Maharashtra News LIVE : रत्नागिरीत पहाटे भीषण अग्नितांडव, ‘महालक्ष्मी मिनी मॉल’ जळून खाक

शिरूर तालुक्यातील वाजेवाडी येथे रात्री दहाच्या सुमारास उसाच्या शेताला भीषण आग लागून शेतकरी दिनकर मांजरे यांचा दीड एकर ऊस जळून खाक झाला. ऐन ऊस हंगामात घडलेल्या या घटनेमुळे शेतकऱ्याचे लाखो रुपयांचे नुकसान झाले आहे. आगीची माहिती मिळताच अग्निशामक दलाने घटनास्थळी धाव घेत शर्थीचे प्रयत्न करून आग आटोक्यात आणली. त्यामुळे परिसरातील इतर ऊस शेतीचे नुकसान टळले. आगीचे कारण अद्याप अस्पष्ट असून महसूल व कृषी विभागाने तातडीने पंचनामा करून नुकसानग्रस्त शेतकऱ्याला आर्थिक मदत द्यावी, अशी मागणी होत आहे.

अमरावती-दिवाळीच्या आनंदोत्सवात उत्साहानंतर भाऊ-बहिणीच्या जिव्हाळ्याचे प्रतीक असलेली भाऊबीज उत्साहात साजरी केली जाते. अमरावतीमध्ये काँग्रेसच्या नेत्या यशोमती ठाकूर यांच्या निवासस्थानी यशोमती ठाकूर आणि काँग्रेस खासदार बळवंत वानखडे यांच्यात भाऊबीज उत्साहात पार पडली.. यशोमती ठाकूर यांनी खासदार बळवंत वानखडे यांना औक्षवंत करत ओवळणी घातली… त्यानंतर यशोमती ठाकूर यांनी बळवंत वानखडे यांचे पाया पडून आशीर्वाद घेतले… बळवंत वानखडे यांनी यशोमती ठाकूर यांना साडी गिफ्ट दिली,

यावेळी यशोमती ठाकूर यांनी प्रतिक्रिया दिली.आज माझा भाऊ खासदार आहे उद्या अजून त्यापेक्षाही मोठे झाले पाहिजे अशी प्रार्थना करतो..बळवंत दादा आवर्जून दरवर्षी घरी येतात..एक भावनिक नातं आमच्यामध्ये आहे..माझा भाऊ सुखरूप राहिला पाहिजे अशी देवाचरणी प्रार्थना असं त्यांनी म्हटलं.. तर आमचं भाऊ बहिणीचं नातं आहे अशी प्रतिक्रिया बळवंत वानखडे यांनी दिली…

नागपूर विभागीय आयुक्तांनी नाशिक मनपाला पत्र पाठवून ४ कार व ६ जीप अशी १० वाहने अधिग्रहित करण्याचे  आदेश दिले. अधिग्रहित वाहनांवर शासकीय चालक नसेल तर पर्यायी चालकाची व्यवस्था करावी.  वाहने वेळेत नागपूर कार्यालयाकडे सुपूर्द करावीत. अन्यथा जबाबदार अधिकाऱ्यावर शिस्तभंग कारवाईचा प्रस्ताव शासनास सादर करण्याचा इशारा दिला आहे.  व्हीआयपींसाठी वाहनाची गरज भासत असल्याने राज्य शासनाकडे असलेल्या विशेष अधिकाऱ्यांचा वापर करून नाशिक मनपाकडून वाहने मागितली.

राज्य विधिमंडळाचे हिवाळी अधिवेशन ७ डिसेंबरपासून नागपुरात सुरू होणार. अधिवेशनासाठी २५ नोव्हेंबरपासून अधिकारी-कर्मचाऱ्यांचे नागपुरात आगमन होणार. २७ नोव्हेंबरपर्यंत सर्व तयारी पूर्ण करण्याचे सार्वजनिक बांधकाम विभागाचे उद्दिष्ट आहे . तयारीसाठी एकूण ३८६ कामे निश्चित; २२९ कार्यालयीन इमारतींमध्ये, तर १५७ निवासस्थानांमध्ये, मात्र, सुमारे १५० निविदा अद्याप खुल्या झालेल्या नाहीत.अनेक कामांचे कार्यादेशही जारी नसल्याने तयारीवर प्रश्नचिन्ह तयार होत आहेत.  काही निविदांना कंत्राटदारांचा प्रतिसाद नसल्याने अडचणी वाढल्या आहेत.  सर्व महत्त्वाची कामे सुरू असून २७ नोव्हेंबरपर्यंत पूर्ण होतील, असा पीडब्ल्यूडीचा दावा आहे.

कल्याण पूर्वेतील दुर्गा मंदिर शक्तिधाम परिसरातून दोन दुचाकी चोरीला गेल्या आहेत. रॉयल गार्डन सोसायटीच्या पार्किंगमध्ये अशोक तिवारी चावी गाडीला विसरले; चोरट्याने संधी साधत ॲक्टिव्हा पळवली. तोंडाला रुमाल बांधून आलेल्या चोरट्याची चोरीची घटना सीसीटीव्हीत कैद झाले आहेत.  दुसरी मोटारसायकल डुप्लिकेट चावीने लंपास केल्या आहेत.

दिवाळी पाडव्याच्या मंगल पर्वावर नागपुरातील स्वामीनारायण मंदिरात अन्नकुट महोत्सव पार पडला आहे.  यावेळी शेकडो खाद्यपदार्थ, मिठाईचे नानाविध प्रकार आणि पंचपकवानांची सुबक सजावट करण्यात आली होती. अन्न हे केवळ उदरभर्णाचे साधन नसून ईश्वराचा प्रसाद आहे या श्रद्धेचा प्रत्यय देणारा हा सोहळा ठरला. यावेळी मंदिराचे सभागृह फुलांच्या आरसीने सजविण्यात आले होते. या अन्नकुट महोत्सवाच्या दर्शनासाठी मोठ्या प्रमाणात भाविकांनी गर्दी केली होती.

हिंगोली- तीन एक शेतातील हळदीच्या पिकांवर शेतकऱ्यांनी ट्रॅक्टर फिरवला आहे. कळमनुरी तालुक्यातील शिवम मुधोळ ह्या शेतकऱ्यांची पाण्या अभावी हळद वाळल्याने तीन एकर मधील हळदीवर  ट्रॅक्टर फिरवला.  तीन ते साडे तीन लाख रुपये हळदीवर केलेला खर्च शेतकरी मुधोळ यांचा पाण्यात गेलाय.