Special Report : एकनाथ खडसे आठ दिवसांपासून नॉट रिचेबल; जळगावात नव्या राजकीय घडामोडी?
एरवी एकनाथ खडसे कार्यकर्त्यांसाठी अर्ध्या रात्री सर्वकाळ फोनवर अगदी सहज उपलब्ध असतात. पण, एकनाथ खडसे काही दिवसांपासून गायब आहेत. त्यांचा फोन देखील लागत नसल्याची तक्रार सामान्य कार्यकर्त्यांमध्ये दबक्या आवाजात आहे.
जळगाव : सामान्य कार्यकर्त्यांसाठी सदा सर्वकाळ फोनवर अगदी सहज उपलब्ध असणारे एकनाथ खडसे आठ दिवसांपासून नॉट रिचेबल आहेत. नॉट रिचेबल येणे तर्कवितर्क जळगाव जिल्ह्यात सुरू झालेत. नव्या राजकीय घडामोडी तर घडणार नाही, ना अशी शक्यता व्यक्त केली जात आहे. राज्याच्या राजकारणात अत्यंत महत्त्वाच्या घडामोडी घडत आहेत. यातच राष्ट्रवादी काँग्रेस पक्षाचे (NCP) बडे नेते एकनाथ खडसे (Eknath khadse) यांचं वृत्त समोर आलं आहे. गेल्या ८ दिवसांपासून एकनाथ खडसे नॉट रिचेबल आहेत, अशी माहिती सूत्रांनी दिली आहे. एरवी एकनाथ खडसे कार्यकर्त्यांसाठी अर्ध्या रात्री सर्वकाळ फोनवर अगदी सहज उपलब्ध असतात. पण, एकनाथ खडसे काही दिवसांपासून गायब आहेत. त्यांचा फोन देखील लागत नसल्याची तक्रार सामान्य कार्यकर्त्यांमध्ये दबक्या आवाजात आहे.
पर्सनल दोन्ही फोन नॉट रिचेबल
एकनाथ खडसे यांचा गेल्या 8 दिवसांपासून कार्यकर्त्यांशी संपर्क झालेला नाही. असं पहिल्यांदाच घडल्याच घडतंय, अशीही माहिती समोर आली आहे. एकनाथ खडसे यांचे दोन्ही फोन नंबर्स नॉट रिचेबल असल्याचं समोर आलंय. राज्याच्या राजकारणात काही महत्त्वाची घडामोड समोर येतेय का, याकडे सर्वांचं लक्ष लागलंय.
एकनाथ खडसे आजारी?
दुसरीकडे एकनाथ खडसे मुंबईत असल्याचं सांगण्यात येतंय. मात्र फोनवर संपर्क होऊ शकत नसल्याने जळगावातील त्यांचे कार्यकर्ते संभ्रमात आहेत.
खडसे यांच्या कन्या रोहिणी खडसे यांच्याशी फोनवरून संपर्क साधला असता त्यांनी tv9 दिलेली माहिती अशी वडील सध्या आजारी असल्यामुळे ते आराम करत आहेत. याव्यतिरिक्त ते काही बोलल्या नाहीत.
कार्यकर्ते संभ्रमात
एकनाथराव खडसे हे कोणताही आडपडदा न ठेवणारे आणि रोखठोक भूमिका मांडणारे नेतृत्व म्हणून ओळखले जाते. त्यामुळे गेल्या आठ दिवसांपासून जर त्यांचा फोन हा नॉट रिचेबल असेल तर कार्यकर्त्यांमध्ये संभ्रम निर्माण होणे साहजिकच आहे.
तब्येतीचे कारण असो अथवा राजकीय काही अडचण असो यातून कदाचित त्यांचा फोन नॉट रिचेबल असू शकतो. त्यामुळे कार्यकर्त्यांमध्ये संभ्रम निर्माण झालेला आपण समजू शकतो.
