Maharashtra Lockdown Guidelines | मुंबई लोकल असो की बस, कोणाला प्रवासा करता येणार? संपूर्ण नियमावली

सरकारचे नवे नियम काय आहेत, याबाबत अनेकांमध्ये संभ्रम निर्माण झाला आहे. (lockdown mumbai local bus guidelines)

local train corona and lockdown

prajwal dhage | Updated on: Apr 22, 2021 | 5:12 PM

मुंबई : संपूर्ण राज्यात आज (22 एप्रिल) रात्री 8 वाजल्यापासून लॉकडाऊन लागू होणार आहे. कोरोना रुग्णांचे (Corona virus) वाढते प्रमाण लक्षात घेता राज्य सरकारने हा निर्णय घेतला आहे. त्यामुळे सरकारने लागू केलेल्या लॉकडाऊनमुळे (Lockdown) नागरिकांना प्रवासासाठी अनेक निर्बंध येणार आहेत. या सर्व पार्श्वभूमीवर नागरिकांमध्ये गोंधळ निर्माण झाला आहे. सरकारचे नवे नियम काय आहेत, याबाबत अनेकांमध्ये संभ्रम निर्माण झाला असून सरकारचे नवे नियम काय आहेत हे जाणून घेणे गरजेचे आहे. (Maharashtra government imposed Lockdown due to Corona virus new guidelines and rules for Mumbai local trian and bus traveling know all information)

मुंबईमध्ये आज रात्री 8 वाजेपासून कडक लाॉकडाऊनची अंमलबजावणी होणार आहे. त्यानंतर रेल्वे प्रवासावर अनेक निर्बंध येणार आहेत. याबाबत बोलताना मुंबई रेल्वेचे डिआरएम गोयल यांनी अधिक माहिती दिली आहे. त्यांनी रेल्वेच्या वेगळ्या गाईडलाईन्स नाहियेत. मात्र, राज्य सरकारने ज्या गाईडलाईन्स दिलेल्या आहेत; त्याच गाईडलाईन्सचे पालन मुंबई रेल्वे करेल असे सांगितलंय. तसेच, लॉकडाऊन लागू झाल्यानंतर मुंबई लोकलने सरकारी तसेच केंद्र आणि राज्य सरकारचे कर्मचारी यांनाच प्रवास करता येईल. त्यासाठी आयकार्ड बंधनकारक असेल. तसेच डॉक्टर्स, पॅरामेडिकल कर्मचारी, नर्सेस, लॅब टेक्निशियन्स यांनासुद्धा प्रवास करण्यास मुभा असेल. मेडिकल ऑर्गनायझेशनने दिलेले आयकार्ड दाखवून वरील कर्मचारी लोकलने प्रवास करु शकतील,” असे त्यांना सांगितले आहे.