AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

VIDEO : ठाकरे गट पुन्हा जुन्याच आवेशात, पदाधिकाऱ्याच्या घरी ईडीची धाड पडताच शिवसैनिक एकटवले; सरकारवर हल्लाबोल

कोव्हिड काळात झालेल्या घोटाळ्या प्रकरणी ठाकरे गटाचे सचिव सूरज चव्हाण यांच्या घरावर ईडीने छापेमारी केली आहे. त्यामुळे शिवसैनिक संतापले आहेत. या शिवसैनिकांनी चव्हाण यांच्या घराच्या बाहेर गर्दी करत सरकार विरोधात घोषणाबाजी केली.

VIDEO : ठाकरे गट पुन्हा जुन्याच आवेशात, पदाधिकाऱ्याच्या घरी ईडीची धाड पडताच शिवसैनिक एकटवले; सरकारवर हल्लाबोल
ED raid Image Credit source: tv9 marathi
| Edited By: | Updated on: Jun 21, 2023 | 1:55 PM
Share

गोविंद ठाकूर, टीव्ही9 मराठी प्रतिनिधी, मुंबई : आदित्य ठाकरे यांचे निकटवर्तीय आणि ठाकरे गटाचे सचिव सूजर चव्हाण यांच्या घरावर ईडीने छापेमारी केली आहे. चेंबूर येओथील के के ग्रँड इमारतीतील सूरज चव्हाण यांच्या 11 व्या मजल्यावर छापेमारी करण्यात आली आहे. त्यामुळे ठाकरे गटात एकच खळबळ उडाली आहे. कोविडच्या काळात लाईफलाईन सर्व्हिस या कंपनीने केलेल्या घोटाळ्याबाबत ही कारवाई करण्यात आली आहे. ईडीच्या छापेमारीचं वृत्त येताच शिवसैनिकांनी चेंबूर येथे चव्हाण यांच्या घराबाहेर प्रचंड गर्दी केली. यावेळी शिवसैनिक आपल्या जुन्या आवेशात दिसले. या शिवसैनिकांनी राज्य सरकारवर जोरदार निशाणा साधत जोरदार घोषणाबाजी केली. त्यामुळे चव्हाण यांच्या इमारतीखाली तणावाचं वातावरण निर्माण झालं होतं.

सूरज चव्हाण यांच्या चेंबूर येथील निवासस्थानी ईडीने छापेमारी केल्यानंतर शिवसैनिकांचा पारा चढला. असंख्य शिवसैनिकांनी चव्हाण यांच्या घराबाहेर जमून या कारवाईचा निषेध नोंदवला. तसेच शिंदे सरकार विरोधात संतापही व्यक्त केला. हे दिल्लीवाले महाराष्ट्राला घाबरले आहेत. त्यांच्या पायाखालची वाळू सरकली आहे. दबाव टाकून जिंकू असं त्यांना वाटत आहे. पण ते कधीच साध्य होणार नाही. जेवढा दबाव टाकाल तेवढा शिवसैनिक पेटून उठेल. शिवसैनिक या लोकांना महाराष्ट्रातून नामशेष केल्याशिवाय बसणार नाही, अशी संतप्त प्रतिक्रिया एका शिवसैनिकांने दिली. हा शिवसैनिक जेव्हा प्रतिक्रिया देत होता. त्यावेळी इतर शिवसैनिक जोरदार घोषणा देत होते. शिवसैनिकांचा पारा प्रचंड चढलेला होता. पूर्वीच्या आवेशातच शिवसैनिक दिसत होता.

अधिकाऱ्याच्या घरी छापेमारी

सूरज चव्हाण यांच्या पाठोपाठ कोव्हिड सेंटर घोटाळ्या प्रकरणी अधिकारी संजीव जयस्वाल यांच्या घरावरही ईडीने छापेमारी केली आहे. ईडीचे 6 ते 7 अधिकारी आज सकाळी वांद्रे पूर्व येथील रुस्तमजी ओरियाना टॉवरमध्ये आले आणि जयस्वाल यांच्या घरावर छापे टाकले. संजीव जयस्वाल यांच्या घरावर गेल्या अनेक तासांपासून ईडीची छापेमारी सुरू आहे. रुस्तमजी ओरियाना टॉवरच्या चौथ्या मजल्यावर संजीव जयस्वाल यांचे घर असल्याचे सांगण्यात येत आहे. कोव्हिडच्या काळात संजीव जयस्वाल महापालिकेचे तत्कालीन अतिरिक्त आयुक्त होते. दरम्यान, ही छापेमारी सुरू असली तरी जयस्वाल हे घरी नसल्याची माहिती आहे.

पाटकरांच्या घरी तीन तास छापेमारी

ईडीने खासदार संजय राऊत यांचे निकटवर्तीय सुजीत पाटकर यांच्या घरावर छापा मारला आहे. सांताक्रूझ पूर्व वाकोला येथील सुमित आर्टिस्टा बिल्डिंगच्या सी विंगमध्ये सुजीत पाटकर यांचे घर आहे. सुजीत पाटकर दुसऱ्या मजल्यावर राहतात. ईडीचे 6 ते 7 अधिकारी सकाळी 8.00 वाजता सुजीत पाटकर यांच्या घरी आले. सुमारे 3 तास चाललेल्या छाप्यानंतर ईडीचे पथक सकाळी 10.45 वाजता येथून निघून गेले. सध्या सुजीत पाटकर यांचे घर बंद असून घरात कोणीही नाही. त्यांच्यावरही कोव्हिडच्या काळात घोटाळा केल्याचा आरोप आहे.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत