मुंबईत दुपारी 12 वाजेपर्यंत किती गोविंदा जखमी झाले? काय स्थिती? आकडेवारी आली समोर
मुंबईत दहीहंडीला गालबोट लागलं आहे. अवघ्या काही तासांत अनेक गोविंदा जखमी झाले आहेत. आतापर्यंत जखमी झालेल्या गोविंदाची आकडेवारी समोर आली आहे.
मुंबईत एकीकडे दहीहंडी उत्सव जोरदारपणे सुरू आहे. मुंबई, ठाण्यातील हजारो गोविंदा पथक दहीहंडी फोडण्यासाठी सज्ज झाले आहेत. या उत्सवादरम्यान मुंबईत उत्सवाला गालबोट लागल्याचे पाहायला मिळत आहे. मुंबईत काही तासांत अनेक गोविंदा जखमी झाले आहेत. त्यांच्यावर शहरातील विविध रुग्णालयात उपचार सुरू आहे.
मुंबई महापालिका प्रशासनाने दहीहंडी उत्सवादरम्यान जखमी झालेल्या गोविंदांची रुग्णालयातील आकडेवारी प्रशासनाकडून जाहीर करण्यात आली आहे. प्रशासनाने ५ सप्टेंबर रोजी दुपारी १२ वाजेपर्यंतची माहिती दिली. विविध सरकारी आणि BMC रुग्णालयांमध्ये एकूण २२ गोविंदा जखमी झाले आहेत. यापैकी २१ जणांना उपचारानंतर डिस्चार्ज देण्यात आला आहे. सध्या १ गोविंदा रुग्णालयात उपचाराधीन आहे. मुंबईतील CT रुग्णालयात २० जखमींना दाखल करण्यात आलं होतं. त्या सर्वांना डिस्चार्ज देण्यात आला आहे. ES रुग्णालयात १ जखमी रुग्णाला दाखल करण्यात आलं आहे. या गोविंदाला उपचारानंतर डिस्चार्ज देण्यात आला आहे. तर WS रुग्णालयात १ जखमी आहे. तो सध्या उपचाराधीन आहे. दहीहंडी उत्सवादरम्यान कोणतीही अनुचित घटना घडलेली नाही, अशी प्रशासनाची माहिती दिली आहे.
