सार्वजनिक गणेशोत्सवातही तोच नियम, मंडळांनो महापालिककेचं परिपत्रक वाचलं का? A टू Z अटी वाचा एका क्लिकवर
मुंबई महानगरपालिकेने आगामी गणेशोत्सवासाठी पीओपी मूर्तींवर बंदी घातली आहे. कोर्टाच्या आदेशानुसार हा निर्णय घेतला आहे. पर्यावरणपूरक मूर्ती बनवण्यासाठी मूर्तीकारांना प्रोत्साहन देण्यात येईल. मंडप परवानगी आणि इतर सुविधा उपलब्ध करून देण्यात येतील. मात्र, नियम उल्लंघन केल्यास दंडात्मक कारवाई होईल. सार्वजनिक गणेशोत्सव आता पूर्णपणे पर्यावरणपूरक असणार आहे.
गणेशोत्सव हा फक्त महाराष्ट्रातच नव्हे तर संपूर्ण देशभरात, आणि विदेशातंही उत्साहाने साजरा करण्यात येतो. मात्र आता यांसदर्भात एक महत्वाची अपडेट समोर आली आहे. यंदाच्या गणेशोत्सवात प्लास्टर ऑफ पॅरिसच्या अर्थात POP मूर्तींना बंदी असणार आहे. माघी गणेशोत्सवाप्रमाणे आगामी सार्वजनिक गणेशोत्सवावर देखील कोर्टाच्या नियमांचे सावट आहे. कोर्टाच्या निर्णयाचा संदर्भ देत मुंबई महापालिकेकडून परिपत्रक जारी करण्यात आलं आहे. सार्वजनिक उत्सव सन २०२५ पर्यावरणपूरक पध्दतीने तसेच सुरळीतपणे पार पाडण्याच्या दृष्टीने, मूर्तीकारांना तात्पुरते मंडप उभारण्याकरीता आणि विभाग कार्यालयातील संबंधित अधिकारी/कर्मचारी यांचे मार्गदर्शनाकरिता सूचना करण्यात आल्या आहेत. आगामी गणेशोत्सव आणि नवरात्रोत्सव पूर्णपणे पर्यावरणपूरक असावा असं बीएमसी कडून सांगण्यात आलं आहे.
सार्वजनिक उत्सव हा पूर्णपणे पर्यावरणपूरक व्हावा यासाठी मुंबई महानगरपालिकेकडून परिपत्रकही जारी करण्यात आलं आहे. प्लास्टर ऑफ पॅरिसच्या अर्थात POPच्या मूर्तींवर पूर्णपणे बंदी असेल असं त्या परिपत्रकामध्ये नमूद करण्यात आलं आहे. त्यामुळे या परिपत्रकानंतर आगामी काळात राजकीय नेते, मूर्तीकार तसेच गणेशोत्सव मंडळांची यावर काय भूमिका असेल ते पाहणं महत्वाचं ठरेल. कारण माघी गणेशउत्सव काळात POP च्या मूर्त्या असल्याने तलावात विसर्जन करण्यास बंदी घालण्यात आली होती. यावरून मुंबई उपनगरात मंडळानी निषेध केला होता. कोर्टाच्या नियमांचे पालन करूनच मूर्ती घडवावी असे निर्देश परिपत्रकात देण्यात आले आहेत. आताही हाच निर्णय असल्याने आगामी काळात त्यांच्या भूमिकांकडे सर्वांच लक्ष असेल.
परिपत्रकातील नियम कायम ?
- मा. उच्च न्यायालय, मुंबई येथे दाखल PIL 96 of 2024 मधील दिनांक 30.01.2026 रोजीच्या अंतरीम आदेशानुसार, पीओपी मुर्तीना पूर्णपणे प्रतिबंध करण्यात आले असून केंद्रिय प्रदुषण नियंत्रण मंडळाने दि. 12.05.2020 रोजी जारी केलेल्या मार्गदर्शक सूचनांची काटेकोर अंमलबजावणी करण्याचे आदेश बृहन्मुंबई महानगरपालिका यांना दिलेले आहेत. सदर आदेशांची काटेकोरपणे अंमलबजावणी करण्यात यावी.
- मूर्तीकारांना पर्यावरणपूरक मुर्ती बनविण्यास प्रोत्साहन मिळावे याकरीता बृहन्मुंबई महानगरपालिकेमार्फत मुर्तीकारांना निःशुल्क मंडप परवानगी दिली जाईल.
- सार्वजनिक / खाजगी जागेवरील मंडपांकरीता अर्ज सादर करतेवेळी गतवर्षीची मंडप परवानगी सोबत जोडण्यात यावी.
- मुॉॉर्तीकारांना मंडप उभारण्यासाठी रस्ते आणि फूटपाथवर खड्डे खणण्यास प्रतिबंध असून खड्डे खणल्याचे आढळून आल्यास 2000 रुपये प्रत्ती खड्डा याप्रमाणे दंडात्मक कारवाई करण्यात येईल.
- येथे केवळ पर्यावरण पूरक मूर्ती घडविल्या जातात असा फलक, मंडपाच्या प्रवेश व्दारावरील दर्शनी भागात्त सुस्पष्ट दिसेल अशा रितीने प्रदर्शित करावा.
- उत्सवा वादरम्यान मूर्तीचे आगमन आणि विसर्जन सुकर होईल व स्थापनेदरम्यान मूर्तीचे स्थैर्य राहिल एवढया उंचीची मूर्ती घडविण्यात यावी.
