सर्व कबुतरखाने तात्काळ सुरू करा अन्यथा… जैन मुनींनी घेतली राहुल नार्वेकर यांची भेट, उपोषणाचा इशारा अन्

राज्यातील कबुतरखाने बंद करण्यात आली. मात्र, याला जैन समाजाने मोठा विरोध केला. फक्त विरोधच नाही तर त्यांच्याकडून मोठे आंदोलनही दादरच्या कबुरखान्याजवळ करण्यात आले. पालिकेने बंद केलेला कबुतरखाना त्यांच्याकडून सुरू करण्याचा प्रयत्न करण्यात आला. अजूनही कबुतरखान्यासाठी जैन समाज आग्रही आहे. जैन समाज मोठ्या संख्येने कबुतरखाना परिसरात पोहोचला होता. त्यावेळी महापालिकेने लावलेली ताडपत्री जैन समाजाकडून काढून टाकण्यात आली होती. त्यातच आता पुन्हा कबुतरखाने सुरू करण्यासाठी जैन समाजाकडून प्रयत्न केली जात आहेत. तश्या हालचालीही सुरू असल्याचे बघायला मिळतंय. 8 महिन्यानंतर राहुल नार्वेकर आणि मुनी निलेशचंद्र यांची भेट झाली. मुंबईतील सर्व कबुतरखाने सुरू करण्याची मागणी करण्यात आली.

मुंबईत महाराष्ट्र विधानसभेचे अध्यक्ष राहुल नार्वेकर आणि मुनी निलेशचंद्र महाराज यांची 8 महिन्यानंतर पुन्हा भेट झाली. 8 महिन्यांपूर्वी आझाद मैदानावर जैन समाजाच्या आंदोलनादरम्यान विधानसभा अध्यक्षांनी कबुतरांना न्याय मिळेल असे आश्वासन दिले होते. मात्र, 8 महिने उलटूनही मुंबईतील सर्व कबुतरखाने बंदच असल्याच सांगितलं आहे

पायधुनी येथील गोडी जी पार्श्वनाथ जैन मंदिरासह संपूर्ण मुंबईतील कबुतरखान्यांमध्ये शांतिदूतांचा दाणा पाणी बंद असल्याचे त्यांनी सांगितले. भेटीत मुनींनी विधानसभा अध्यक्षांना या प्रकरणाची आठवण करून देत लवकरात लवकर न्याय देण्याची मागणी केली. जर संपूर्ण मुंबईतील सर्व कबुतरखाने तात्काळ उघडण्यात आले नाहीत, तर  गोडी पार्श्वनाथ जैन मंदिर, पायधुनी समोर मोठे आंदोलन करू.

आमरण उपोषण आम्ही सुरू करू. यावेळी ऐकणार नाही. जोपर्यंत न्याय मिळत नाही तोपर्यंत उपोषण सुरूच राहील, असे मुनी निलेशचंद्र यांनी म्हटले आहे. ज्यामुळे आता पुन्हा एकदा कबुतरखान्यासाठी जैन समाज आक्रमक होताना दिसत आहे. फक्त आक्रमकच नाही तर यावेळी त्यांनी थेट उपोषणाचा इशाराही दिला. यासोबतच कोणाचेही यावेळी ऐकणार नसल्याचे त्यांनी स्पष्ट केले. फक्त मुंबईच नाही तर राज्यभरातील कबुतरखाने सुरू करण्यावर त्यांनी भाष्य केले आहे.