मोठी बातमी! शिवसेना शिंदे गटाचा नेता करणार बंडखोरी? थेट स्टेजवरूनच मोठी घोषणा, निवडणुकीआधीच राजकारण तापलं

राजकीय वर्तुळातून मोठी बातमी समोर येत आहे. लवकरच पुणे शिक्षक मतदारसंघ आणि पदवीधर मतदारसंघाची निवडणूक होणार आहे. पुणे शिक्षक मतदारसंघामधून उमेदवारी मिळावी यासाठी  उपमुख्यमंत्री एकनाथ शिंदे यांच्या आरोग्य कक्षाचे प्रमुख मंगेश चिवटे हे इच्छूक आहेत. याच पार्श्वभूमीवर त्यांनी केंद्रीय गृहमंत्री अमित शाह यांची देखील भेट घेतली आहे. परंतु दुसरीकडे भाजपकडून देखील या मतदारसंघावर दावा करण्यात आला आहे. पुणे शिक्षक आणि पदवीधर मतदार संघात महायुती म्हणूनच निवडणूक लढवण्याचा प्रयत्न आहे. मात्र वेळ पडल्यास भाजपा म्हणून निवडणुकीला दोन्ही मतदारसंघात सामोरे जाऊ, असं या संदर्भात बोलताना भाजपचे मंत्री जयकुमार गोरे यांनी म्हटलं होतं.

दरम्यान या सर्व पार्श्वभूमीवर आता शिवसेना शिंदे गटाचे नेते आणि आमदार बच्चू कडू यांनी मोठं विधान केलं आहे. त्यांच्या या वक्तव्यानंतर महायुतीमध्ये वातावरण तापण्याची शक्यता आहे.  मंगेश चिवटे यांनी रुग्णसेवेमध्ये जो चिवटपणा दाखवला त्यामुळे येत्या निवडणुकीमध्ये ते आमदार झाल्याशिवाय राहणार नाही. मंगेश चिवटे यांना पाठिंबा दिला नाही, आणि  जर  बंडखोरी करण्याचं काम पडलं तर आम्ही बंडखोरीचे बादशाह आहोत असा सूचक इशारा यावेळी बच्चू कडू यांनी दिला आहे.  जो चांगला आहे त्याच्या मागे आम्ही उभं राहतो, नेत्यांचा विरोध असला तरी त्याची पर्वा करत नाही, असंही ते यावेळी म्हणाले, ते अमरावतीमध्ये आयोजित आरोग्य शिबिरात बोलत होते.

दरम्यान बच्चू कडू यांच्या या विधानानंतर आता महायुतीमध्ये वातावरण तापण्याची शक्यता आहे. बच्चू कडू यांच्यापूर्वी भाजप नेते आणि मंत्री जयकुमार गोरे यांनी या मतदारसंघाबाबत बोलताना मोठं विधान केलं होतं.  पुणे शिक्षक आणि पदवीधर मतदार संघात महायुती म्हणूनच निवडणूक लढवण्याचा प्रयत्न आहे. मात्र वेळ पडल्यास भाजपा म्हणून निवडणुकीला दोन्ही मतदारसंघात सामोरे जाऊ, असा सूचक वक्तव्य त्यांनी केलं आहे. त्यानंतर आता बच्चू कडू यांनी देखील दावा केल्याने आता वातावरण तापण्याची शक्यता आहे.