Buldana Suicide : दोघा चिमुकल्यांसह तलावात उडी घेत आईने जीव दिला! बुलडाण्यात महिलेच्या आत्महत्येनं खळबळ
Buldana Crime News : 30 वर्षीय सरीताचा पती तिच्यावर संशय घेत. चारित्र्याच्या संशयातून तिला मारहाणही करण्यात आली होती.
बुलडाणा : एका 30 वर्षांच्या महिलेने आत्महत्या (Buldana News) केल्यानं खळबळ उडाली आहे. महिलेनं स्वतः तर जीव दिलाच, पण सोबत आपल्या दोन मुलांनाही तिनं घेतलं आणि तलावात उडी टाकली. महिलेचा मृतदेह तलावात तरंगताना आढळून आल्यानंतर ही घटना उघडकीस आली. या खळबळजनक घटनेनं संपूर्ण बुलडाणा हादरुन गेलंय. धक्कादायक बाब म्हणजे आत्महत्या केलेल्या 30 वर्षांच्या विवाहीत महिलेचा मृतदेह (Dead Body) हाती लागला आहे. मात्र तिच्यासोबतच्या दोन चिमुकल्यांचा अजूनही ठावठिकाणा लागू शकलेला नाही. सध्या चिमुरड्यांचा शोध सुरु आहे. या महिलेच्या कुटुंबीयांना महिलेच्या आत्महत्येप्रकरणी आरोप केला आहे. त्यानंतर बुलडाणा पोलिसांकडून (Buldana Suicide) आता पुढील कारवाई केली जातेय. पतीच्या संशयी वृत्तीमुळे आणि मारहाणीमुळे महिलेनं आत्महत्या केल्याचा आरोप करण्यात आलाय. दरम्यान, या महिलेनं 11 वर्षीय मुलगी आणि नऊ वर्षांच्या मुलांनी तलावात ढकललं आणि स्वतःही तलावात उडी घेत आत्महत्या केल्यानं हळहळ व्यक्त केली जातेय.
नेमकं काय प्रकरण?
बुलडाणा तालुक्यातील करडी येथील तलावात 30 वर्षांच्या महिलेचा मृतदेह तरंगताना आढळून आला होता. त्यानंतर याबाबतची माहिती समोर आल्यानंतर पोलिसांनी चौकशी करण्यास सुरुवात या महिलेच्या मृतदेहाची ओळखही पटवण्यात आली.
सरीता पैठणे आणि तिची दोन मुलं..
सरिता पैठणे असं मृत महिलेचं नाव असून तिने आत्महत्या केल्याचं उघड झालं. विशेष म्हणजे तलावात उडी घेताना तिनं आपल्या पोटच्या पोरांनाही मृत्यूच्या दारात धडकललंय. 11 वर्षीची वेदीका आणि 1 वर्षांचा वंश या दोघा चिमुरड्यांसह सरिताने तलावात उडी घेत आपली जीवनयात्रा संपवली आहे. दरम्यान, सरिताचा मृतदेह हाती लागलाय. पण तिच्या दोघा मुलांचा शोध सुरु आहे.
मृत महिलेच्या पतीवर गंभीर आरोप
30 वर्षीय सरीताचा पती तिच्यावर संशय घेत. चारित्र्याच्या संशयातून तिला मारहाणही करण्यात आली होती.या जाचातून कायमची सुटका मिळावी, म्हणून तिनं पोटच्या पोरांसह आत्महत्या केली, असा आरोप करण्यात आला आहे. याप्रकरणी मृत सरीताच्या नातलगांची गंभीर आरोप केले आहेत.
सरीताच्या भावाने याप्रकरणी पोलिसांत तक्रार दाखल केली असून पोलीस आता याप्रकरणी पुढील कारवाई करत आहेत. आईने आपल्या दोघा चिमुरड्यांसह आत्महत्या केल्यानं परिसरा खळबळ माजली आहे.
