Maharashtra Corona Update | राज्यात कोरोनाचा विळखा वाढताच, दिवसभरात 1,216 नवे रुग्ण, आकडा 17,974 वर

मुंबई : राज्यातील कोरोनाबाधित रुग्णांची एकूण संख्या 17 हजार 974 वर (Maharashtra Corona Virus Cases) पोहोचली आहे. आज (7 मे) दिवसभरात 1 हजार 216 नवे कोरोना रुग्ण आढळून आले आहेत. राज्यात आज 207 कोरोनाबाधित रुग्ण ठणठणीत बरे झाले असून त्यांना घरी सोडण्यात आले आहे. आतापर्यंत राज्यभरात 3,301 रुग्ण कोरोनातून बरे झाले आहेत, अशी माहिती आरोग्यमंत्री राजेश टोपे (Health Minister Rajesh Tope) यांनी आज दिली (Maharashtra Corona Virus Cases).

राज्यात आज 1216 कोरोना बाधीत रुग्णांची वाढ झाली व एकूण संख्या आता 17974 अशी झाली आहे. आज नवीन 207 कोरोना बाधित रुग्ण बरे झाले आहेत. एकूण 3301 रुग्ण बरे होऊन दवाखान्यातून घरी पाठविण्यात आले आहेत.#CoronaVirusUpdates #MeechMazaRakshak #मीचमाझारक्षक #मैंहीमेरारक्षक

— Rajesh Tope (@rajeshtope11) May 7, 2020

दिवसभरात 43 कोरोनाबाधितांचा मृत्यू

आज राज्यात 43 करोना बाधित रुग्णांचा मृत्यू झाला आहे. त्यामुळे कोरोनाबळीची एकूण संख्या 694 झाली आहे. आज झालेल्या मृत्यूंपैकी मुंबई मधील 24, पुण्यातील 7, वसई-विरारमधील 5, सोलापूर शहरात 2, अकोला शहरात 1, पालघरमध्ये 1 आणि औरंगाबाद शहरात 1 मृत्यू झाला आहे. याशिवाय मणिपूरमधील 1 आणि बिहारमधील एका व्यक्तीचा मृत्यू मुंबईमध्ये झाला आहे.

आज झालेल्या मृत्यूंपैकी 24 पुरुष तर 19 महिला आहेत. आज झालेल्या 43 मृत्यूपैकी 60 वर्षे किंवा त्यावरील 25 रुग्ण आहेत. तर 14 रुग्ण हे वय वर्षे 40 ते 59 या वयोगटातील आहेत. तर 4 जण 40 वर्षांखालील आहे. 43 रुग्णांपैकी 29 जणांमध्ये (67 टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत. कोविड-19 मुळे राज्यात झालेल्या मृत्यूंची संख्या आता 694 झाली आहे.

राज्यात 2 लाख 12 हजार 742 जण होम क्वारंटाईन

आजपर्यंत पाठविण्यात आलेल्या 2 लाख 02 हजार 105 नमुन्यांपैकी 1 लाख 83 हजार 880 जणांचे प्रयोगशाळा नमुने करोना करता निगेटिव्ह आले आहेत. तर 17 हजार 974 जण पॉझिटिव्ह आले आहेत. राज्यात 2 लाख 12 हजार 742 लोक होम क्वारंटाईनमध्ये असून 12 हजार 494 लोक संस्थात्मक क्वारंटाईनमध्ये (Maharashtra Corona Virus Cases) आहेत.

राज्यात 51.76 लाख लोकसंख्येचे सर्वेक्षण

राज्यातील ज्या भागात रुग्णांचे क्लस्टर सापडले आहेत. त्या ठिकाणी केंद्र सरकारच्या मार्गदर्शनानुसार क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 1087 कंटेनमेंट झोन क्रियाशील असून आज एकूण 12 हजार 21 सर्वेक्षण पथकांनी काम केले असून त्यांनी 51.76 लाख लोकसंख्येचे सर्वेक्षण केलेले आहे.

कोरोनाची अद्ययावत आकडेवारी :

Maharashtra Corona Virus Cases

संबंधित बातम्या :

ऑर्थर रोड जेलमध्ये 26 कर्मचारी आणि 78 कैद्यांना कोरोना

Nagpur Corona | तुकाराम मुंढेंच्या निर्णयामुळे नागपुरात मोठा धोका टळला

Shocking Video : मृतदेहाशेजारी कोरोना रुग्णांवर उपचार, विरोधकांचं सरकारवर टीकास्त्र