धारावीत धावत्या बसला लागली भीषण आग, सुदैवाने जीवितहानी नाही
धारावी जंक्शन परिसरात नवी मुंबईच्या बसला आग लागल्याचे वृत्त आहे. ही बस पनवेलच्या दिशेन जात होती. सुदैवाने यामध्य कोणतीही जीवितहानी झालेली नाही.
मुंबई | 12 डिसेंबर 2023 : धारावी जंक्शन परिसरात नवी मुंबईच्या बसला आग लागल्याचे वृत्त आहे. ही बस पनवेलच्या दिशेन जात होती. सुदैवाने यामध्य कोणतीही जीवितहानी झालेली नाही. आगीची माहिती मिळताच अग्निशमन दलाच्या जवानांनी घटनास्थळी धाव घेत तातडीने आगीवर नियंत्रण मिळवले.
धारावी जंक्शन परिसरात आज सकाळी ही दुर्दैवी घटना घडली. 105 नंबरची ही बस वांद्रे येथून नवी मुंबईतील पनवेलच्या दिशेने जात होती. अचानक या धावत्या बसच्या मागच्या भागात अचानक आग लागली. मात्र ही आग नेमकी कशामुळे लागली, त्याचे कारण काय हे अद्याप स्पष्ट होऊ शकलेले नाही.
आग लागल्याचे समजताच बस ड्रायव्हरने प्रसंगावधान दाखवत बसमधील सर्व प्रवाशांना तातडीने सुखरुपरित्या खाली उतरवलं, त्यामुळे कोणतीही जीवितहानी झाली नाही किंवा कोणीही जखमी झाले नाही. अग्निशमन दलाचे जवान घटनास्थळी येईपर्यंत बसचालक आणि कंडक्टर या दोघांनी इतर बसचालकांकडून मदत मागत, फायर इन्स्ट्रुमेंट्सचा वापर करत आग विझवण्याचा आटोकाट प्रयत्न केला.
( ही बातमी अपडेट होत आहे.)
