Maharashtra News Live Update : परवाच्या निवडणुकीत घोडे बाजार निश्चित झाला : राजू शेट्टी

मुंबई : आज सोमवार 13 जून 2022. आज आपण राजकारणासह (Politics) सामाजिक आणि वेगवेगळ्या क्षेत्रातील महत्त्वाच्या घडामोडींचा आढावा एका क्लिकवर घेणार आहोत. राज्यात आज देखील राजकीय घडामोडी वाढण्याची शक्यता आहे. राज्यसभेच्या निवडणुकीनंतर महाराष्ट्रातील महाविकास आघाडीत बिघाडी असल्याची चर्चा जोर धरू लागली आहे. राष्ट्रपती निवडणुकीनंतर महाराष्ट्र आणि पश्चिम बंगालमधलं सरकार बरखास्त होणार असल्याचं भाकीत भाजपा प्रदेश उपाध्यक्ष सुरेश हाळवणकर यांनी वर्तवलं आहे. राहूल गांधी ईडी चौकशीसाठी रवाना, कॉंग्रेसचे कार्यकर्ते मोठ्या संख्येने उपस्थित आहेत. कार्यकर्ते आक्रमक झाल्याचे पाहायला मिळत आहेत. पोलिसांचा कडक बंदोबस्त देखील पाहायला मिळत आहे.