कर्नाळा बँक घोटाळ्याची ईडी चौकशी, शेकापचे माजी आमदार विवेक पाटलांच्या अडचणी वाढण्याची चिन्हं
ईडीच्या चौकशीमुळे बँक आणि शेतकरी कामगार पक्षाचे नेते माजी आमदार विवेकानंद पाटील यांच्यावर आता टांगती तलवार आहे.
पनवेल : रायगड जिल्ह्यातील ‘कर्नाळा नागरी सहकारी बँक‘ घोटाळा प्रकरणी आता अंमलबजावणी संचालनालय चौकशी करणार आहे. शेतकरी कामगार पक्षाचे माजी आमदार आणि कर्नाळा बँकेचे अध्यक्ष विवेक पाटील यांच्या अडचणीत वाढ होण्याची चिन्हं आहेत. (ED enquiry in Karnala Bank Fraud Case Trouble of ex MLA Vivek Patil may increase)
कर्नाळा बँकेत 650 कोटी रुपयांचा घोटाळा झाल्याचा उघडकीस आल्यानंतर बँकेच्या व्यवहारांवर मर्यादा आली होती. ठेवीदार आणि खातेधारकांना त्यांच्या हक्काचे पैसे परत मिळावे यासाठी पनवेल मतदारसंघाचे आमदार प्रशांत ठाकूर आणि उरण मतदारसंघाचे आमदार महेश बालदी यांनी खातेदार आणि ठेवीदार संघर्ष समितीच्या माध्यमातून जनतेचा आवाज शासनापर्यंत पोहोचवला होता. बँकेच्या विरोधात ठेवीदारांसोबत आंदोलनही केले होते.
यासंदर्भात आता आमदार प्रशांत ठाकूर आणि आमदार महेश बालदी यांना ईडी कार्यालयात बोलवलं होतं. दोन्ही आमदारांनी आपले म्हणणे ईडी कार्यालयात जाऊन मांडले असून घोटाळ्यासंदर्भातील पुरावे सादर केले असल्याची माहिती पुढे येत आहे. ईडीच्या चौकशीमुळे बँक आणि शेतकरी कामगार पक्षाचे नेते माजी आमदार विवेकानंद पाटील यांच्यावर आता टांगती तलवार आहे.
कर्नाळा बँक अध्यक्ष, संचालकांसह 76 जणांविरुद्ध गुन्हा
कर्नाळा नागरी सहकारी बँक घोटाळ्याप्रकरणी रायगड जिल्हा विशेष लेखापरीक्षकांनी बँकेचे अध्यक्ष आणि शेकापचे माजी आमदार विवेक पाटील यांच्यासह संचालक, अधिकारी अशा 76 जणांविरोधात एफआयआर दाखल केला आहे. त्याआधारे याआधीच सर्वांविरोधात पनवेल शहर पोलीस ठाण्यात गुन्हे दाखल करण्यात आले होते. कोट्यवधी रुपयांचा अपहार केल्याचा त्यांच्यावर ठपका ठेवण्यात आला आहे.
गुन्हे दाखल होऊनही ठेवीदारांच्या पैशांबाबत कुठलीही हालचाल दिसत नाही, म्हणून आम्ही ईडी कार्यलयात गेलो होतो. ठेवीदारांचे कष्टाचे पैसे परत मिळावे, हाच आमचा उद्देश आहे. आम्हाला राजकारण करायचं नाही. पण यात खूप मोठं मनी लॉड्रिंग झाले आहे असा आरोप प्रशांत ठाकूर यांनी केला आहे.
VIDEO : Aurangabad | औरंगाबाद पालिकेच्या 7 कर्मचाऱ्यांना नोटीस, कामात हलगर्जीपणा केल्याने आयुक्तांची कारवाई pic.twitter.com/XAC2xUyFS7
— TV9 Marathi (@TV9Marathi) August 13, 2020
(ED enquiry in Karnala Bank Fraud Case Trouble of ex MLA Vivek Patil may increase)
