निवडणुकीत नमस्कार करता करता समोर कुत्रा आला तरी नमस्कार करत असतो – देवेंद्र फडणवीस

मागच्या टीमने चांगलं काम केलं त्यांचं अभिनंदन. नवीन टीमचे स्वागत आहे. नवीन टीमने अनेक मागण्या केल्या आहेत. मागच्या टीमने एक बिल्डिंग मागितली होती ती झाली. नवीन टीमने सगळं नवीन कोर्ट मागितले आहे. नक्कीच नागपूर महत्वाचं ठिकाण आहे त्यामुळे नवीन कोर्ट आवश्यक आहे, कारण जून्या कोर्टमध्ये जागा कमी पडत आहे ही मागणी पूर्ण होईल असे आश्वासन मुख्यमंत्री देवेंद्र फडणवीस यांनी यावेळी दिले. नागपूर बार असोसिएशनच्या नवनियुक्त पदाधिकाऱ्यांचा पदग्रहण समारंभात ते बोलत होते.

मुख्यमंत्री देवेंद्र फडणवीस पुढे म्हणाले की गवई साहेब म्हणाले मी माजी झालो त्यामुळे फक्त विनंती करू शकतो, पण गवई साहेब तुम्ही आम्हाला मागणी केली ती सर न्यायाधीश यांची मागणी म्हणून पाहतो असेही यावेळी मुख्यमंत्री देवेंद्र फडणवीस म्हणाले.

यावेळी देवेंद्र फडणवीस म्हणाले की किलोर साहेब यांनी निवडणूक लढतानाच्या अनेक अडचणी सांगितल्या. मग आमच्या समोर दर पाच वर्षांनी काय अडचणी येत असतील हे समजू शकता. आम्ही निवडणुकीत नमस्कार करता करता समोर कुत्रा आला तरी नमस्कार करत असतो.

न्यायालयाच्या प्रक्रियेत अनेक सुधारणा होत आहेत. त्यात आणखी बदल होईल. नवीन बॉडीच्या पदग्रहण सोहळ्यासाठी माजी सर न्यायाधीश आले यातून तुम्ही किती महत्वाचे आहे, हे महत्वाचे आहे. गवई साहेब यांच्याकडून अनेक गोष्टी शिकण्यासारख्या आहेत. आमच्याकडे विरोधी पक्ष नेता असतो, त्याप्रमाणे तुमच्याकडे नसेल अशी अपेक्षा करतो असेही देवेंद्र फडणवीस म्हणाले.

सूचना दिली तरी ते काम पूर्ण करतात

कोर्टाची नवीन बिल्डिंग व्हावी ही मागणी 2015 मध्ये झाली होती, त्यावेळी ती बिल्डिंग पूर्ण झाली होती,आता नवीन मागणी आहे, देवेंद्रजी यांच्याकडे. आपल्याला डिमांड करावी लागत नाही, सूचना दिली तरी ते काम पूर्ण करतात असे यावेळी माजी सर न्यायाधीश भूषण गवई म्हणाले.

मी सर न्यायाधीश असताना मी देवेंद्रजी सोबत अनेक कामांना उपस्थित होतो त्यांनी अनेक कामे केली, टीकाकार टीका करतात, पण काम केलं ते दिसते. त्यांनी कधी कामासाठी लागणाऱ्या पैशाची कमी होऊ दिली नाही. कोल्हापूर खंडपीठ तयार झाले, त्यातून अनेकांना न्याय मिळाला आहे. मागण्या अनेक होतात, त्या हनुमानाच्या शेपटी सारख्या असतात. पण मुख्यमंत्री यांनी या मागण्या होण्याआधीच या विषयी प्लॅनिंग केलं आहे.

न्यायमूर्तीच्या निवृत्तीचे वय वाढण्याविषयी काहीतरी सुरू आहे. देवेंद्रजी कुठे असतील ते सांगता येत नाही. आपल्याकडे अनेक गोष्टी ऐकायला येतात. वकील हा सोशल इंजिनिअर असतो असेही माजी सर न्यायाधीश भूषण गवई यांनी सांगितले.

अध्यक्ष दुसऱ्यांदा होणे कठीण

माणूस आमदार, खासदार अनेक वेळा होऊ शकतात. पण डिस्ट्रिक्ट बार असोशियनचा अध्यक्ष दुसऱ्यांदा होणे कठीण आहे. मी जेव्हा निवडणूक लढवली तेव्हा मला चांगला अनुभव आला. व्होट मागतानाचे अनेक किस्से यावेळी न्यायमूर्ती किलोर यांनी सांगितले. या संघटनेचा अध्यक्ष होणे मोठी जबाबदारी असते. एक जबाबदारी आपल्यावर आहे ती म्हणजे सिनिअर वकिलांना ज्युनिअर वकिलांनी मान देणे असेही ते म्हणाले.

मी अनेक प्रयोग वकिलांच्या बाबतीत केले. इंग्रजी चांगलं असणं, एवढंच वकिलांसाठी महत्वाचं नाही. जो माणूस वकिलांना पैसे देऊ शकत नाही, अशा लोकांना न्याय मिळवून देणे महत्वाचं आहे. जी मागणी न्यायालय सुविधा बाबत केली ती पूर्ण होणे आवश्यक आहे. मुख्यमंत्री समजदार आहेत. त्यांना आपली काळजी आहे त्यामुळे मागणी पूर्ण करणे हे त्यांना माहीत आहे असेही अनिल किलोर यावेळी म्हणाले.