अबू आझमींच्या घरावर ED चे छापे? कुठे कुठे कारवाई? आझमी काय म्हणाले पाहा Video!
कुलाबा येथील कमल मेंशन येथे ही छापेमारी झाली आहे. आभा गुप्ता आणि अबू आझमी यांचे ऑफिस येथेच आहे, अशी प्राथमिक माहिती हाती आली आहे.
मुंबईः समाजवादी पार्टीचे (Samajwadi Party) नेते अबू आझमी (Abu Azmi) यांच्या विविध संपत्तींवर छापेमारी सुरु असल्याचे वृत्त आहे. त्यांच्या मुंबईतील घरावरही आयकर तसेच ईडीच्या अधिकाऱ्यांचे छापे (IT Raid) पडल्याची माहिती आहे. मुंबई (Mumbai) आणि लखनौ येथील अबू आझमींच्या घरावर ही कारवाई सुरु असल्याचं वृत्त आहे. अबू आझमी यांनी हे वृत्त नाकारलं आहे. माझ्यापर्यंत तरी अशी माहिती आलेली नाही, असं आझमी म्हणालेत.
अबू आझमी यांना पोलिसांनी नजरकैदेत ठेवलं असल्याचंही म्हटलं जातंय. मात्र या अफवा कुठून आल्या माहिती नाही. माझ्या मुंबईतल्या घरावरही छापे पडलेले नाहीत, असं अबू आझमी यांनी स्पष्ट सांगितलं…
संपत्तीवरील छापेमारीचं वृत्त अबू आझमी यांनी नाकारलं असलं तरीही माझ्या व्यवसायासंबंधी काही प्रकरण असल्याची माहिती त्यांनी दिली. मुंबईतल्या घरी माझी पत्नी असून तिच्याशीही माझं आताच फोनवर बोलणं झालंय. कोणत्याही प्रकारची कारवाई झालेली नाही, असं अबू आझमी म्हणाले.
मात्र अकोला येथील दौरा अबू आझमी यांनी अचानक रद्द केला आहे. ते मुंबईच्या दिशेने रवाला झाले आहेत.
पाहा अबू आझमी काय म्हणाले?-
आयकर विभागाने समाजवादी पक्षाचे नेते अबू आझमी यांच्या निकटवर्तीय आभा गणेश गुप्ता यांच्या संपत्तीवर छापेमारी झाल्याचं वृत्त आहे. बेनामी संपत्ती आणि काळ्या पैशांसंबंधीचे आरोप आयकर विभागाचे असल्याचं म्हटलं जातंय. आझमी यांच्याशी संबंधित मुंबई, वाराणसी, कानपूर, दिल्ली, कोलकाता और लखनौ आदी शहरांतील ३० ठिकाणांवर ही छापेमारी झाली आहे.
अबू आझमी हे समाजवादी पक्षाचे महाराष्ट्र अध्यक्ष आहेत. तर आभा गुप्ता या अबू आझमी यांच्या निकटवर्तीय आणि सपाचे माजी महासचिव गणेश गुप्ता यांच्या पत्नी आहेत. गणेश गुप्ता यांचं निधन झालंय. आभा गुप्तांच्या कंपन्यांसंबंधी ठिकाणांवर छापेमारी झाली आहे.
कुलाबा येथील कमल मेंशन येथे ही छापेमारी झाली आहे. आभा गुप्ता आणि अबू आझमी यांचे ऑफिस येथेच आहे.
