Maharashtra News LIVE : विधान परिषदेच्या 11 जागांसाठी मतदानाला सुरूवात..

विधान परिषद निवडणुकीसाठी आज मतदान, महायुतीकडून नरेंद्र दराडे अधिकृत उमेदवार. गोकुळ गीते यांच्या माघारी नंतर आज मतदानाच्या दिवशी गोकुळ गीते यांच्या घरी शुकशुकाट. अपक्ष उमेदवार गोकुळ गीते यांनी प्रचार थांबवला होता मात्र पाठिंबा न दिल्यामुळे आज मतदार कुणाला कौल देणार यासंदर्भात देखील नाशिक मध्ये चर्चांना उधाण

येवला तहसील कार्यालयातील मतदान केंद्र क्रमांक ५ वर मतदान प्रक्रिया सुरू. एकूण ८८ मतदार बजावणार मतदानाचा हक्क.  येवला नगरपालिकेचे नगराध्यक्ष राजेंद्र लोणारी यांचे पहिले मतदान. नरेंद्र दराडे यांच्या होमपीचवर कडेकोट पोलीस बंदोबस्त. नरेंद्र दराडे विरुद्ध गोकुळ गीते यांच्यात रंगणार चुरशीची लढत…

मालेगावातील निवडणूक प्रक्रिया पार पडण्यासाठी पोलिसांचा चोख असा बंदोबस्त. मालेगावात एकुण 84 मतदार. इस्माल पार्टीचे – 35, स.पा – 5, भाजप -2, सेना शिंदे – 18, आय एम आय एम – 21, काँग्रेस – 3. मालेगावातील भाजपचे नेते प्रसाद हिरे, गोकुळ गीते यांचेही नावे मतदान बॅलेट वर असल्याने मतदार कोणाला पसंती देतात हे पाहणे महत्वाचे ठरणार आहे.. मालेगावातील महत्वाचा असलेला इस्माल पार्टी, सपा आणि AIMIM यांची भूमिका महत्वाची असेल..

सकाळी आठ वाजताच मतदानाला सुरुवात होताच मतदार नगरसेवकांनी मतदानाचा हक्क बजावला. जळगाव शहरातील तहसील कार्यालय येथील मतदान केंद्रावर मतदानाला सुरुवात झाली आहे. काही वर्षानंतर बॅलेट पेपरवर निवडणूक पार पडत असल्याने वेगळी उत्सुकता मतदानाची असल्याची नगरसेवकांची प्रतिक्रिया. उन्हाचा तडाखा असल्यामुळे सकाळीच मतदानासाठी आल्याच्या नगरसेवकांच्या प्रतिक्रिया..

गोंदिया-भंडारा स्थानिक प्राधिकरण मतदारसंघाच्या विधान परिषद निवडणुकीसाठी आज मतदान प्रक्रिया सुरू झाली आहे…. सकाळी 8 वाजता मतदानाला सुरुवात झाली असून सायंकाळी 4 वाजेपर्यंत मतदान होणार आहे…. या निवडणुकीत एकूण 457 मतदार मतदानाचा हक्क बजावणार आहेत. मतदानासाठी भंडारा, साकोली, गोंदिया आणि सडक-अर्जुनी येथे चार केंद्रांची व्यवस्था करण्यात आली आहे….

सोलापूर विधान परिषदेच्या निवडणुकीत बार्शीतील ठाकरेंचे आमदार दिलीप सोपलांचे नगरसेवक रात्रीपर्यंत आमच्या संपर्कात होते. ठाकरे गटाचे आमदार दिलीप सोपल यांचे नगरसेवक आम्हालाच मतदान करणार असल्याचा दावा भाजप उमेदवार राजेंद्र राऊत यांच्या बंधूंनी केला. राजेंद्र राऊत यांच्या उमेदवारीला जिल्ह्यातील एकानेही विरोध केला नाही  महाविकास आघाडीचे चार आमदारांनी आम्हाला जाहीरपणे पाठिंबा दिला. त्यामुळे सोलापूर विधान परिषदेत भाजप उमेदवार राजेंद्र राऊत यांचा विजय निश्चित आहे.  राजेंद्र राऊत बार्शी सह सोलापूर जिल्ह्याचा विकास करू शकतात त्यामुळे सर्वांनी पाठिंबा दिला. राजेंद्र राऊत हे 500 पेक्षा अधिक मतांनी विजयी होतील असा आमचा दावा आहे, असे विजय राऊत यांनी म्हटले.

अपक्ष उमेदवार गोकुळ गीते माध्यमांशी न बोलता घरातून बाहेर. विधान परिषद निवडणुकीसाठी आज मतदान, महायुतीकडून नरेंद्र दराडे अधिकृत उमेदवार. गोकुळ गीते यांच्या माघारी नंतर आज मतदानाच्या दिवशी गोकुळ गीते यांच्या घरी शुकशुकाट. अपक्ष उमेदवार गोकुळ गीते यांनी प्रचार थांबवला होता. मात्र पाठिंबा न दिल्यामुळे आज मतदार कुणाला कौल देणार यासंदर्भात देखील नाशिक मध्ये चर्चांना उधाण.

वंचित आघाडीचे लातूर महानगर पालिकेतील नगरसेवक सकाळी 11 नंतर घेणार निर्णय. वंचितचे अध्यक्ष अँड प्रकाश आंबेडकर यांच्याशी चर्चा करून घेणार निर्णय. मतदान करण्यासंबंधी करणार चर्चा. स्थानिक स्वराज्य संस्था निवडणुकीत तटस्थ राहण्याची लातूर मधील वंचितच्या नगरसेवकांची भूमिका. लातूर महानगर पालिकेत आहेत वंचितचे पाच नगरसेवक.

अमरावती शहर काँग्रेसने अमरावती विधान परिषद निवडणुकीमध्ये तटस्थ राहण्याची घेतली भूमिका. अमरावती महानगरपालिकेचे 17 ही नगरसेवक विधान परिषदेच्या निवडणुकीमध्ये मतदान करणार नाही. काँग्रेसने सगळ्या नगरसेवकांना व्हीप जारी करून दिले आदेश. मात्र यावेळी ग्रामीण मधील काँग्रेसच्या कोणत्याही नगरसेवकांना व्हीप जारी केले नाहीत.

सोलापूर विधानपरिषद निवडणुकीसाठी कुर्डुवाडी मतदान केंद्रावर मतदान प्रकियेला सुरुवात. करमाळा,कुर्डुवाडी, माढा येथील 80 मतदार बजावणार मतदान केंद्रावर मतदानाचा हक्क. मतदान केंद्रावर पोलिसांचा मोठा बंदोबस्त. अद्याप एकही मतदार मतदान केंद्रावर मतदानासाठी आलेला नाही.

संपूर्ण परिसरात धनुष्यबाण चिन्हाचे भव्य बॅनर्स आणि पोस्टर्स. शिवसेनाप्रमुख बाळासाहेब ठाकरे, उपमुख्यमंत्री एकनाथ शिंदे आणि धर्मवीर आनंद दिघे यांच्या विशाल छायाचित्रांनी परिसराचे लक्ष वेधून घेतले आहे. मातोश्रीच्या आसपास उभारण्यात आले मोठे फुगे आणि धनुष्यबाणाच्या प्रतीकांचे बॅनर्स. ऑपरेशन टायगर यशस्वी झाल्यानंतर ठाकरेंना डिवचण्याचा प्रयत्न. बाळासाहेबांच्या विचारांचा वारसा पुढे नेण्याचा शिंदेंच्या शिवसेनेचा मातोश्री समोरच मानस.

दोन्ही जिल्ह्यातील 637 मतदार आज दिवसभर बजावणार मतदानाचा हक्क. छत्रपती संभाजी नगर मध्ये 399 तर जालन्यात 238 मतदार. दोन जिल्ह्यातील 13 मतदान केंद्रावर सकाळी 8 ते दुपारी 4 वाजेपर्यंत पार पडणार मतदान प्रक्रिया. छत्रपती संभाजीनगरच्या तहसील मतदान केंद्रावर मतदाराच्या रांगा. छत्रपती संभाजीनगरचे महापौर समीर राजुरकर मतदानासाठी दाखल.

ठाकरेंच्या शिवसेनेचे ४५ सदस्य अपक्ष उमेदवार गोकुळ गितेंना मतदान करण्याची शक्यता. सहा खासदार फोडल्याच्या पार्श्वभूमीवर ठाकरेंच्या शिवसेनेची रणनीती. नाशिक विधान परिषद निवडणुकीत ऐन मतदानाच्या दिवशी नवे राजकीय समीकरण. प्रचार थांबवला असला तरी गोकुळ गिते पडद्यामागून सक्रिय असल्याची चर्चा.