… म्हणून मी हर्ट झाले; रुपाली ठोंबरे पाटील यांचा रोख कुणाच्या दिशेने?

लाडक्या बहि‍णींसाठी राष्ट्रवादी काँग्रेसच्या अजित पवार गटाने राज्यात गुलाबी मोहीम राबवली. जनसंवाद यात्रेच्या रुपाने अजितदादांनी उभा आडवा महाराष्ट्र पालथा घातला. लाडक्या बहि‍णींना भाऊबीजेची ओवळणी आम्हीच कशी दिली यासाठी दादा गटाने महाराष्ट्र पिंजून काढला. पण दादा गटातील दोन बहिणींची नाराजी जाहीर झाल्याने त्यावर आता कसा तोडगा काढावा असा पेच पक्षातील वरिष्ठांना पडला आहे. काय आहे या नाराजीचे कारण? का होत आहे एक व्यक्ती एक पदाची मागणी?

रुपाली पाटील ठोंबरे नाराज का?

मी आधी सुद्धा मुद्गा मांडला होता इतर ही पक्षात लाडक्या बहिणी आहेत. परंतु एक व्यक्ती एक पद देण्यात यावं. काल मला चाकणकर बोलल्या की मी बाहेरची आहे, त्यामुळे हर्ट झाले. मग मी जाते बाहेर. मात्र दादा मला बोलले की मी तुम्हाला पक्षप्रवेश दिला आहे त्यामुळे तुम्ही तुमचं काम करा. मला दादांवर अभिमान की आम्ही 121 त्यांना तक्रार करू शकता. एवढा जर मोठे नेते बोलत असतील नाराज नव्हते मात्र एक खंत होती की मी बाहेरची यावर दादा बोलले. मानकर यांच्यासोबतही त्यांनी चर्चा केली, दादा यावर नक्कीच मार्ग काढतील, असा विश्वास रुपाली पाटील ठोंबरे यांनी व्यक्ती केला.

वाद नाही, पण गैरसमज आहेत

रुपाली पाटील ठोंबरे आणि रुपाली चाकणकर यांच्यात दादा गटात धुसफूस सुरू असल्याचे सध्या तरी चित्र समोर येत आहे. एक पद एक व्यक्ती अशी ठोंबरे यांनी मागणी केल्यापासून हा वाद वाढल्याचे समोर आले आहे. त्यावर ठोंबरे यांनी त्यांचे म्हणणे मांडले. मी पुन्हा सांगते मी त्यांचं अभिनंदन केलं. महिला आयोगाविषयी काही म्हणणंचं नाही मात्र त्य़ा अंगावर ओढून घेत आहेत, असे ठोंबरे म्हणाल्या.

पक्षाने एक पद एक व्यक्ती असं धोरण करावं, अशी पुन्हा ठोंबरे यांनी मागणी केली. त्यांना नक्की काय अडचण आहे हे त्यांनी सांगावं, असं आवाहन त्यांनी चाकणकर यांना केले आहे. मी मागच्या वेळेस कसबा मधून तिकीट मागितलं होतं. आता तर महायुती आहे त्यामुले आता किती पुलाखालून पाणी जाईल काय माहिती. हा वाद नसून तो त्यांचा गैरसमज आहे, असे त्यांनी स्पष्ट केले. मला त्यांच्याशी बोलायची गरज वाटली नाही, असे ही त्या म्हणाल्या.