Tv9 मराठी स्पेशल रिपोर्ट : आशिष देशमुख यांचा महायुतीच्या मंत्र्यांवर आरोप, पाहा Video

महायुतीत मागील अनेक दिवसांपासून वादंग सुरुय.. दरम्यान भाजप नेते आशिष देशमुखांनी महायुतीच्या मंत्र्यांवर केलेल्या आरोपांनंतर महायुतीमधला वाद पुन्हा एकदा चव्हाट्यावर आलाय. कृषीमंत्री धनंजय मुंडे आणि दिलीप वळसे पाटील हे सुनील केदार आणि अनिल देशमुखांच्या दबावात काम करत असल्याचा आरोप आशिष देशमुखांनी केलाय.

दरम्यान आशिष देशमुखांनी धनंजय मुंडे आणि सहकारमंत्री दिलीप वळसे-पाटलांवर कोणते आरोप केलेयत. ‘नागपूर जिल्हा मध्यवर्ती सहकारी बँक घोटाळा प्रकरणी सहकार कायद्यानुसार सुनील केदार आरोपी आहेत’. दरम्यान या प्रकरणी इतर दोषी संचालकांकडून प्रस्तावित वसुलीच्या प्रकरणात वळसे पाटील वारंवार सुनावणी टाळून सुनील केदार यांना साथ देत आहेत. तसंच 12 सप्टेंबर रोजी विदर्भातील संत्रा व मोसंबी उत्पादक शेतकऱ्यांसाठी मंत्रालयात बैठक बोलावण्यात आली होती. मात्र अनिल देशमुख यांच्या दबावाखाली धनंजय मुंडे यांनी ती बैठक अचानक रद्द केली असा आरोप आशिष देशमुखांनी मुडे आणि वळसे पाटलांवर केले आहेत.

पाहा व्हिडीओ:-

आशिष देशमुखांनी महायुतीच्या मंत्र्यांवर केलेल्या आरोपानंतर विजय वडेट्टीवारांनी महायुतीला टोला लगावलाय. तसंच आशिष देशमुखांचा बोलवता धनी वेगळा असेल असाही दावा यावेळी वडेट्टीवारांनी केलाय. दरम्यान महायुतीमध्ये शिंदे गटाचे मंत्री गुलाबराव पाटील आणि तानाजी सावंतांच्या वक्तव्यानंतरही वाद निर्माण झाला होता. या दोन्ही मंत्र्यांनी केलेल्या वक्तव्यानंतर राष्ट्रवादीकडून नाराजी व्यक्त करण्यात आली होती. महायुतीमधील अंतर्गत वाद मागील काही दिवसांपासून समोर येताय. दरम्यान भाजप नेते आशिष देशमुखांनी धनंजय मुंडे आणि वळसे पाटलांवर केलेल्या आरोपानंतर महायुतीमध्ये पुन्हा एकदा वाद उफाळून आलाय.