Pune : काळजाचा थरकाप! मातीच्या ढिगाऱ्याखाली 9 जण अडकलेलेच? डोळ्यात पाणी आणणारी परिस्थिती समोर, एकाचा पाय…

पुण्यातील पिंपरी-चिंचवडच्या मोशीत बुधवारी कचऱ्याचा डोंगर इमारतीवर कोसळून भीषण दुर्घटना घडली. डोंगराखाली इमारतीमधील जवळपास 15 जण अडकले होते. आतापर्यंत त्यातील 9 जणांना सुखरूप बाहेर काढायचं आहे. घटनेनंतर सैन्य दल, अग्निशमन दल, पोलीस प्रशासन, आपात्कालीन पथक मदतकार्य करत आहे. दुसऱ्या दिवसानंतरही काही जण ढिगाऱ्याखाली अडकले आहेत. त्यांना बाहेर काढण्याचं काम युद्ध पातळीवर सुरू आहे. या घटनास्थळाची डोळ्यात आणणारी परिस्थिती मंत्री गिरीश महाजन यांनी सांगितली आहे.

पुण्यातील पिंपरी-चिंचवडच्या मोशीतील घटनास्थळी अग्निशमन दल, NDRF आणि लष्कराचे जवान जीवाची बाजी लावून हे अवघड रेस्क्यू ऑपरेशन करत आहेत. रेस्क्यू अत्यंत धोकादायक आणि आव्हानात्मक ठरत आहे. अद्यापही ९ जण ढिगाऱ्याखाली अडकल्याची भीती व्यक्त केली जात आहे. त्यांना सुरक्षित बाहेर काढण्यासाठी युद्धपातळीवर बचावकार्य सुरू आहे.

ढिगाऱ्यातून ९ जणांची सुरक्षित सुटका

पुणे, मावळ येथे इमारत दुर्घटनेनंतर रेस्क्यू ऑपरेशनमध्ये ९ जणांना वाचवण्यात बचाव पथकांना यश आलं आहे. अंदाजे ८ ते ९ जण अजूनही अडकले असल्याची शक्यता वर्तवण्यात येत आहे. घटनास्थळी बचावकार्य सुरू आहे. लष्कर, एनडीआरएफ (NDRF), अग्निशमन दल आणि स्थानिक प्रशासन घटनास्थळी दाखल आहे.

मोशीतील घटनेवर मंत्री गिरीश महाजन म्हणाले, अतिशय दुर्देवी घटना आहे. मागील 30- 35 तासांत 600 मिली रेकाँर्डब्रेक पाऊस झाला आहे. सगळा कचरा वाहून आला होता. एकूण 23 जण या ठिकाणी होते. सहा जणांना बाहेर काढले आहे. युध्दपातळीवर काम सुरु आहे. तीन ते चार जण खालून बोलतायेत. आपण तिथपर्यंत पोहचू शकलो नाही. अडकलेल्या काही जणांना आम्ही लगेच बाहेर काढू शकत नाही. कारण मलबा खूप आहे. त्यांचे पाय अडकले आहेत. अडकलेल्या काहींना चहा-बिस्किट दिलं आहे. ढिगाऱ्यात आणखी जवळपास १२ जण आत असतील. त्यातील तीन जणांशी संपर्क झाला आहे. राज्य शासन, महापालिका, NDRF, अग्निशामन दल, मिलिट्री सगळे घटनास्थळी आहे. सकाळपर्यंत हे रेस्क्यू ऑपरेशन चालेल. थोडा वेळ लागला तरी चालेल. पण एकही जीव नाही गेला पाहीजे, ही आमची भूमिका आहे. आमचा प्रयत्न आहे की, सर्वांना सुखरूप बाहेर काढण्याचा प्रयत्न आहे’.