MAH MBA CET result 2020 जाहीर, ‘या’ वेबसाईट्सवर निकाल पाहा

MBA MCET result 2020: मुंबई : एमबीए आणि एमएमएस अभ्यासक्रमाच्या परीक्षेसाठी घेण्यात आलेल्या सीईटी परीक्षेचा निकाल जाहीर झाला (Maharashtra Common Entrance Test, CET cell) आहे.  राज्यातील एकूण 36 हजार जागांसाठी ही प्रवेश पूर्वपरीक्षा 14 आणि 15 मार्च रोजी घेण्यात आली होती.  MAH MBA CET result 2020 या परीक्षेचा निकाल अधिकृत वेबसाईट  mahacet.org  किंवा cetcell.mahacet.org यावर पाहू शकता

राज्याचे उच्च आणि तंत्र शिक्षणमंत्री उदय सामंत (Uday Samant) यांनी परीक्षेचा निकाल सीईटी सेलच्या संकेतस्थळावर प्रसिद्ध होणार असल्याची माहती दिली होती. त्यानुसार आज (23 मे) सकाळी 11 वाजता संकेतस्थळावर परीक्षेचा निकाल जाहीर झाला.

ही परीक्षा एकूण 200 गुणांची घेण्यात आली होती. या परीक्षेत 4 विद्यार्थ्यांना 151 ते 175 दरम्यान गुण प्राप्त झाले आहेत. तर 392 विद्यार्थ्यांना 126 ते 150 दरम्यान गुण प्राप्त झाले आहेत. 101 ते 125 दरम्यान गुण प्राप्त करणाऱ्या विद्यार्थ्यांची संख्या 3 हजार 924 इतकी आहे. तर 51 ते 100 दरम्यान गुण प्राप्त केलेल्या विद्यार्थ्यांची संख्या 55 हजार इतकी आहे.

या परीक्षेसाठी एकूण 1 लाख 24 हजार 236 विद्यार्थ्यींनी नोंदणी केली होती. त्यापैकी 1 लाख 10 हजार 631 विद्यार्थ्यांनी परीक्षा दिली होती. ही परीक्षा एकूण 184 परीक्षा केंद्रांवर घेण्यात आली होती. यामध्ये महाराष्ट्रातील 135 तर महाराष्ट्राबाहेरील 13 परीक्षा केंद्रांचा समावेश आहे

निकाल कसा पाहावा :

Step 1 : निकाल पाहण्यासाठी विद्यार्थ्यांनी mahacet.org किंवा cetcell.mahacet.org या वेबसाईटला भेट द्यावी.

Step 2 : वेबसाईटच्या होमपेजवर असलेल्या रिझल्ट या पर्यायवर क्लिक करावं

Step 3 : तुमचं लॉगईन क्रेडेंशियल टाकावं.

Step 4 : तुमचा निकाल स्क्रिनवर येईल. निकाल तपासल्यानंतर त्याची प्रिंटआऊटची प्रत काढून घ्यावी.