Video : Tv9 मराठीचा स्पेशल रिपोर्ट | पंकजा मुंडे परळी नाही तर ‘या’ मतदारसंघातून लढणार?

मुंबई : बीड-नगर जिल्ह्याच्या सीमेवर असलेल्या भगवानगडाच्या पायथ्याशी मुंडे बंधू-भगिनी एकत्रित आले. भगवानगडाचे महंत नामदेवशास्त्रीही तेथे होते. राजकारणामुळे पंकजा मुंडे , धनंजय मुंडे आणि महंतामध्येही मतभेद झाले होते. मात्र यावेळी तिन्ही जण एकाच मंचावर आले आणि या मंचावरुन धनंजय मुंडे आणि पंकजा मुंडेंनी एकमेकांचं कौतुकही केलं.

दरम्यान जर पाथर्डीतून पंकजा मुंडे यंदा विधानसभा लढणार का., या प्रश्नावर पक्ष जी जबाबदारी देईल. ती पार पडेल, असं पंकजा मुंडेंनी म्हटलंय. बीडबरोबरच पाथर्डी आणि इतर अनेक भागात गोपीनाथ मुंडेंना माननारा मोठा वर्ग आहे. इथल्या अनेक मतदारसंघात पंकजा मुंडे भाजपच्या उमेदवारांसाठी प्रचारही करतात.

गेल्यावेळी परळीमध्ये पंकजा मुंडे विरुद्ध धनंजय मुंडेंमध्ये लढत झाली होती. या लढतीत धनंजय मुंडेंनी पंकजा मुंडेंचा ३० हजार मतांनी पराभव केला. त्यामुळे यावेळी पंकजा मुंडे पुन्हा परळीतून धनंजय मुंडेंना आव्हान देणार की मग परळीऐवजी पाथर्डीतून उभ्या राहणार. हे पाहणंही महत्वाचं आहे.