Maharashtra News LIVE : सातारा : म्हसवडमध्ये गणेशोत्सवाच्या पार्श्वभूमीवर पोलीसांचे दंगा नियंत्रण संचलन

केज तालुक्यातील केवड शिवारातील गायरान जमिनीत बेकायदेशीरपणे लागवड केलेली 75 किलो गांजाची झाडे जप्त करण्यात आली आहेत. जप्त केलेल्या गांजाची एकूण किंमत 14 लाख 88 हजार रुपये आहे. आरोपी सुनील शिवाजी पवार याला पोलिसांनी ताब्यात घेतले आहे.

गणेशोत्सव शांततापूर्ण व सुरक्षित वातावरणात पार पाडण्यासाठी म्हसवड पोलीस ठाण्याच्या वतीने शहरात जातीय दंगा काबू योजना व रूट मार्चचे आयोजन करण्यात आले. चांदणी चौकापासून सुरू झालेले हे संचलन प्रमुख मार्गांवरून फिरले, तर शिंगणापूर चौकात दंगा नियंत्रण योजनेची रंगीत तालीम पार पडली. या पथसंचलनात उपविभागीय पोलीस अधिकारी रणजीत सावंत, पोलीस निरीक्षक संदीप पोमण यांच्यासह 20 पोलीस अंमलदार आणि मुख्यालयाचे आरसीपी पथक सहभागी झाले होते.

भंडारा- तुमसर राष्ट्रीय मार्गावर एका भरधाव रुग्णवाहिकेच्या चालकाने मद्याच्या धुंदीत दुचाकीला जोरदार धडक दिल्याची धक्कादायक घटना घडली आहे. या भीषण अपघातात दुचाकीवरील दोन तरुण गंभीर जखमी झाले असून त्यांच्यावर उपजिल्हा रुग्णालय, तुमसर येथे प्राथमिक उपचार करून त्यांना भंडारा हलविण्यात आला आहे.

जालना ते छत्रपती संभाजी नगर या मुख्य महामार्गावर शेलगाव परिसरात जालना येथून छत्रपती संभाजीनगराकडे जात असलेल्या एसटी बसचे ब्रेक फेल झाल्याने तिने दुचाकीला आणि पोलिसांच्या वाहनाला ठोकर दिल्याची घटना घडली आहे. एसटीमधली ३५ ते ४० प्रवासी सुरक्षित आहेत.

श्रीकृष्ण जन्माष्टमीची भव्य शोभा यात्रा गेल्या 40 वर्षे पासून निघत आहे. मात्र यावर्षी आम्हाला नोटीस देण्यात आली आहे. त्यात अनेक चित्ररथ होते. त्यातील एक संघाच्या शताब्दी वर्षाचे चित्ररथ होता, त्यामुळे नोटिस देण्यात आली आहे.आम्ही डीजे कायद्यात वाजविले आमची झाकी तीन पोलीस स्टेशनच्या हद्दीतून गेली, मात्र सीताबर्डी पोलीस स्टेशन हद्दीत डीसीपी अन्नपूर्णा सिंग मॅडम यांनी विरोध केल्याचे विश्वहिंदू परिषदेचे महानगर मंत्री अमोल ठाकरे यांनी म्हटले आहे.

मुरबाड तालुक्यातल्या सखारे गावात एका फार्महाऊसमध्ये बिबट्या शिरल्याची खळबळजनक घटना घडली आहे. हे फार्महाऊस महाराष्ट्र नवनिर्माण सेनेचे (मनसे) माजी आमदार राजू पाटील यांचे भाऊ विजय पाटील यांच्या मालकीचे असल्याचे सांगितले जात आहे. बिबट्या आणि फार्महाऊसचा पाळीव कुत्रा रॉकी यांच्यातील तीव्र संघर्षाचा व्हिडिओ आता सोशल मीडियावर वेगाने व्हायरल होत आहे.

जळगावच्या सराफ बाजारात सोन्या आणि चांदीच्या दरात वाढ झाली. सोन्याच्या दरात 1 हजार तर चांदीच्या दरात 3 हजारांची वाढ झाली आहे. सोन्याचे दर जीएसटीसह 1 लाख 57 हजार 075 रुपये, तर  चांदीचे दर जीएसटीसह 2 लाख 46 हजार 170 रुपये झाले आहेत.

मोदी यांच्या मुंबई दौऱ्यादरम्यान सुरक्षा यंत्रणेत घुसखोरीचा प्रयत्न केल्याचं दिसून आलं.  बीकेसी येथील नीता मुकेश अंबानी कल्चरल सेंटरमधून दोन जणांना ताब्यात घेण्यात आले. 24 वर्षीय रोहन पारेख याने स्वतःला पंतप्रधान कार्यालयातील अधिकारी असल्याचे  सांगितलं.  तपासणीदरम्यान रोहनकडे PMO कार्यालयाचे बनावट ओळखपत्र आढळल्याची सूत्रांची माहिती आहे. सुरक्षा तपासणीत ओळखपत्र बनावट असल्याचे समोर आल्यानंतर मुंबई पोलिसांनी कारवाई केली.

गोंदिया-बालाघाट राष्ट्रीय महामार्गावर भीषण अपघात झाला. या अपघातात 6 जणांचा मृत्यू झाला आहे.  तर 7 जण गंभीर जखमी झाले आहेत. भरधाव ट्रक आणि बोलेरो वाहनाची समोरासमोर धडक झाल्याने ही दुर्घटना घडली.

रशियाचे राष्ट्राध्यक्ष व्लादिमीर पुतिन ब्रिक्स शिखर परिषदेत सहभागी होण्यासाठी भारताच्या दौऱ्यावर आहेत. क्रेमलिनचे प्रवक्ते दिमित्री मेस्कोव्ह यांनी सांगितले की, पुतिन 11 सप्टेंबर रोजी दिल्लीत पंतप्रधान मोदींसोबत द्विपक्षीय बैठक घेतील.

पीएम नरेंद्र मोदी यांच्या मुंबई दौऱ्यादरम्यान सुरक्षा यंत्रणेत घुसखोरीचा प्रयत्न झाल्याचं समोर आलंय.  BKC येथील नीता मुकेश अंबानी कल्चरल सेंटरमधून दोन जणांना ताब्यात घेण्यात आलं.  24 वर्षीय रोहन पारेख याने आपण पंतप्रधान कार्यालयातील अधिकारी असल्याचं सांगितल्याची माहिती समोर आली. तपासणीदरम्यान त्याच्यारजे पीएमओचं बनावट कार्ड आढळल्याची माहिती सूत्रांनी दिली. त्यानंतर मुंबई पोलिसांनी कारवाई केली,

राष्ट्रपतींनी भेटीची वेळ न दिल्याने दिल्लीत काँग्रेस खासदार आक्रमक.  दिल्लीच्या संसद मार्ग पोलीस ठाण्यात सर्व खासदार पोहोचले. महाराष्ट्रामधून वर्षा गायकवाड,  बळवंत वानखेडे, गोवाल पाडवी, शिवाजी काळगे हे या ठिकाणी उपस्थित आहेत. खासदार पोहोचल्यावर पोलिसांनी बॅरिकेड्स लावले. खर्गेंच्या सभेनंतर शुद्धीकरण केल्यावर गुन्हा दाखल करण्याची मागणी करण्यात आली. त्यासाठीच हे खासदार आज राष्ट्रपतींना भेटणार होते.

नवी मुंबईत सर्वसामान्य प्रवाशांशी नेहमीच् हुज्जत घालून मीटरऐवजी मनमानी भाडे घेणाऱ्या रिक्षाचालकांच्या दादागिरीचा फटका आज चक्क आरटीओ अधिकाऱ्यांना बसला. नवी मुंबईत आरटीओ कार्यालयातील सहाय्यक वाहन निरीक्षक तुषार कदम यांच्यावर भाड्याच्या वादातून सुमारे दहा रिक्षाचालकांनी हल्ला केला.  यात कदम यांना मुका कार लागला असून डोळ्याला गंभीर दुखापत झाली. याप्रकणी नेरुळ पोलिसांनी गुन्हा दाखल केला.

गोंदिया – डीजे बंदीवरून नितेश राणेंच्या वक्तव्यावर रोहित पवारांनी पलटवार केला.  आधी ‘राम मंदिर घोटाळ्यावर बोला’.  हा घोटाळा समोर आला तेव्हा कुठल्या बिळात लपला होतात ? असा खडा सवाल रोहित पवार यांनी राणेंना केला.

मुंबई येथील श्री गणेश महिला गोविंदा पथकाच्या महिलांनी आज पंढरपूरच्या संत नामदेव पायरी येथे विठ्ठल मंदिरा समोर दहीहंडीचे मनोरे रचत विठ्ठल मंदिरासमोर सलामी दिली. यामध्ये चार थरांचे मनोरे रचून महिला गोविंदा पथकाने विठ्ठलासमोर आपली सेवा बजावली. मुंबई येथील महिला गोविंदा पथकामध्ये 14 वर्षाच्या गोविंदांपासून 36 वर्षांच्या महिलांपर्यंत अनेक गोविंदा आहेत.

जरांगे पाटील यांनी उपोषण सोडावं यासाठी सातत्याने प्रयत्न सुरू आहेत. जरांगे पाटील हे समाजासाठी तोडग्याची भूमिका घेतील असा विश्वास आहे. ते उपोषण थांबवतील अशी आम्हाला खात्री आहे – प्रसाद लाड

ज्यांनी मराठा समाजासाठी काहीच केलं नाही, त्यांना न्याय दिला नाही अशा लोकांचं देखील कौतुक केलं जातं आहे. आमचे दोघांचे संबंध हे आंदोलन आणि राजकारणाच्या पलीकडे आहेत. ज्या 15 मागण्या होत्या, त्यापैकी 12 मागण्या या 100 टक्के पूर्ण केल्या आहेत, 3 मागण्यांमध्ये काही अडचणी असल्यामुळे त्यासाठी आम्ही वेळ मागितला आहे. तो वेळ दिला तर खरोखर यां आंदोलनाचा प्रश्न येणार नाही. हे जरांगे यांनी समजून घेतलं पाहिजे – उदय सामंत

“रजाकार गेले, मात्र रजाकारांच्या औलादी भाजपच्या रूपाने आजही मराठवाड्यात आहेत” अशी टीका करत विधान परिषदेचे विरोधी पक्षनेते अंबादास दानवे यांनी भाजपवर जोरदार हल्लाबोल केला.  मराठवाड्यातील आंदोलनादरम्यान ‘तुमसे ना हो पयेगा’ असा हिंदी स्लोगन लिहून आम्ही आंदोलन करत असल्याचं दानवे यांनी सांगितलं. “भाजपला विकासाची कामं जमत नाहीत, हे समजावून सांगण्यासाठी हे स्लोगन आहे,” असा टोला त्यांनी लगावला.

‘पुण्याच्या विकासात अपयशी ठरलेल्या PMRDAला टाळं ठोकण्याची वेळ’, महानगर नियोजन समितीचा आरोप. चाकण-हिंजवडीतील पायाभूत सुविधांच्या अभावावरून टीका

मुख्यमंत्री देवेंद्र फडणवीस यांनी जाणूनबुजून विखे पाटील यांना पुढे केलं. विखे पाटील यांनी धमकी देऊ नये. तुमच्या 7 पिढ्या राजकारणात, पण मी मराठा असं मनोज जरांगे यांनी म्हटलं आहे.

गेल्या अनेक दिवसांपासून उद्धव ठाकरे आणि एकनाथ शिंदे यांच्या पक्षाच्या चिन्हासाठी कोर्टात सुनावणी सुरू आहे. अशातच आता उद्धव ठाकरे यांनी जर कोर्टात निकालाला वेळ लागत असेल तर चिन्ह गोठवा असं म्हटलं आहे.

एकाच्या ताटातलं काढून दुसऱ्याच्या ताटात टाकणारे आम्ही नाही. आजपर्यंत मराठा समाजाला आम्हीच दिलंय.  मराठा समाजाला आम्हीच न्याय देणार, त्याबाबत चर्चा झालीय- फडणवीस

सणाचं पावित्र्य राखलं गेलं पाहिजे. सणांमध्ये गोंगाट असणं आवश्यक नाही. डीजे बंदीच्या मागणीवर उद्धव ठाकरे यांची प्रतिक्रिया.

एमपीएससी अध्यक्षांच्या भ्रष्टाचाराच्या पुरावा मी देणार असा गौप्यस्फोट रोहित पवार यांनी केला. एमपीएससीचे आंदोलन उद्या नागपुरात आणि 12 तारखेला लातूरमध्ये होणार आहे. एमपीएससीच्या मुद्द्यावर रोहित पवार आक्रमक झाले आहेत. परीनय फुके छत्तीसगडला जाऊन हात हलवत आले सरकार शेतकर्‍यांवर उपकार करत नाही असा आरोपही रोहित पवार यांनी केला.

गणेशोत्सव काही दिवसांवर येऊन ठेपल्याने ठाणे महापालिकेच्या महापौर शर्मिला पिंपोळकर-गायकवाड यांनी आज आयोजित केलेल्या गणेश विसर्जन घाट पाहणी दौऱ्यादरम्यान सत्ताधारी शिवसेना (शिंदे गट) पक्षातील अंतर्गत वाद चव्हाट्यावर आला आहे. पाहणी दरम्यानच वागळे प्रभाग समितीच्या सभापती एकता भोईर आणि नगरसेवक विकास रेपाळे यांच्यात जोरदार खडाजंगी पाहायला मिळाली. महापौरांच्या या पाहणी दौऱ्याला नगरसेविका नम्रता भोसले यांच्यासह ठाणे पालिकेचे वरिष्ठ अधिकारी आणि कर्मचारी मोठ्या संख्येने उपस्थित होते. दौरा सुरू असतानाच श्रेयवाद आणि वैयक्तिक टीकेवरून सभापती एकता भोईर, नगरसेवक विकास रेपाळे यांची टोमणेबाजी केली.

केवळ कागदावरचे निर्णय घेतले नाही. तर प्रत्यक्षात मराठा समाजाला मोठा फायदा झाला. कोणाच्या ताटातील काढून इतरांच्या ताटात आम्ही टाकणार नाही. मराठा समाजाला आम्ही न्याय दिला आहे. जे सगळं शक्य आहे, ते सगळं करू. सरकार हे चर्चा करून मार्ग काढत असते. आम्ही चर्चा करून मार्ग काढू. जरांगे पाटील यांच्या मनात काही शंका असतील तर त्यांनी ते विचारावेत, असे मुख्यमंत्री देवेंद्र फडणवीस म्हणाले.

डेडिकेटेड फ्रंट कॉरिडोअरचा जेएनपीटीला मोठा फायदा होईल असे मुख्यमंत्री देवेंद्र फडणवीस म्हणाले. एक रेल्वे गाडी 250 ट्रक माल घेऊन जाईल. यामुळे खर्च वाचेल, प्रदूषण होणार नाही. रोजगार निर्मितीसाठी मोदी सरकारने मोठे गिफ्ट दिल्याचे ते म्हणाले.

मराठा क्रांती मोर्चाचे विखे आणि इतर मंत्री, आमदारांनी वाटोळे केले. काही समन्वय त्यांनी हाताशी धरले. ते खमके होते. यांनी क्रांती मोर्चा मोडला असा आरोप मनोज जरांगे पाटील यांनी केला.

मंत्री राधाकृष्ण विखे पाटील यांनी मराठा समाजाचं वाटोळं केलं. मुख्यमंत्री देवेंद्र फडणवीस यांच्या सांगण्यावरून हे करण्यात येत असल्याचा आरोप मराठा आंदोलक मनोज जरांगे पाटील यांनी केला. फडणवीसांनी विखे पाटील यांना मुद्दाम पुढे केल्याचे ते म्हणाले. त्यांना काहीही करता आलेले नाही असा आरोप जरांगे पाटील यांनी केला.

पंतप्रधान नरेंद्र मोदी यांच्याकडून राहुल गांधी यांचा नाराज फुफा असा उल्लेख.

मागच्या काळात ज्या काही मागण्या होत्या त्यात मराठा समाजाचं आरक्षण टिकवण्यासाठी बरीच धावपळ सरकारने केली,नी मुंबईत शिंदे यांनी १० टक्के ची घोषणा केली. सरकारचा मनात जर आरक्षण द्यायचा विचार नसता तर त्यांनी दिलं असतं का ? ज्यांनी आरक्षण दिलं त्यांच्यावर बोलण्यापेक्षा ज्यांनी दिलं नाही त्यांच्यावर बोलायला हवं. गणेशोत्सवाच्या पार्श्वभूमीवर मनोज जरांगे यांनी शांतता राखली पाहिजे, मंत्री मंत्रालयात कमी पण तुमच्याकडे जास्त येत आहेत, असे मंत्री गुलाबराव पाटील म्हणाले.

मागच्या काळात ज्या काही मागण्या होत्या त्यात मराठा समाजाचं आरक्षण टिकवण्यासाठी बरीच धावपळ सरकारने केली,नी मुंबईत शिंदे यांनी १० टक्के ची घोषणा केली. सरकारचा मनात जर आरक्षण द्यायचा विचार नसता तर त्यांनी दिलं असतं का ? ज्यांनी आरक्षण दिलं त्यांच्यावर बोलण्यापेक्षा ज्यांनी दिलं नाही त्यांच्यावर बोलायला हवं. गणेशोत्सवाच्या पार्श्वभूमीवर मनोज जरांगे यांनी शांतता राखली पाहिजे, मंत्री मंत्रालयात कमी पण तुमच्याकडे जास्त येत आहेत… एकनाथ शिंदे हे आरक्षण देण्यासाठी सगळ्यात जास्त आग्रही , मराठा क्रांती मोर्चा शी त्यांचं नाव जोडणं चुकीचं आहे, एकनाथ शिंदे सरळ मनाचा माणूस आहे. आमचा मराठा आरक्षणाला विरोध नाही, राज्यात शांतता राहीली पाहिजे ही मनोज जरांगे यांच्याकडून अपेक्षा. मागच्या काळात विलास भूमरे यांनी अधिकार्यांची चौकशी लावली यानंतर त्याची बदली केली, त्यांची डीई लावली , त्यांचा गैरसमज दूर केला जाईल, चर्चेतून मार्ग काढू… त्यांच्या तक्रारीनंतर कारवाई केली आहे, त्यांचा गैरसमज दूर करू. एकनाथ शिंदे यांच्या नेतृत्वावर विश्वास आहे, अनेक लोक येत आहेत, सहज सगळे येतात… सगळीकडे फ्लो सुरू झालाय…

वडोदरा-पीएल मोदींच्या हस्ते विकासकामांचे भूमिपूदन करण्यात आले आहे.  यावेळी मोदी म्हणाले की, “गेल्या सरकारच्या काळात प्रकल्प फाईल्समध्ये अडकले होते”

गेल्या १२ वर्षात काम करण्याची पद्धत बदलली आहे.  २०१४ नंतर प्रकल्पाला गती देण्याचे काम केले आहे असं पंतप्रधान नरेंद्र मोदी म्हणाले.

लाल किल्ल्यावरुन संकल्पाच्या सप्तधारेचे आवाहन केलं होते, फ्रेट कॉरिडोरबाबत  २००४ मध्ये विचार सुरु झाला होता असे पंतप्रधान नरेंद्र मोदी यांनी म्हटले आहे.

जळगावात सार्वजनिक गणेश महामंडळाच्या पदाधिकाऱ्यांसह जिल्हा प्रशासनाच्या अधिकाऱ्यांकडून विसर्जन मार्गाची पाहणी. अवघ्या चार ते पाच दिवसांवर गणेशोत्सव येऊन ठेपला असून जिल्हा प्रशासनाची तयारी सुरू झाली आहे. तहसीलदार, सार्वजनिक गणेश महामंडळाचे पदाधिकारी, पोलीस अधिकारी महसूल प्रशासनाचे अधिकारी अग्निशामन महावितरण अशा विभागांकडून पाहणी.. रस्त्यांवरील खड्डे , लोंबकलणाऱ्या विजतारा , उघडी रोहित्र, याबरोबरच वाहतुकीस अडथळात ठरणाऱ्या इतर समस्यांची पाहणी केली जात आहे. गणेश महामंडळाच्या पदाधिकाऱ्यांचा सूचनानुसार विसर्जन मार्गावरील समस्यांची पाहणी करून प्रशासनाच्या माध्यमातून त्या सोडवल्या जाणार आहेत.

मराठा आंदोलक मनोज जरांगे पाटील यांच्या आमरण उपोषणाचा आज अकरावा दिवस आहे. मात्र, सरकार मागण्यांकडे दुर्लक्ष करत असल्याचा आरोप करत धाराशिवमध्ये मराठा समाज पुन्हा आक्रमक झाला आहे. कळंब-ढोकी महामार्गावरील डिकसळ पाटीवर आंदोलकांनी रास्ता रोको करत जोरदार घोषणाबाजी केली. आंदोलनामुळे महामार्गावर काही काळ वाहतूक विस्कळीत झाली होती.मागण्या तातडीने मान्य न केल्यास आंदोलन आणखी तीव्र करण्याचा इशारा आंदोलकांनी दिला आहे.

गणेशोत्सवाच्या आगमनापूर्वी मूर्तीकार बाप्पाच्या मूर्तींना अंतिम रूप देण्यासाठी म्हणजेच डोळे, कान ,नाक धोती सिंहासन मुकुट आणि मूछक यावर रंगकाम आणि इतर कलाकुसरीचा शेवटचा हात देण्याच्या कामात मग्न आहेत… महागाईचा फटका मूर्ती वरती देखील ठाणेकरांना बसला आहे…. ठाण्यातील बोलिंजकर कारखान्यात विविध स्वरूपात लहान मोठ्या गणेश मुर्त्या शेवटचा हात कारागीर देताना आपल्याला पाहायला मिळत आहे…

नाशकात गणेश मंडळाच्या बैठकीत पुण्याच्या विद्यानंद बापटांची चर्चा. डीजेवर बंदी घालणारा नाशकात बापट कुणी आला नाही बरं झालं – राजेंद्र बागुल. ईतर मंडळाच्या कार्यकर्त्यांकडून नाशकात बापट होऊ शकत नाही म्हणत बागुलांना दिला प्रतिसाद. विद्यानंद बापटांच्या मागणीची नाशिकच्या बैठकीत उडवली गेली खिल्ली.

आज अतिशय आनंदाची गोष्ट आहे , वेस्टर्न डेडिकटेटड फेड कॉरिडोरचे रेल्वे मार्गाचे लोकार्पण करून महत्वाच्या कार्यक्रम आहे. लॉजिस्टिक्स म्हणून जो काही अडवाँटेज आहे तो महत्वाचा मार्ग आहे. १८८ किलो मीटरचा हा मार्ग आहे , एकूण पाच राज्यांमध्ये रेल्वेची लाईन आहे. न्यू उंबरगाव ते जेएनपीटी येथील दलदलीच्या काम. देशातील सर्वाधिक कंटेनर हे जेएनपीए येथे येत असतात. जवळपास कंटेनर ट्रॅफिक हे आहे ते एथून आवक जावक होते , या ट्रैफिक मध्ये मोठी वाढ झाली आहे. २०३० मध्ये जेनेपीए पोर्ट हा देशातील सर्वात मोठा पोर्ट होणार आहे. दुसरीकडे वाढवणच बंदर चालले आहे , भारतामध्ये महाराष्ट्र हा मेरिटीएम पॉवर तयार होताना दिसत आहे. आजचा जो कार्यक्रम इथे आहे तो अत्यंत महत्वाचा आहे , मी पंतप्रधान यांचे आभार मानतो व स्वागत करतो.

खारमध्ये आत्महत्येचा प्रयत्न करणाऱ्या व्यक्तीचा पोलिसांनी वाचवला जीव. समुद्रात उडी मारून आत्महत्येचा प्रयत्न.  हवालदार विकास बाबर यांना फोन येताच पथक घटनास्थळी. संबंधित व्यक्तीने समुद्रात उडी मारताच पोलिसांनी देखील उडी घेत वाचवले प्राण. वायरलेसवरून आला होता खार पोलिसांना कॉल. एक इसम समुद्रात खोल एका खडकावर उभा असल्याची मिळाली होती माहिती. वारंवार सांगून तो इसम बाहेर येत नव्हता. पोलीस त्याच्याजवळ जातच त्याने समुद्रात मारली उडी त्याच्या मागोमाग पोलिसांनी देखील समुद्रात उडी मारत वाचवले प्राणी. संबंधित इसम 31 वर्षांचा असून झारखंडचा आहे

मराठा आरक्षणासाठी करमाळा तालुक्यातील केम ग्रामस्थांची आक्रमक हाक ; मनोज जरांगे पाटील यांच्या उपोषणाला जाहीर पाठिंबा देत कडकडीत बंद. मराठा समाजाला हक्काचे आरक्षण मिळावे यासाठी लढा देणारे मनोज जरांगे पाटील यांच्या आमरण उपोषणाच्या समर्थनार्थ करमाळा तालुक्यातील केम गावात आज एकजूट पाहायला मिळाली. ग्रामस्थांच्यावतीने गावात कडकडीत बंद पाळण्यात आला असून, शासनाविरोधात तीव्र संताप व्यक्त करत जोरदार घोषणाबाजी करण्यात आली. एक मराठा लाख मराठा,लढेगे जितेंगे हम सब जरांगे,जय भवानी जय शिवाजी,चलो मुंबई अशी घोषणाबाजी यावेळी करण्यात आलीय.

आज पी पूर्व आणि पश्चिम प्रभाग समिती बैठकीच्या दिवशी पालिका कार्यालयच्या आवारात प्रभाग क्रमांक ४३ चे नगरसेवक अजित रावराणे यांनी पाणी प्रश्नावर ठिय्या आंदोलन केले, ह्या आंदोलनास पाठिंबा म्हणून सर्वं पक्षीय नगरसेवक प्रभाग समिती बैठक तहकुब करून आंदोलनास बसले आहेत.

पाण्याच्या मुद्द्यावरून NCP शरद पवार पक्षाचे एकमेव नगरसेवक अजित रावराणे पालिका कार्यालयात धरणे आंदोलनाला बसले आहेत. मालाड पूर्वेतील पाणी प्रश्न सोडवण्याची मागणी.

जालना जिल्ह्यासह संपूर्ण मराठवाड्यात मागच्या एक महिन्यापेक्षा अधिक कालावधीपासून पाऊस नसल्याने शेतकऱ्यांची खरीप हंगामातील कपाशी मका सोयाबीन यासह इतर पिके पूर्णतः धोक्यात आली असून नष्ट होण्याच्या मार्गावर आहे तर काही ठिकाणी तळहाताच्या फोडाप्रमाणे जपलेलं उभपिक आपल्या डोळ्यादेखत जळून जाताना शेतकऱ्यांवर पाहण्याची वेळ आली. जालन्याच्या वडीगोद्री अंतरवाली सराटी या परिसरात शेतकऱ्यांचे सोयाबीन पीक हे पूर्णतः जळून गेल्याच भयावह चित्र पाहायला मिळालं, खरीप हंगामातील लागवडीपासून आतापर्यंत केलेला खर्च पूर्णतः वायाला गेल्याने ही सगळी परिस्थिती सांगताना शेतकरी बांधव भावनिक झाल्यासही पाहायला मिळालं,तळहाताच्या फोडाप्रमाणे जपलेलं हे पीक डोळ्यादेखत जळून गेल्याने शेतकऱ्यांसमोर मोठा संकट उभा राहिलाय.त्यामुळे येत्या काळात पाऊस झाला नाही तर उर्वरित पिके देखील नष्ट होण्याच्या मार्गावर आहे,दरम्यान वडीगोद्री परिसरातून शेतकऱ्यांसोबत बातचीत करत सोयाबीनच्या शेतामधील सगळी वस्तुस्थिती दाखवली.

अंधेरीत MD ड्रग्ज विक्रीचा डाव फसला, गुन्हे शाखेची मोठी कारवाई. अंमली पदार्थ विरोधी कक्षाच्या बांद्रा युनिटने अंधेरी पश्चिमेत मोठी कारवाई करत एका ड्रग्ज विक्रेत्याला केलं जेरबंद. मिळालेल्या माहितीनुसार, मानो बीना अपार्टमेंट बस स्टॉपजवळ, वेस्ट 10 कंस्ट्रक्शन समोर, सी.डी. बर्फीवाला रोड, अंधेरी वेस्ट येथे एक इसम MD ड्रग्ज विकण्यासाठी येणार होता. पोलिसांनी सापळा रचून त्याला ताब्यात घेतले. अटक आरोपीचे नाव मोहम्मद जमीर अब्दुल अजीज खान, वय 36 असे आहे. त्याच्याकडून 153.6 ग्रॅम मेफेड्रॉन (MD) हा अंमली पदार्थ जप्त केला. जप्त मालाची किंमत 4 लाख 60 हजार 800 रुपये

पंढरपूर तालुक्यातील सोनके आणि तिसंगी परिसरात सध्या बिबट्याने धुमाकूळ घातलेला दिसून येतो. उसाच्या शेतीमध्ये बिबट्याचा वावर आहे. याच परिसरातील एका शेतामध्ये बिबट्याचे दर्शन घडले आहे. शेतकऱ्याने आपल्या मोबाईल मध्ये बिबट्याचे चित्रीकरण केले असून याबाबत तात्काळ वनविभागाला कळवण्यात आले आहे. सध्या वनविभाग कडून बिबट्याच्या पायाचे ठसे किंवा बिबट्याचा राहिवास असणाऱ्या ठिकाणांचा शोध घेऊन शेतकऱ्यांना भयमुक्त करण्याचे काम चालू आहे.

छत्रपती संभाजीनगर मध्ये एमपीएससीच्या तयारी करणाऱ्या विद्यार्थ्यांचा आंदोलन सुरू आहे.  छत्रपती संभाजीनगरच्या क्रांती चौकात मोठ्या संख्येने विद्यार्थी एकत्र आहे आहेत.  पेपर फुटी प्रकरणातील अधिकाऱ्यावर कारवाई करण्याची विद्यार्थ्यांनी मागणी केली आहे.

लातूर जिल्ह्यातल्या पळशी इथं मराठा आंदोलक रस्त्यावर उतरले असून रास्ता रोको आंदोलन करण्यात येत आहे. लातूर ते अंबाजोगाई महामार्ग आंदोलकांनी अडवला आहे. रास्ता रोकोमुळे वाहनांच्या लांबच लांब रांगा लागल्या आहेत. मराठा समाजाच्या आरक्षण बाबतच्या सर्व मागण्या मान्य करा, रखडलेली कुणबी प्रमाणपत्र जारी करा अशी मागणी या आंदोलनाच्या माध्यमातून करण्यात येत आहे. मनोज जरंगे पाटील यांच्या उपोषणाला पाठिंबा म्हणून देखील हे आंदोलन करण्यात येत आहे.

गणेशोत्सवाच्या तोंडावर माणगावकरांना महावितरणचा ‘अंधाराचा प्रसाद’! गेल्या दोन दिवसांपासून तब्बल सात ते आठ तास वीज खंडित करण्यात आली आहे.  व्यावसायिकांचा धंदा ठप्प झाला असून  नागरिक अक्षरशः हैराण झाले आहेत.  वारंवार वीज जातेय, मात्र महावितरणच्या कारभारात सुधारणा होताना दिसत नाही! माणगावकरांच्या संतापाला जबाबदार कोण?

सोलापुरात मराठा समाजाच्या वतीने रास्ता रोको आंदोलन पुकारला आहे.  मनोज जरांगे पाटील यांच्या समर्थनार्थ रास्ता रोको आंदोलनाला सुरुवात झाली आहे. सरकारने मनोज जरांगे पाटील यांच्या उपोषणाची दखल घ्यावी या मागणीसाठी रास्ता रोको केला आहे.  सोलापूर-पुणे राष्ट्रीय महामार्गावर बाळे येथे रास्ता रोको आंदोलन सुरू आहे. सोलापूर शहरातील सर्व मराठा बांधव रस्त्यावर बसले आहेत.

गोंदिया-बालाघाट राष्ट्रीय महामार्गावर भीषण अपघात झाला आहे. या अपघातात 6 जणांचा मृत्यू झाला आहे. तर 7 लोक गंभीर जखमी झाले आहेत. भरधाव ट्रक आणि बोलेरो वाहनाची समोरासमोर धडक झाली आहे.

छत्रपती संभाजीनगरमध्ये विभागीय आयुक्त कार्यालयात शिंदे समितीची बैठक सुरू आहे. न्यायमूर्ती संदीप शिंदे यांच्या उपस्थितीत बैठकीला सुरुवात झाली आहे. कुणबी, मराठा-कुणबी आणि कुणबी-मराठा नोंदींचा जिल्हानिहाय आढावा.

गेल्या दहा दिवसांपासून मनोज जरांगे पाटील हे उपोषणाला बसले आहेत. त्यांच्या उपोषणाचा आज दहावा दिवस आहे. त्यामुळे त्यांच्या प्रकृतीची तपासणी करण्यासाठी डॉक्टरांचे एक पथक अंतरवालीमध्ये दाखल झाले आहे. तसेच त्यांची तपासणी देखील सुरु आहे.

मराठा आंदोलक मनोज जरांगे पाटील हे अंतरवाली सराटीत उपोषणाला बसले आहेत. त्यांच्या उपोषणाचा आज दहावा दिवस आहे. आज कॅबिनेट झाल्यानंतर सरकारचे शिष्टमंडळ अंतरवाली येथे येणार असल्याची सूत्रांची माहिती.

दापुरा येथे शेतातील उभ्या मका पिकावर बुलडोझर फिरवल्याचा शेतकऱ्यांचा आरोप आहे. योग्य मोबदला मिळत नसल्याने शेतकऱ्यांचा भूसंपादनाला तीव्र विरोध केला आहे. शेतकऱ्यांना पोलिसांनी पोलीस ठाण्यात नेल्याचा गंभीर आरोप केला आहे.

पुण्यात रेल्वे ट्रॅकवर रेल्वे पोलिस कर्मचाऱ्यावर जीवघेणा हल्ला करण्यात आला आहे. गांजा पिणाऱ्या टोळक्याला हटकणे रेल्वे पोलीस कर्मचाऱ्याच्या जीवावर बेतले आहे.  टोळक्याकडून पोलीस शिपायावर धारदार चाकूने हल्ला केला.या हल्ल्यात रेल्वे पोलीस शिपाई अक्षय बोंबाळे गंभीर जखमी झाले. या टोळक्याने अक्षय बोंबाळे यांच्या गळ्यावर चाकूने हल्ला केल्याची प्राथमिक माहिती मिळत आहे.

यवतमाळच्या भांबराजा टोलनाक्यावर कर्मचाऱ्याला मारहाण करण्यात आली. 2 जणांनी सशस्त्र धुडगूस घातला.  ही घटना सीसीटीव्हीमध्ये कैद झाली आहे.  या प्रकरणी यवतमाळ ग्रामीण पोलिसात दोघा विरोधात गुन्हा दाखल झाला आहे. नागपूर तुळजापूर राष्ट्रीय महामार्गावरील भांबराजा टोलनाक्यावरील ही घटना आहे.  आयटी सीस्टम इंडीकेटर कर्मचारी संजित महतो यांच्या तक्रारीवरून दोघाविरुद्ध ग्रामीण पोलिसात गुन्हा दाखल झाला.

उपमुख्यमंत्री एकनाथ शिंदे आज मध्यरात्री १.३० वाजता लंडनसाठी रवाना होणार आहेत.  त्यापूर्वी शिवसेनेच्या एयरपोर्ट युनियन आॅफिसला  भेट देणार आहे. आज पंतप्रधानांच्या दौऱ्यानंतर मध्यरात्री एकनाथ शिंदे लंडनला रवाना होणार आहेत.  लंडनला पुरस्कार सोहळ्याला एकनाथ शिंदे यांची प्रमुख उपस्थिती असणार आहे.

जालना जिल्ह्यात 18 हजारापेक्षा अधिक कुणबी प्रमाणपत्राचे वितरण झाले आहेत. या प्रमाणपत्र वितरणाची आकडेवारी समोर आली आहे.  प्राप्त झालेल्या 18 हजार 262 अर्जापैकी 18 हजार 243 अर्ज मंजूर तर 19 अर्ज प्रशासनाकडून नाकारण्यात आले आहेत. तर 2 सप्टेंबर च्या शासन निर्णयानुसार 421 अर्ज प्राप्त झाले. न्यायमूर्ती शिंदे समिती स्थापन झाल्यापासून जिल्ह्यात जात प्रमाणपत्र पडताळणी समितीकडे 1597 अर्ज दाखल झाले आहेक.  त्यापैकी 1 हजार 5 अर्ज वैध झाले.

केंद्र सरकारच्या बफर स्टॉकमधील १ लाख २१ हजार मेट्रिक टन कांदयातून ४,३५० मेट्रिक टन कांदा देशातील प्रमुख शहरांकडे रवाना केला.
लासलगावसह नाशिक जिल्ह्यातून दिल्ली, चेन्नई, कोलकाता, गुवाहाटीसह प्रमुख शहरांना कांद्याचा पुरवठा केला जाणार आहे.  किरकोळ बाजारात कांद्याचे दर वाढल्याने ग्राहकांना दिलासा देण्यासाठी ३५ रुपये किलो दराने कांदा उपलब्ध करून देण्याचा केंद्राचा निर्णय घेण्यात आला.  लासलगावहून दिल्ली तर मनमाडहून चेन्नई रेल्वेच्या माध्यमातून पाठवण्यात आल्यामुळे शेतकऱ्यांचा मोठा रोष निर्माण झालाय.
आता ट्रकच्या माध्यमातूनही बफर स्टॉकमधील कांद्याची वाहतूक सुरू आहे.

शेतकऱ्यांच्या विविध मागण्यांना घेऊन रोहित पवार यांचा प्रफुल पटेल यांच्या बालेकिल्ल्यात एल्गार करणार आहेत.  मोरगाव अर्जुनी आणि तिरोड्यात आज भव्य आक्रोश मोर्चा आयोजित करण्यात आला आहे. रोहित पवार सत्ताधारी पक्षांवर काय टीका करतात याकडे लक्ष लागलं आहे. रोहित पवारांनी काल पुण्यातही विद्यार्थी मोर्चाला हजेरी लावली.

नाशिक- मंडप शुल्कातून गणेश मंडळांची सुटका झाली आहे. महापालिकेने मोठा निर्णय घेतला आहे. गणेशोत्सवासाठी मंडप उभारणीसाठी आकारण्यात येणारं शुल्क माफ करण्यात आलं. सध्याच्या आर्थिक परिस्थितीत उत्सव आयोजनाचा खर्च वाढल्याने निर्णय घेण्यात आला आहे. गणेश मंडळांना आर्थिक दिलासा देण्यासाठी महापालिकेचा निर्णय आहे.

नाशिक पोलीस आणि सार्वजनिक गणेश मंडळांच्या पदाधिकाऱ्यांची आज बैठक आहे. भद्रकाली पोलीस ठाण्यात सकाळी १० वाजता बैठकीला सुरुवात होणार आहे. गेल्या काही दिवसांपासून गाजत असलेल्या DJ च्या मुद्द्यावर आज काय निर्णय होतो याकडे लक्ष लागून आहे. नाशिकमध्ये डीजे वाजणार का नागपूर आणि सोलापूर प्रमाणे डीजे वर बंदी घालणार याकडे लक्ष आहे.

नाशिकमध्ये आज मराठा संघटनांची राज्यस्तरीय महत्त्वाची बैठक आहे. SEBC आरक्षणाच्या मुद्द्यावर मराठा संघटना आक्रमक झाली आहे. ज्यांच्या कुणबी नोंदी नाहीत, त्यांना SEBC मधूनच आरक्षण मिळतो. सरकारने SEBC आरक्षण टिकवून ठेवावं असा आग्रह मराठा संघटनांचा  आहे. मराठा समाजाचे SEBC आरक्षण घालवण्याचा प्रयत्न सुरू असल्याचा आरोप आहे.

काल रात्री उशिरापर्यंत वर्षा निवासस्थानी मराठा आरक्षणाबाबत चर्चा झाल्याची सूत्रांची माहिती आहे. वर्षावरील बैठक रात्री दोन वाजता संपली. या बैठकीत प्रामुख्याने मराठा समाजाला न्याय देण्यासाठी चर्चा झाली. तसंच मराठा समाजाला न्याय देताना ओबीसीवर अन्याय होणार नाही हा मुद्दा प्रामुख्याने चर्चेत आला आहे. बैठकीला मुख्यमंत्री, उपमुख्यमंत्री एकनाथ शिंदे, चंद्रशेखर बावनकुळे, उदय सामंत, राधाकृष्ण विखे पाटील, अतुल सावे,रविंद्र चव्हाण, प्रसाद लाड हे नेते उपस्थित होते.