AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

BIG BREAKING | एकनाथ खडसे आणि पंकजा मुंडे यांची उद्या भेट, मोठ्या हालचालींचे संकेत?

महाराष्ट्राच्या राजकारणात उद्या मोठी घडामोड घडण्याचे संकेत मिळत आहेत. कारण राष्ट्रवादी काँग्रेसचे आमदार एकनाथ खडसे उद्या भाजप नेत्या पंकजा मुंडे यांची भेट घेणार असल्याची माहिती सूत्रांकडून मिळत आहे,

BIG BREAKING | एकनाथ खडसे आणि पंकजा मुंडे यांची उद्या भेट, मोठ्या हालचालींचे संकेत?
| Edited By: Chetan Patil | Updated on: Jun 02, 2023 | 6:18 PM
Share

जळगाव : महाराष्ट्राच्या राजकारणातील एक मोठी बातमी समोर आली आहे. राष्ट्रवादी काँग्रेसचे आमदार एकनाथ खडसे आणि भाजप नेत्या पंकजा मुंडे यांची उद्या भेट होणार असल्याची माहिती समोर येत आहे. या भेटीत राजकीय चर्चा होण्याची दाट शक्यता आहे. मिळालेल्या माहितीनुसार, भाजपचे दिवंगत नेते गोपीनाथ मुंडे यांच्या पुण्यतिथीनिमित्त गोपीनाथ गडावर एकनाथ खडसे उद्या उपस्थित असणार आहेत. यावेळी खडसे यांची पंकजा मुंडे, त्यांच्या बहीण खासदार प्रीतम मुंडे यांच्यासोबत राजकीय चर्चा होण्याची शक्यता असल्याची माहिती सूत्रांनी दिली आहे.

एकनाथ खडसे यांनी पंकजा यांच्या भेटीआधी ‘टीव्ही 9 मराठी’ला प्रतिक्रिया दिली आहे. पंकजा यांनी नुकतंच मी भाजपची नाही तर भाजप पक्षात मी आहे. भाजप हा मोठा पक्ष आहे, असं वक्तव्य केलं होतं. याच वक्तव्यावर एकनाथ खडसे यांनी नाराजी व्यक्त केली. “भाजपमध्ये अस्वस्थथा आहे”, असं मत एकनाथ खडसे यांनी मांडलं आहे.

“पंकजा मुंडे यांचे विधान दुःखद आणि वेदनादायी आहे. पंकजा मुंडे यांनी ज्या शब्दांमध्ये आपली उद्विग्नता व्यक्त केलीय ती अतिशय वेदनादायी आहे. गोपीनाथ मुंडे यांच्यासह पंकजा मुंडे आणि प्रीतम मुंडे यांनी पक्षासाठी उभं आयुष्य घातलं. पंकजा मुंडे यांची अशी अवस्था असणं म्हणजे भाजपमध्ये अस्वस्थता आहे. भाजप पक्ष वर्षानुवर्ष ज्यांनी वाढवला, बहुजनांपर्यंत पोहोचला, अशा जुन्या कार्यकर्त्यांचा भाजपात छळ होतोय”, असा दावा एकनाथ खडसे यांनी केला आहे.

एकनाथ खडसे नेमकं काय म्हणाले?

“पंकजा ताई यांची अशी अवस्था असणं म्हणजे भाजपमध्ये एकमेकांमध्ये अस्वस्थता आहे. पंकजा मुंडे यांनी मला ऊस तोडायला जावं लागेल, महादेव जानकर यांना मेंढ्या पाळायला जावं लागेल, हे वक्तव्य उद्विग्नतेतून काढलेलं आहे. हे वक्तव्य दुर्देवी आहे. भाजपमध्ये अनेक वर्ष काम करुन बहुजन समाजापर्यंत हा पक्ष पोहोचवला अशा जुना कार्यकर्त्यांचा छळ मोठ्या प्रमाणात होत आहे, दुर्लक्षित केलं जातंय, त्यांचा वारंवार अपमान केला जातोय”, असं एकनाथ खडसे म्हणाले आहेत.

एकनाथ खडसे यांचं गोपीनाथ गडावरुनच बंड

गेल्या दोन-तीन वर्षांपासूनचे गोपीनाथ गडावरील कार्यक्रमांचा इतिहास पाहिला तर तो महत्त्वपूर्ण आहे. विशेष म्हणजे एकनाथ खडसे यांनी गोपीनाथ गडावर जाहीर कार्यक्रमात धडाकेबाज भाषण केलं होतं. त्या कार्यक्रमात मंचावर भाजपचे तत्कालीन प्रदेशाध्यक्ष चंद्रकांत पाटील हे देखील उपस्थित होते. त्यावेळी एकनाथ खडसे यांनी थेट तत्कालीन मुख्यमंत्री देवेंद्र फडणवीस यांच्यावर निशाणा साधला होता. त्यामुळे मोठी खळबळ उडाली होती. त्यानंतर लगेच काही दिवसांनी एकनाथ खडसे यांनी भाजपला रामराम ठोकत राष्ट्रवादी काँग्रेस पक्षात प्रवेश केला होता.

Follow Us
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट