सणासुदीच्या काळात डाळींना महागाईचा तडका! चणा, तूर, मूग डाळींच्या दरात वाढ, ग्राहकांच्या खिशाला लागणार कात्री
मुंबईसह महाराष्ट्रातील बाजारपेठांमध्ये चणा, तूर आणि मूग डाळींच्या दरात वाढ झाल्याची माहिती समोर आली आहे. घाऊक दरवाढीचा परिणाम किरकोळ बाजारावरही होत असून ग्राहकांना अधिक पैसे मोजावे लागू शकतात.
महाराष्ट्रात दुष्काळ पडलायं आणि त्याचा फटका फक्त शेतकऱ्यांनाच नाही तर ग्राहकांच्या खिशाला देखील बसणार आहे. मुंबईसह महाराष्ट्रात डाळींच्या दरात मोठी वाढ झाली आहे. घाऊक बाजारात डाळींच्या किमती 10 ते 20 रूपयांनी वाढल्या आहेत, तर किरकोळ बाजारात काही डाळींचे दर २० ते ३० रूपयांनी वाढले आहेत. त्यामुळे रोजच्या जेवणात लागणाऱ्या डाळींसाठी ग्राहकांना अधिक पैसे मोजावे लागणार आहेत.
घाऊक बाजारात डाळींचे दर किती पटीने वाढले ?
कमी पाऊस, वाढती गरमी यांमुळे पीक पार करपून गेली आहेत. विहिरींनी तळ गाठली आहेत, पावसाने पाठ फिरवली आहे. त्यामुळे पाण्याची भीषण कमतरता सध्या महाराष्ट्रात जाणवत आहे. महाराष्ट्रात यावर्षी कोरडा दुष्काळ पडला आहे. त्यामुळे वाशीच्या कृषी उत्पन्न बाजार समितीच्या घाऊक बाजारात गेल्या काही आठवड्यांत डाळींच्या पुरवठ्यांवर परिणाम झाला आहे. बाजारात धान्य आणि डाळींची आवक कमी झाली आहे.
डाळींची किंमत घाऊक बाजारातील दरानुसार
आधीची किंमत प्रति किलो प्रति किलो वाढलेला दर
चणा डाळ 72 रूपये 82 रूपये
तूर डाळ 90 रूपये 105 रूपये
मूग डाळ 95 रूपये 105 रूपये
किरकोळ बाजारातही दरवाढ
घाऊक बाजारातील वाढीचा परिणाम किरकोळ बाजारातही दिसत आहे.
आधीची किंमत प्रति किलो प्रति किलो वाढलेला दर चणा डाळ 110 रूपये 130 रूपये
तूर डाळ 120 रूपये 150 रूपये
मूग डाळ 140 रूपये
सणासुदीच्या काळात डाळींच्या पदार्थांचे प्रमाण वाढतं. याशिवाय डाळ ही रोजच्या जेवणातील महत्त्वाचा पदार्थ असल्याने सर्वसामान्यांच्या महिन्याच्या खर्चावर याचा परिणाम होणार आहे. पुरवठा कमी झाला आणि सणासुदीच्या काळात डाळींची मागणी वाढली तर किमतीवर त्याचा आणखी परिणाम होण्याची शक्यता आहे. त्यामुळे खरेदी करताना स्थानिक बाजारातील भाव तपासणं ग्राहकांसाठी महत्त्वाचं ठरणार आहे.
