“कर्नाटकातील कॅबिनेटचा विस्तार…”; खर्गे यांच्या मुलावर असणार ‘ही’ जबाबदारी

बेंगळुरू: कर्नाटकात काँग्रेसचा दणदणीत विजय झाल्यानंतर अनेक दिवसांच्या वादावादीनंतर अखेर मुख्यमंत्री पदाचा तिडा सुटला आहे. त्यात सिद्धरामय्या विजयी झाले आणि त्यानंतर त्यांनी मुख्यमंत्रिपदाची शपथ घेतली. यादरम्यान त्यांच्यासोबत प्रदेश काँग्रेसचे अध्यक्ष डीके शिवकुमार यांना उपमुख्यमंत्री करण्यात आले आहे. तर त्याचवेळी त्यांच्यासोबत आणखी 8 मंत्र्यांना शपथही देण्यात आली. त्यानंतर काँग्रेसने आणखी 24 मंत्र्यांचा मंत्रिमंडळात समावेश केला.

या सर्व मंत्र्यांना विश्वासात घेऊन बुधवारी फेरवाटप करण्यात आले आहे. ज्यामध्ये काँग्रेस प्रदेशाध्यक्ष मल्लिकार्जुन खर्गे यांचा मुलगा प्रियांका खर्गे यांच्यावर राज्याची आणखी एक मोठी जबाबदारी सोपवण्यात आली आहे.

प्रियांकला आयटी आणि बीटी विभाग सोपवण्यात आला आहे.  या विभागाव्यतिरिक्त त्यांच्याकडे ग्रामीण विकास आणि पंचायती राज मंत्रालय आहे.

याआधीही सीएम सिद्धरामय्या यांनी आयटी आणि बीटी मंत्रालय त्यांच्याकडे ठेवले होते. सीएम सिद्धरामय्या यांच्याकडे अजूनही अनेक मोठी मंत्रालये आहेत, ज्यामध्ये अर्थ, कॅबिनेट अफेयर्स, इंटेलिजेंस, माहिती आणि सर्व गैर-वाटप मंत्रालयांचा समावेश करण्यात आला आहे.

त्याचबरोबर राज्याचे आणखी एक दिग्गज नेते एम.बी.पाटील यांच्याकडेही मोठे आणि मध्यम उद्योग आणि पायाभूत सुविधांच्या विकासाची जबाबदारी देण्यात आली आहे. याबाबतची माहिती शासनाकडून अधिसूचना जारी करून देण्यात आली आहे. त्यानुसार जी राज्यातील गृहमंत्रालयाची जबाबदारीही सोपवण्यात आल्याचे म्हटले आहे.

याशिवाय, बेंगळुरूशी संबंधित बहुतेक प्रकरणे उपमुख्यमंत्री शिवकुमार यांच्याकडे सोपवण्यात आली आहेत. यामध्ये मलनिस्सारण, पाणीपुरवठा, नगरविकास, पाटबंधारे आदी मंत्रालयांची जबाबदारी देण्यात आली आहे. याशिवाय के. जे. जॉर्ज यांच्याकडे राज्यातील ऊर्जा मंत्रालय देण्यात आले आहे. तर पाटील यांच्याकडे कायदा, विधी आणि पर्यटन ही खाती देण्यात आली आहेत. केएच मुनियप्पा यांच्याकडे अन्न नागरी आणि ग्राहक व्यवहाराची जबाबदारी देण्यात आली आहे.