Maharashtra News LIVE: रोहित पवारांनी विधवा महिलेच्या घरी जाऊन साजरी केली दिवाळी, साडी चोळी दिली भेट

आमदार रोहित पवार अक्कलकोट तालुक्यातील जेऊर गावात विधवा महिलेच्या घरी जात दिवाळी साजरी करत आहेत.  विधवा महिलांना साडी चोळी देत दिवाळी करत आहेत. एका छोट्या कुटुंबात जाऊन रोहित पवार दिवाळी साजरी करत आहेत. महिलेच्या घरी जाऊन जिल्हाधिकाऱ्यांना फोन लावला आहे. शोभा मुसके नामक महिलेला घरकुल आणि मदत द्यावी अशी जिल्हाधिकाऱ्यांना विनंती.

ठाकरे सेनेत शहर आणि जिल्ह्यात संघटनात्मक बदल. शहरातील विधानसभा मतदारसंघांसह विविध विभागांत जबाबदाऱ्यांचे वाटप. उपजिल्हाप्रमुख, विधानसभा संघटक, समन्वयक तसेच उपमहानगरप्रमुख आणि संघटकपदांवर नव्या पदाधिकाऱ्यांची नियुक्ती. पदाधिकाऱ्यांना विविध पदांची जबाबदारी देत अंतर्गत फेरबदल.

होलसेल फुल मार्केट मध्ये वाढली गर्दी. झेंडू फुलांचा दर 100 रुपये किलो तर शेवंती आणि इतर 400 रुपये किलो. नागपुरातील सीताबर्डी परिसरात असलेल्या फुल मार्केट मध्ये राज्यातील वेगवेगळ्या भागातून असते फुलांची आवक. यावेळी मोठ्या प्रमाणात आवक वाढल्याने फुलांचे दर कोसळले. दिवाळीची मोठ्या प्रमाणात नागपुरात धामधूम सुरू आहे. नागपूरकर मोठ्या प्रमाणात फुलांची खरेदी करत आहे.वेगवेगळ्या प्रजातीच्या फुलांची वाढली मागणी , झेंडूच्या फुलांना मात्र मोठ्या प्रमाणात मागणी आहे.

दिवाळीच्या उत्साहात डोंबिवलीतील प्रसिद्ध फडके रोडवर डोंबिवलीकरांची मोठी गर्दी. आकर्षक पारंपरिक वेशभूषा परिधान करून तरुण-तरुणी फडके रोडवर दाखल. सेल्फी आणि फोटो काढण्यासाठी तरुणाईमध्ये विशेष उत्साह पाहायला मिळाला. फडके रोडवरील डोंबिवलीच्या आराध्य दैवत गणरायाचे दर्शन घेत नागरिकांनी दिवाळी साजरी केली. एकमेकांना दिवाळीच्या शुभेच्छा देत डोंबिवलीकरांनी सणाचा आनंद द्विगुणित केला.