हे भुजबळ बिजबळ…, लक्ष्मण हाकेंचा नवा व्हिडिओ व्हायरल, बघा काय म्हणाले?

एकीकडे मराठा आरक्षणाच्या पार्श्वभूमीवर पुन्हा एकदा मनोज जरांगे पाटील यांनी आंदोलनाची हाक दिली आहे. येत्या 29 ऑगस्टपासून आंदोलनाला सुरुवात होणार आहे. सरकार कुणबी प्रमाणपत्र रद्द करत असल्याचा आरोप मनोज जरांगे पाटील यांच्याकडून करण्यात आला आहे. या आंदोलनामध्ये मोठ्या संख्येनं मराठा बांधवांनी सहभागी व्हावं असं आवाहन देखील मनोज जरांगे पाटील यांनी केलं आहे. दरम्यान मनोज जरांगे पाटील यांच्या या घोषणनेतर ओबीसी नेत्यांनी देखील आक्रमक भूमिका घेतली आहे, त्यामुळे पुन्हा एकदा ओबीसी आणि मराठा समाजाचे नेते आमने-सामने येण्याची शक्यता आहे. दरम्यान या घडामोडी घडत असतानाच आता ओबीसी नेते लक्ष्मण हाके यांचा एक व्हिडीओ समोर आला आहे.  हा व्हिडीओ नवनाथ वाघमारे यांना उद्देशून असल्याचं बोललं जातं आहे. मात्र टीव्ही 9 मराठी या व्हिडीओची कोणतीही पुष्टी करत नाही. आपल्याला 90 टक्के रिस्पॉस आहे, तरीही आपण आबाला पुढे करत असल्याचं या व्हिडीओमध्ये लक्ष्मण हाके यांनी म्हटलं आहे.

या व्हिडीओमध्ये लक्ष्मण हाके यांनी काय म्हटलं? 

आपल्याला 90 टक्के रिस्पॉस तरी आबाला पुढे करतो, असं म्हटलेला हाकेंचा एक व्हिडीओ व्हायरल झाला आहे. हा व्हिडीओ ओबीसी नेते नवनाथ वाघमारे यांना उद्देशून असल्याचं बोललं जात आहे. मात्र या व्हिडीओची टीव्ही 9 मराठी कोणतीही पुष्टी करत नाही. मात्र हा व्हिडीओ सध्या प्रचंड व्हायरल होत आहे. 90 टक्के रिस्पॉस मला आहेना, लक्ष्मण हाकेला 90 टक्के रिस्पॉस आहे. पण मी लोकांना सांगतो नाही आबाला पुढे घ्या, आबाला पुढे घ्या. नाही आबाच्या नावाने घोषणा द्या, हे सगळं मी करतोय ना, हे भुजबळ-बिजबळ सोडा, आमदार, खासदारांनी धास्ती घेतलीये. असं या व्हिडीओमध्ये लक्ष्मण हाके म्हणताना दिसत आहेत,

दरम्यान सध्या हा व्हिडीओ प्रचंड व्हायरल होत आहे. हा व्हिडीओ ओबीसी नेते नवनाथ वाघमारे यांना उद्देशून असल्याचं बोललं जात आहे. मी आबाला पुढे करतो, असं यामध्ये लक्ष्मण हाके म्हणताना दिसत आहेत.