पत्रिका छापल्या, वाटल्या, पण गोंधळ झाला… रेवती आणि सारंगचं लग्न वेळेवर होणार का? सुप्रिया सुळेंच्या व्याहींनी दिली मोठी अपडेट

फेब्रुवारी महिन्याच्या अखेरीस अमेरिका-इस्रायलने मिळून इराणवर हल्ला केला आणि मोठ्या युद्धाला तोंड फुटलं. याचे परिणाम तिन्ही देशांसह जगालाही सहन करावे लागत असून जगभरात इंधनाचं मोठं संकट निर्माण झालं. भारतालाही याचा फटका बसला असून इंधन टंचाई सहन करावी लागत आहे. याच पार्श्वभूमीवर देशाचे पंतप्रधान नरेंद्र मोदी यांनी सर्व देशवासियांना इंधन बचतीचं आवाहन केलं. मोठे खर्च टाळा, सार्वजनिक वाहनांनी प्रवास करा, परदेशवारी नको, असं पंतप्रधानांनी देशवासियांना संबोधित करताना सांगितलं होत.  त्यांच्या या आवाहनाला देशातील नागरिकांनी मोठा प्रतिसाद दिला. सामान्य नागरिक, उद्योजक, राजकारणी यांनी पंतप्रधानांच म्हणणं ऐकत इंधन बचत करताना दिसले.

राष्ट्रवादी काँग्रेस शरद पवार गटाच्या नेत्या, सुप्रिया सुळे यांची मुलगी आणि उद्योजक अरूण लखानी यांच्या मुलाचं लग्न ठरलं असून लवकरच ते पार पडणार आहे. मात्र पंतप्रधानांच्या इंधन बचतीच्या सल्ल्यानंतर अरूण लखानी यांनी मोठा निर्णय घेत मुलगा व सुनेच्या लग्नाचं रिसेप्शन पुढे ढकलण्याचा महत्वाचा निर्णय घेतला.नागपूरमध्ये होणार रिसेप्शन आता पुढे ढकलण्यात आलं. काल माध्यमांशी संवाद साधताना खुद्द सुप्रिया सुळे यांनी ही माहिती दिली होती.

आज अरूण लखानी यांनीही या विषयावर प्रतिक्रिया दिली आहे. टीव्ही9 मराठीशी संवाद साधताना ते विविध विषायंवर बोलले. त्यावेळी त्यांनी सारंग- रेवती यांचं रिसेप्शन पुढे ढकलण्याचा निर्णय यावरही प्रतिक्रिया दिली

सुप्रिया सुळेंच्या व्याहींनी दिली मोठी अपडेट

पंतप्रधान नरेंद्र मोदी यांनी आवाहन केलं आणि आमच्या घरातून विनंती आली की रेवती आणि सारंगचं रिसेप्शन पुढे ढकलू शकतो का? त्यानंतर आम्ही चर्चा करून निर्णय घेतला. त्यानुसार. 27 नोव्हेंबर रोजी होणारं रिसेप्शन आता 16 डिसेंबर ला पुढे ढकललं आहे, असं अरूण लखानी म्हणाले.

आम्ही हे रिसेप्शन पुढे ढकलण्याचा निर्णय घेतलाय. खरंतर आम्ही पत्रिकाही छापल्या होत्या, त्या वाटल्या होत्या. पण काही गोंधळ झाला. मात्र असं असलं तरी रेवती आणि सारंग यांचं लग्न वेळेवर होणार आहे, असंही लखानी म्हणाले. आम्ही सर्वांना पत्रिका दिल्या आहेत. या लग्नात कोण येणार, हे आता 20 तारखेला कळेलच. सुप्रिया ताई या डिसेंबरमध्ये दिल्लीला रिसेप्शन देणार आहे. त्यामध्ये पंतप्रधान नरेंद्र मोदीजी येणार आहेत, असंही अरूण लखांनी यांनी नमूद केलं.

कोण आहे सारंग लखानी ?

सुप्रिया सुळे यांचा होणारा जावई आणि रेवती सुळे हिचा होणारा पती सारंग लखानी हा चांगला बॅडमिंटनपटूदेखील असून तो विश्वराज ग्रुपचे अध्यक्ष आणि व्यवस्थापकीय संचालक असलेल्या अरूण लखानी यांचे पुत्र आहे. विश्वराज ग्रुप ही नागपूरची कंपनी असून ती सांडपाणी प्रक्रिया, पाणी व्यवस्थापन यासारखे प्रकल्प हाताळते. ही कंपनी जल व्यवस्थापनात कार्यरत आहे.