्याचे भाव १ लाख ३६ हजार २०० रुपयांवर (जीएसटीसह) स्थिरावले आहेत. लग्नसराईच्या काळात होत असलेल्या या प्रचंड दरवाढीमुळे ग्राहकांमध्ये मोठी खळबळ उडाली आहे.

मी शंभूराज देसाईंच्या केसला घाबरत नाही, मी त्यांना उत्तर देईन. हॉटेल तेजयश हे प्रकाश शिंदे यांच्या मालकीचं आहे. हॉटेलच्या बुकींगसाठी प्रकाश शिंदेंचा संपर्क क्रमांक असल्याचा खुलासा सुषमा अंधारे यांनी केला आहे. हॉटेल माझं नाही, असं प्रकाश शिंदे का बोलले, असा सवाल सुषमा अंधारे यांनी केला आहे.

सत्तेतील लोकांना वेगळा आणि विरोधातील लोकांना वेगळा न्याय आहे. माणिकराव कोकाटे यांचा पदभार काढून घेतल्याबद्दल मी मुख्यमंत्री देवेंद्र फडणवीस यांचे कौतुक करते, अशी प्रतिक्रिया सुप्रिया सुळे यांनी दिली.

पूर्णा तालुक्यातील फुकटगाव शिवारातील सार्वजनिक शिवरस्ता अतिक्रमणामुळे बंद झाल्याने शेतकऱ्यांची मोठी अडचण झाली आहे. ऊस वाहतूक ठप्प झाल्याने आर्थिक नुकसान होत आहे. त्यामुळे रस्ता तात्काळ मोकळा करण्याची मागणी शेतकऱ्यांनी तहसीलदारांकडे केली आहे. कारवाई न झाल्यास आंदोलनाचा इशारा देण्यात आला आहे.

परभणीत ऊस दराबाबत जिल्हाधिकाऱ्यांच्या उपस्थितीत जिल्हास्तरीय समितीची बैठक पार पडली. मात्र ऊस उत्पादक संघर्ष समिती आणि जिल्हास्तरीय समितीचे एकमत न झाल्याने ही बैठक निष्कळ ठरली. त्यामुळे संघर्ष समितीने तीव्र आंदोलनाचा निर्धार केला आहे.

परभणी जिल्ह्यात अवैध वाळू उपसा पुन्हा एकदा ऐरणीवर आला आहे. परभणीच्या मानवत–सेलू तालुक्यातील सांवगी मगर परिसरात दुधना नदीपात्रातून गेल्या 12 दिवसांपासून सर्रास अवैध वाळू उपसा सुरू असल्याचा गंभीर प्रकार समोर आला आहे. स्थानिक नागरिकांनी थेट जिल्हाधिकारी कार्यालयात तक्रार दाखल केली आहे. महसूल विभागाने मात्र याप्रकरणी डोळ्यावर पट्टी बांधल्याचे दिसत आहे.

सातारा जिल्ह्यातील फलटण नगरपरिषद निवडणुकीच्या पार्श्वभूमीवर राजकीय वातावरण चांगलेच तापले आहे. भाजपचे नगराध्यक्ष पदाचे उमेदवार समशेरसिंह नाईक निंबाळकर यांच्या प्रचारासाठी मुख्यमंत्री देवेंद्र फडणवीस आज बारामती विमानतळावर दाखल झाले. येथून ते थेट फलटणकडे रवाना झाले आहेत. काही वेळातच त्यांची जाहीर सभा पार पडणार आहे. या सभेच्या माध्यमातून मुख्यमंत्री फलटणमधील मतदारांना काय आवाहन करतात आणि विरोधकांवर काय निशाणा साधतात, याकडे संपूर्ण जिल्ह्याचे लक्ष लागले आहे.

मीरा-भाईंदर मतदार यादीत मोठा घोटाळा.  मीरा-भाईंदरच्या मतदारांची नावे ठाणे महापालिकेच्या यादीत घुसवली गेली आहेत असा आरोप करण्यात आला आहे.

काशिमीरा प्रभाग १४ मधील चेनापाडा, काजूपाडा, माशाचा पाडा परिसरातील हजारो मतदारांची नावे थेट ठाणे महानगरपालिकेच्या यादीत दिसत आहेत.  मीरा-भाईंदर महापालिकेच्या प्रारूप यादीत असलेली ही नावं अंतिम यादीतून वगळली.  तर त्याच मतदारांना गायमुख येथील त्रिमूर्ती शाळेच्या बूथवर ठाण्याच्या यादीत दाखवले आहे अशी माहिती समोर आली आहे.

प्रज्ञा सातव यांनी आमदारकीचा राजीनामा दिला आहे. सातव यांनी काँग्रेसच्या विधानपरिषदेच्या आमदारकीचा राजीनामा दिला. त्या लवकरच भारतीय जनता पक्षात प्रवेश करणार असल्याची चर्चा आहे.

अजित पवारांशी युती करणं म्हणजे भाजपशी हातमिळवणी करणं आहे. अजित पवार हे भाजपचे हस्तक आहेत , त्यांच्याशी कोणत्याही प्रकारे युती करणं म्हणजे भाजपचे हात बळकट करण्यासारखं आहे. काहीही झालं तरी अजित पवार हे अमित शाह आणि भाजपच्याच पाठिशी उभे राहतील – संजय राऊतांचे विधान

धनंजय मुंडे यांच्या मंत्रीपदाच्या चर्चेनंतर मराठा क्रांती मोर्चा आक्रमक झाला आहे.  धनंजय मुंडेंना मंत्रिमंडळात घेतल्यास मराठा समाज अजित पवारांच्या राष्ट्रवादीला संपवल्याशिवाय राहणार नाही.  मुंडेला मंत्रिमंडळात घेतल्यास महापालिका आणि जिल्हा परिषदेत मराठा समाज राष्ट्रवादीला नेस्तनाबूत केल्याशिवाय राहणार नाही असा इशारा देण्यात आला आहे.

अजित पवारांनी आजपर्यंत मराठ्यांच्या जीवावर सत्ता उपभोगली आहे. धनंजय मुंडेना मंत्रिमंडळात घेतल्यास मराठा समाज राष्ट्रवादीला जागा दाखवेल, असाही इशारा मराठा क्रांती मोर्चाच्या कार्यकर्त्यांनी दिला आहे.

मुंबईमध्ये अजित पवारांची NCP शरद पवारांच्या गटासोबत लढण्यास इच्छुक असल्याची माहिती सूत्रांनी दिली आहे.  अजित पवार गटाकडून शरद पवार यांच्या राष्ट्रवादीला सोबत घेण्याचे प्रयत्न  सुरू असल्याचेही समजते. बुधवारी मुंबई विभागातील पदाधिकाऱ्यांशी चर्चा करताना अजित पवारांकडून शरद पवार यांच्या राष्ट्रवादीला सोबत येण्याचा प्रस्ताव देण्याचे निर्देश देण्यात आले.

राज्यातील महापालिका निवडणुकीकरीता भाजप आणि शिंदेंच्या शिवसेना महायुतीची घोषणा भाजप प्रदेशाध्यक्ष रविंद्र चव्हाण यांनी केली होती. मात्र, वरिष्ठ नेत्यांचा हा निर्णय भाजपच्या स्थानिक कार्यकर्त्याना न रुचल्याने या युती विरोधात पहिली ठिणगी ठाण्यात पडली आहे. भाजप कोपरी मंडळ च्या वतीने शिवसेना पक्षाशी युतीबाबत हरकत नोंदविण्यात आली.

मला उमेदवारी मिळायलाच हवी अन्यथा माझ्या जीवाचे बरे वाईट झाल्यास याला पक्ष जबाबदार. सोलापूर शहर भाजपकडून सोलापूर महानगरपालिका निवडणुकीसाठी तिकीट वाटप करताना निष्ठावंत कार्यकर्ते डोकेदुखी ठरण्याची शक्यता. सोलापूर शहर भाजपमध्ये गेल्या 40 वर्षापासून काम करणारे कार्यकर्ते अनंत धुम्मा यांनी उमेदवारीवरून थेट पक्षातील नेत्यांनाच ईशारा दिलाय

युवा नेतृत्व म्हणून ओळख असलेले, पूर्व विदर्भ युवासेना सचिव महाराष्ट्र राज्य तसेच विदर्भातील पहिले आणि एकमेव गोंडवाना विद्यापीठ सिनेट सदस्य इंजि. निलेश बेलखेडे यांनी भारतीय जनता पक्षात जाहीर प्रवेश केला आहे. इंजि. निलेश बेलखेडे यांच्या प्रवेशामुळे विदर्भातील युवा वर्गात भाजपची ताकद वाढण्याची शक्यता व्यक्त केली जात आहे.

पीडित शेतकरी रोशन कुडे याची डावी किडनी काढण्यात आल्याचं वैद्यकीय अहवालात उघड. काल रात्री उशिरा पोलिसांना मिळाला कुडे याचा वैद्यकीय अहवाल. वैद्यकीय अहवालात किडनी काढण्यात आल्याचं स्पष्ट झाल्याने आता पोलिसांच्या तपासाला येणार वेग, विशेषतः फिर्यादी शेतकऱ्याने चेन्नई येथील एका डॉक्टरने त्याला कंबोडिया येथे जाण्यात मदत केल्याचा केला आहे तक्रारीत उल्लेख,

युवा नेतृत्व म्हणून ओळख असलेले, पूर्व विदर्भ युवासेना सचिव महाराष्ट्र राज्य तसेच विदर्भातील पहिले आणि एकमेव गोंडवाना विद्यापीठ सिनेट सदस्य इंजिनिअर निलेश बेलखेडे यांनी भारतीय जनता पक्षात जाहीर प्रवेश केला आहे. निलेश बेलखेडे यांच्या प्रवेशामुळे विदर्भातील युवा वर्गात भाजपची ताकद वाढण्याची शक्यता व्यक्त केली जात आहे. भाजपच्या वरिष्ठ नेत्यांच्या उपस्थितीत हा प्रवेश पार पडला. या निर्णयामुळे शिवसेना (उबाठा) गटाला मोठा धक्का मानला जात आहे.

प्रसिद्ध शिल्पकार राम सुतार यांचं निधन झालं आहे. वयाच्या 100 व्या वर्षी त्यांनी दिल्लीतील निवासस्थानी अखेरचा श्वास घेतला. रात्री एक वाजण्याच्या सुमारास त्यांनी अखेरचा श्वास घेतला. दिल्लीत नोएडा येथे त्यांच्यावर अंत्यसंस्कार होणार आहेत.

राज्यातील महापालिका निवडणुकीकरीता भाजप आणि शिंदेंच्या शिवसेना महायुतीची घोषणा भाजप प्रदेशाध्यक्ष रविंद्र चव्हाण यांनी केली होती. मात्र, वरिष्ठ नेत्यांचा हा निर्णय भाजपच्या स्थानिक कार्यकर्त्याना न रुचल्याने या युती विरोधात पहिली ठिणगी ठाण्यात पडली आहे. भाजप कोपरी मंडळच्या वतीने शिवसेना पक्षाशी युतीबाबत हरकत नोंदविण्यात आली आहे. कोपरी मंडळ अध्यक्ष कृष्णा भुजबळ यांनी शिंदेंच्या शिवसेनेने यापूर्वी केलेल्या कुरघोडींचा पाढाच जाहिर पत्रकार परिषदेत वाचला.

माणिकराव कोकाटे यांनी मंत्रि‍पदाचा राजीनामा दिला आहे. माणिकराव कोकाटेंची खाती अजित पवारांकडे आहेत. नाशिकमधील सदनिका गैरव्यवहार प्रकरणात माणिकराव कोकाटे यांना कोर्टाने शिक्षा सुनावली आहे. त्यांच्या डोक्यावर अटकेची टांगती तलवार आहे. कोकाटेंच खात काढण्याची काल मुख्यमंत्र्यांनी राज्यपालांकडे शिफारस केली होती.

एकाच दिवशी दोन महिला शहर अध्यक्षांचे राजीनामे. मंदा पाटील आणि कस्तुरी देसाई यांचा मनसेला ‘जय महाराष्ट्र’. ​कल्याण-डोंबिवली मनसेत बंडाचे निशाण. माजी आमदार राजू पाटलांच्या कार्यपद्धतीवर प्रश्नचिन्ह. दादांनी मुद्दामून फोन उचलला नाही, कष्टाची किंमत नाही; माझ्यावर अन्याय झाला नेमकी माझी चुकी काय ? असे सांगत मंदा पाटलांचा मनसेला निरोप.