Khavdya Dongar Case: आधीच एक मुलगा गमावला, आता कुणाल…; चांदगुडे कुटुंबाबाबत मोठी माहिती समोर
Khavdya Dongar Case: खवड्या डोंगरावरुन पडून एकाच कुटुंबातील तिघांचा मृत्यू झाला. आता या प्रकरणी नवनवीन खुलासे होताना दिसत आहेत. काही दिवसांपूर्वी कुणालच्या एका लहान भावाचे देखील निधन झाले होते. याबाबत कुणालच्या आईने स्वत: माहिती दिली होती.
छत्रपती संभाजीनगरच्या वाळूज एमआयडीसी परिसरातील तिसगाव नजीकच्या खवड्या डोंगरावरुन पडून एकाच कुटुंबातील तिघांचा मृत्यू झाला. यामध्ये १९ वर्षीय कुणाल चांदगुडे, त्यांचे वडील मुरलीधर चांदगुडे (४८) आणि आई संगीता चांदगुडे यांचा समावेश आहे. आता या प्रकरणी नवनवीन खुलासे होताना दिसत आहेत. संगीता यांचे स्वत:चे एक यूट्यूब चॅनेल आहे. या चॅनेलवर त्यांनी आधीच एका मुलाला गमावल्याचे म्हटले आहे. आता त्या मुलाचे निधन कसे झाले वाचा…
वादाचा नवा पैलू समोर आला
अहवालांनुसार संगीता सोशल मीडियावर व्हिडिओही बनवत असे. तिच्या एका व्हिडिओमध्ये तिने कौटुंबिक वादाचा उल्लेख केला होता. तिने म्हटले होते की, एका तिसऱ्या महिलेच्या हस्तक्षेपामुळे कुटुंबात वाद निर्माण होत होता. तिने आपल्या पती मुरलीधर चांदगुडे आणि त्या महिलेसोबत गोष्ट सांगितली होती. यामुळे कुटुंबात तणाव वाढल्याचा उल्लेख तिने व्हिडिओमध्ये केला होता. मात्र या वादाचा अलीकडच्या घटनेशी काही संबंध आहे की नाही, हे अद्याप स्पष्ट नाही. या सर्व गोष्टी तपासानंतरच स्पष्ट होण्याची शक्यता .
एका मुलाचा झाला होता मृत्यू
कुणालची आई संगीताने तिच्या अधिकृत यूट्यूब चॅनेलवर काही व्हिडीओ शेअर केले आहेत. या व्हिडीओमध्ये संगीताने सांगितले की, काही लोक तिच्या पतीला त्रास देत आहेत. तिने वैवाहिक जीवनातील अडचणींबद्दल खुलासे केले होते. शिवाय तिने सांगितले की, आठ वर्षांपूर्वी तिच्या एका मुलाचा मृत्यू झाला होता. त्यानंतर संपूर्ण कुटुंब धक्क्यात होते. त्या घटनेनंतर कुटुंबातील तणाव कमी झाला नाही. रोजच्या रोज कुठल्या ना कुठल्या गोष्टीवरून वाद होतच राहत होता.
संपूर्ण प्रकरण काय?
समोर आलेल्या माहितीनुसार, १९ वर्षीय कुणाल आपल्या वडील मुरलीधर यांच्याकडून आयफोन न दिल्याबद्दल नाराज होता. त्याने ईएमआयवर आयफोन विकत घेतला, तेव्हा हप्ता भरण्याबाबत वाद सुरू झाला. मुरलीधर ड्रायव्हर होते. शुक्रवारी सकाळी कुणाल आत्महत्या करण्यासाठी डोंगरावर गेला. त्यानंतर आई-वडील, आसपासचे लोक आणि पोलिस त्याला रोखण्यासाठी पोहोचले. डोंगराच्या खाली जाळेही टाकण्यात आले, पण तो जागा बदलत गेला. वडिलांनी हिंमत करून त्याला पकडण्याचा प्रयत्न केला, तेव्हा संतुलन बिघडले आणि दोघे खाली पडले. त्यानंतर संगीतानेही डोंगरावरुन उडी मारली.
