AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

इतिहास घडला, अखेर तेजस ठाकरे मैदानात; आदित्य ठाकरेंसोबत ठिय्या, मुंबईच्या आंदोलनाला नवी धार

मुंबईतील शिवाजी पार्कात आज मोठ्या घडामोडी घडल्या आहेत. यावेळी शेकडो कार्यकर्त्यांना ताब्यात घेण्यासाठी निघालेल्या पोलिस आणि शिवसैनिकांमध्ये मोठा गोंधळ झाल्याचं पाहायला मिळालं आहे. नेमकं काय घडतंय?

इतिहास घडला, अखेर तेजस ठाकरे मैदानात; आदित्य ठाकरेंसोबत ठिय्या, मुंबईच्या आंदोलनाला नवी धार
Tejas Thakceray aditya thakceray at sena bhavanImage Credit source: टीव्ही 9 मराठी
| Updated on: Oct 11, 2026 | 6:33 PM
Share

सीजेपीच्या आंदोलनाच्या पार्श्वभूमिवर आता मुंबईत वातावरण गरम झालं आहे. शिवाजी पार्कात पोलिसांकडून कार्यकर्त्यांची धरपकड सुरु होती. यावेळी पोलिस शिवसेना भवन परिसरात गेले. तिथे कार्यकर्त्यांना ताब्यात घेताना शिवसैनिक आणि पोलिसांमध्ये मोठा गोंधळ झालेला पाहयला मिळालाय. यावेळी सर्व परिस्थिती पाहता ठाकरे गटाचे आमदार आदित्य ठाकरे दाखल झाले. त्यांनी पोलिस व्हॅनवर चढत या पोलिसांच्या कारवाईचा निषेध नोंदवला. विशेष म्हणजे यावेळी त्यांच्यासोबत त्यांचे भाऊ तेजस ठाकरेही मैदानात उतरले आहेत. त्यांनी यावेळी ठाकरेंच्यावतीने मैदानात झेप घेतली आहे.

मुंबईत नेमकं काय घडतंय?

शिवाजी पार्कमध्ये कॉकरोच जनता पार्टीने आज आंदोलनाची हाक दिली आहे. त्यापार्श्वभूमिवर मैदानात कार्यकर्ते जमायला सुरुवात झाली होती. पण पोलिसांनी याठिकाणी मोठी कारवाई करण्यास सुरुवात केली. त्यांनी शिवाजी पार्क परिसरात फिरणाऱ्या नागरिकांची चौकशी सुरु केली. त्यामुळे शेकडो कार्यकर्त्याना अडवून त्यांना ताब्यात घेण्यात आलं. यावेळी अमित ठाकरेंनाही पोलिसांनी अडवलं. त्याचवेळी आंदोलकांची धरपकड करताना सेना भवन परिसरातही पोलिस घुसले. हे पाहून आता आदित्य ठाकरे हेदेखील तिथं दाखल झाले आहेत. दरम्यान, आता याघडली मुंबईतील शिवाजी पार्क परिसरात सीजेपीचे कार्यकर्ते, शिवसेना ठाकरे गटाचे कार्यकर्ते आणि महाराष्ट्र नवनिर्माण सेनेचे कार्यकर्ते असे सर्व कार्यकर्ते एकत्र आलेले आहेत. त्यांनी सर्वांनी मिळून पोलिस कारवाईविरुद्ध, निवडणूक आयोगाविरुद्ध आणि ज्ञानेश कुमार, भाजपविरोधात घोषणाबाजी केली आहे.

दरम्यान, मुंबई पोलिसांच्या अंगात दिल्लीचं भूत घुसलं आहे. पण आम्ही मागे हटणार नाही. ज्या आंदोलकांना ताब्यात घेतलं आहे. त्यांना सोडा. आम्ही रोज आंदोलन करणार. शिवाजी पार्कात रोज आंदोलन होणार, अमित ठाकरेंना ताब्यात घेण्यात आलं आहे, असं आदित्य ठाकरेंनी सांगितलं. अख्ख्या महाराष्ट्रात हे आंदोलन तुम्हाला पाहायला मिळेल, असं आदित्य ठाकरेंनी सांगितलं आहे. मुख्य निवडणूक आयुक्त ज्ञानेश कुमारांच्या कथित मतचोरी प्रकरणावरुन त्यांचा राजीनामा मागण्यासाठी हे सर्व आंदोलनं सुरु आहेत.

मुंबईत वणवा पेटला आहे. प्रत्येक नागरिक आपल्या हक्कासाठी लढताना दिसतो आहे, असं यावेळी आदित्य ठाकरेंनी सांगितलं आहे. वरुण सरदेसाई यांनीही सेना भवन परिसरात हजेरी लावली आहे. अनेक मोठे नेते आता शिवाजी पार्कच्या दिशेने निघाल्याची माहिती समोर आली आहे. त्यामुळे आता मुंबईत वातावरण आणखी तापण्याची शक्यता वर्तवण्यात आली आहे.

Follow Us
अजितदादा हयात असते तर 12 फेब्रुवारीलाच दोन्ही राष्ट्रवादी एकत्र...
अजितदादा हयात असते तर 12 फेब्रुवारीलाच दोन्ही राष्ट्रवादी एकत्र आल्या असत्या; सुनील तटकरेंचा मोठा खुलासा!
शरद पवारांच्या भेटीगाठींवरून रोहित पवारांचा भाजपला सूचक इशारा; पार्थ..
शरद पवारांच्या भेटीगाठींवरून रोहित पवारांचा भाजपला सूचक इशारा; पार्थ आणि सुनेत्रा पवारांबाबत काय म्हणाले?
मोठी बातमी! मृत्यूपूर्वी वैभव चव्हाण यांची कथित ऑडिओ क्लिप व्हायरल...
मोठी बातमी! मृत्यूपूर्वी वैभव चव्हाण यांची कथित ऑडिओ क्लिप व्हायरल; क्रीडा घोटाळ्याचा पर्दाफाश केल्याचा दावा
महाराष्ट्र राज्याला मिळणार राष्ट्रीय पुरस्कार! नवीकरणीय ऊर्जा...
महाराष्ट्र राज्याला मिळणार राष्ट्रीय पुरस्कार! नवीकरणीय ऊर्जा क्षेत्रातील कामगिरीचा गौरव
गोकुळमध्ये भाजपचे 5 संचालक नेमलेच कसे? राज ठाकरेंचा थेट सवाल!
Raj Thackeray : गोकुळमध्ये भाजपचे 5 संचालक नेमलेच कसे? राज ठाकरेंचा थेट सवाल!
गोकुळ दुध संघातील तिढा कधी सुटणार? चंद्रकांत पाटलांच्या भेटीनंतर हसन..
गोकुळ दुध संघातील तिढा कधी सुटणार? चंद्रकांत पाटलांच्या भेटीनंतर हसन मुश्रीफ स्पष्टच म्हणाले...
बीडीडी चाळीतील रहिवाशांचं घराचं स्वप्न पूर्ण होणार! 557 सदनिकांचं आज..
बीडीडी चाळीतील रहिवाशांचं घराचं स्वप्न पूर्ण होणार! 557 सदनिकांचं आज मुख्यमंत्र्यांच्या हस्ते वितरण
मुख्यमंत्र्यांची दिवाळी शेतकऱ्यांसोबत! देवेंद्र फडणवीस गावात साजरी...
मुख्यमंत्र्यांची दिवाळी शेतकऱ्यांसोबत! देवेंद्र फडणवीस गावात साजरी करणार सण
MPSC गैरप्रकारांच्या तक्रारींसाठी 16 नोव्हेंबरपर्यंत मुदत, प्रतिज्ञापत
MPSC गैरप्रकारांच्या तक्रारींसाठी 16 नोव्हेंबरपर्यंत मुदत, प्रतिज्ञापत्रांबाबत नेमकं काय म्हणाले तुकाराम मुंढे?
ईडीच्या रडारवरून हसन मुश्रीफ बाहेर! 2022 मधील ते प्रकरण अखेर बंद,
ईडीच्या रडारवरून हसन मुश्रीफ बाहेर! 2022 मधील ते प्रकरण अखेर बंद, नेमकं काय घडलं होतं?