आदित्य ठाकरे यांच्या निकटवर्तीयाची ईडीकडून तब्बल 17 तास चौकशी; चेंबूर येथील घरी काय घडलं?

ठाकरे गटाचे पदाधिकारी आणि आदित्य ठाकरे यांचे खास सहकारी सुरज चव्हाण यांच्या घरी ईडीने तब्बल 17 तास चौकशी केली. सकाळी 9 वाजता आलेले ईडीचे अधिकारी रात्री दीड वाजता घराबाहेर पडले. यावेळीही शिवसैनिक चव्हाण यांच्या घराबाहेर होते.

आदित्य ठाकरे यांच्या निकटवर्तीयाची ईडीकडून तब्बल 17 तास चौकशी; चेंबूर येथील घरी काय घडलं?
suraj chavan Image Credit source: tv9 marathi
Follow us
| Updated on: Jun 22, 2023 | 6:46 AM

मुंबई : आदित्य ठाकरे यांचे खास आणि ठाकरे गटाचे सचिव सुरज चव्हाण यांच्या चेंबूर येथील निवासस्थानी काल ईडीने छापेमारी केली. ईडीचे अधिकारी सकाळी 9 वाजता सुरज चव्हाण यांच्या घरी आले. ते रात्री दीड वाजता अधिकारी घराच्या बाहेर पडले. ईडीच्या अधिकाऱ्यांनी सुरज चव्हाण यांच्या घरात तब्बल सतरा तास झाडाझडती घेतली. घरातील कागदपत्रांची छाननी केली. तसेच चव्हाण यांचीही चौकशी केल्याचं सांगितलं जातं. ईडीच्या हाती काही लागले की नाही याचा तपशील मिळू शकला नाही. मात्र, ईडीने एवढ्या तास चौकशी केल्याने चव्हाण यांच्या अडचणीत वाढ झाल्याचं सांगितलं जात आहे.

सुरज चव्हाण हे चेंबूरच्या के के ग्रँड इमारतीतील 11 व्या मजल्यावर राहतात. या इमारतीत सकाळी 9 वाजता ईडीचे अधिकारी आले होते. या अधिकाऱ्यांनी रात्री 1:30 वाजेपर्यंत सुरज चव्हाण यांच्या घराची झाडाझडती घेतली. चव्हाण यांच्यासह घरातील सदस्यांची चौकशी केली आणि त्यानंतर साडे सोळा तासाने निघून गेले. या काळात चव्हाण यांच्या घराबाहेर मोठा पोलीस बंदोबस्त ठेवला होता. कुणालाही आत सोडलं जात नव्हतं. तसेच कुणालाही बाहेर जाऊ दिलं जात नव्हतं. घरातील सदस्यांना फोन करण्यास मज्जाव करण्यात आल्याचं सांगितलं जात आहे.

हे सुद्धा वाचा

रात्री दीड वाजता शिवसैनिकांची गर्दी

ईडीच्या अधिकाऱ्यांनी सुरज चव्हाण यांच्या घरी छापेमारी केल्याची माहिती मिळताच शिवसैनिकांनी चव्हाण यांच्या घराबाहेर प्रचंड गर्दी केली. यावेळी शिवसैनिकांनी ईडी आणि राज्य सरकारच्या विरोधात प्रचंड संताप व्यक्त केला. केवळ त्रास देण्यासाठी या चौकश्या सुरू आहेत. निवडणुका जिंकण्यासाठी हा दबाव टाकला जात आहे. पण हे अधिककाळ चालणार नाही, आम्ही सत्ताधाऱ्यांना त्यांची जागा दाखवून देऊ, असा इशारा संतप्त शिवसैनिकांनी दिला. दरम्यान, ईडीचे अधिकारी चौकशी करून गेल्यानंतरही रात्री दीड वाजता शिवसैनिकांनी सुरज चव्हाण यांची भेट घेऊन त्यांची विचारपूस करण्यासाठी गर्दी केली होती.

मस्तपैकी बसले आहेत

दरम्यान, ठाकरे गटाचे आमदार प्रकाश फातर्फेकर यांनी सुरज चव्हाण यांच्या घरी जाऊन त्यांची भेट घेण्याचा प्रयत्न केला. परंतु चौकशी चालू असल्यामुळे त्यांना भेटू दिले नाही. त्यानंतर फातर्पेकर यांनी मीडियाशी संवाद साधला. यावेळी चव्हाण यांच्या घरात नेमकं काय चाललंय याची आँखो देखीच फातर्पेकर यांनी सांगितली. चौकशी वगैरे सुरू नाही ते मस्तपैकी बसलेले आहेत. चौकशी होत नाही. दबाव तंत्र आहे. कोण करतो काय करत आहे हे सगळ्यांना माहीत आहे. आम्ही या दबावतंत्राला बळी पडणार नाही. या सगळ्या गोष्टींना आम्ही फेस करू, असं फातर्पेकर म्हणाले.

शिंदे गटात जाणार नाही

अधिकारी नुसते बसून आहेत नुसतं बसून काय करणार? 6 वाजता घरी जाणार एवढेच काम करणार का? घोटाळा झाला तो किरीट सौमय्या यांना माहिती आहे तर त्यांनी बाहेर काढावा. शिवसैनिकांवर भाजपकडून दबाव तंत्राचा वापर केला जातोय, काही झालं तरी मी शिंदे गटात जाणार नाही. जनता यांना उत्तर देईल, असंही ते म्हणाले.

Non Stop LIVE Update
'मनोज जरांगे हे बालबुद्धी, त्यांची अवस्था एक दिवस...,' - आशीष देशमुख
'मनोज जरांगे हे बालबुद्धी, त्यांची अवस्था एक दिवस...,' - आशीष देशमुख.
WITT : Not An ERA Of War विषयावर सखोल चर्चा, भारताची भूमिका काय?
WITT : Not An ERA Of War विषयावर सखोल चर्चा, भारताची भूमिका काय?.
... म्हणून चीनवर भडकले ऑस्ट्रेलियाचे माजी पंतप्रधान टोनी ॲबॉट
... म्हणून चीनवर भडकले ऑस्ट्रेलियाचे माजी पंतप्रधान टोनी ॲबॉट.
भारत हा आशियातील महासत्ता अन् महान देश, टोनी ॲबॉट भारतावर भरभरून बोलले
भारत हा आशियातील महासत्ता अन् महान देश, टोनी ॲबॉट भारतावर भरभरून बोलले.
WITT : मोदी हे सामान्य नेते नाहीत तर..टोनी ॲबॉट यांच्याकडून गौरवोद्गार
WITT : मोदी हे सामान्य नेते नाहीत तर..टोनी ॲबॉट यांच्याकडून गौरवोद्गार.
WITT : भारत सर्वात मोठी अर्थव्यवस्था होण्याच्या मार्गावर... - बरुण दास
WITT : भारत सर्वात मोठी अर्थव्यवस्था होण्याच्या मार्गावर... - बरुण दास.
व्हॉट इंडिया थिंक्स टुडे समीटचा २रा दिवस, बॉलिवूडच्या दिग्गजांची हजेरी
व्हॉट इंडिया थिंक्स टुडे समीटचा २रा दिवस, बॉलिवूडच्या दिग्गजांची हजेरी.
प्रसिद्ध बासरीवादक राकेश चौरसिया यांचा 'नक्षत्र पुरस्कारानं' गौरव
प्रसिद्ध बासरीवादक राकेश चौरसिया यांचा 'नक्षत्र पुरस्कारानं' गौरव.
WITT : पुष्पा सुपरस्टार अल्लू अर्जुनला नक्षत्र सन्मान; म्हणाला...
WITT : पुष्पा सुपरस्टार अल्लू अर्जुनला नक्षत्र सन्मान; म्हणाला....
अम्मा 'ॲनिमल' पाहू नको... खुशबू सुंदर यांच्या मुली असं का म्हणाल्या?
अम्मा 'ॲनिमल' पाहू नको... खुशबू सुंदर यांच्या मुली असं का म्हणाल्या?.