Gadchiroli Nagar Panchayat | एटापल्ली नगरपंचायतीत महाविकास आघाडीची सत्ता येणार?, दोन अपक्षांचा शिवसेनेत प्रवेश

गडचिरोली जिल्ह्यातील एटापल्ली नगरपंचायतीत महाविकास आघाडीची सत्ता तर सिरोंचात आदिवासी विद्यार्थी संघटनेची सत्ता स्थापन होणार, अशी परिस्थिती आहे. शिवसेनेचे किरण पांडव व आदिवासी विद्यार्थी संघटनेचे दीपक आत्राम हेसुद्धा किंग मेकरच्या भूमिकेत राहणार आहेत. जिल्ह्यात नगरपंचायत निकालात भाजप पक्ष दुसऱ्या क्रमांकावर आहे. तरीही अनेक ठिकाणांहून सत्तेतून बाहेर राहणार अशी परिस्थिती निर्माण झाली आहे.

Gadchiroli Nagar Panchayat | एटापल्ली नगरपंचायतीत महाविकास आघाडीची सत्ता येणार?, दोन अपक्षांचा शिवसेनेत प्रवेश
एटापल्ली नगरपंचायतीमध्ये शिवसेनेत प्रवेश करणारे अपक्ष नगरसेवक.
Follow us
| Updated on: Jan 31, 2022 | 3:00 PM

गडचिरोली : जिल्ह्यातील एटापल्ली नगरपंचायतीत (Gadchiroli Nagar Panchayat) सत्तेचे समीकरण बदलणार आहे. महाविकास आघाडीची सत्ता नगरपंचायतमध्ये स्थापन होऊ शकते. नगरपंचायत निवडणुकीत अपक्ष विजयी झालेले दोन उमेदवार शिवसेना पक्षात प्रवेश करणार आहेत. नगरसेवकांच्या शिवसेना प्रवेशामुळे (Shiv Sena entry) महाविकास आघाडीतील तीनही पक्षांना बळ मिळणार आहे. नागेंद्र राजगोपाल सुलावार व सुनील कुडमेथे या अपक्ष नगरसेवकांनी शिवसेनेत प्रवेश केला. एटापल्ली नगरपंचायतीत काँग्रेसचे पाच, राष्ट्रवादीचे तीन, तर शिवसेनेचे (Shiv Sena) दोन नगरसेवक निवडूण आलेत. यात दोन अपक्षांनी शिवसेनेत प्रवेश केल्यानं महाविकास आघाडीकडं दह दहा नगरसेवक होतात. हे सर्व एकत्र आल्यास महाविकास आघाडीची सत्ता बसू शकते. एटापल्ली नगरपंचायतीत भाजप तीन, काँग्रेस-राष्ट्रवादी तीन, काँग्रेस पाच आदिवासी विद्यार्थी संघटना दोन अपक्ष चार उमेदवार विजयी झाले होते. यात विजयी झालेल्या उमेदवारातून दोन अपक्ष उमेदवाराने काल रात्री शिवसेनेचे पक्षात प्रवेश केला.

किरण पांडव यांचे नेतृत्व

गडचिरोली जिल्ह्याचे जिल्हा समन्वयक असलेले शिवसेना पक्षाचे किरण पांडव यांच्या नेतृत्वात या दोन नगरसेवकांनी शिवसेनेत प्रवेश केला. त्यामुळं महाविकास आघाडीची सत्ता स्थापन होण्याचे चित्र खुले झाले आहे. एटापल्ली नगरपंचायतीत काँग्रेसचे पाच, राष्ट्रवादीचे तीन, शिवसेनेचे दोन, अशा दहा नगरसेवकांची तयारी नगरपंचायतीमध्ये सत्ता स्थापन करण्याची दिसत आहे. यात सत्ता स्थापन व्हावी यासाठी शिवसेनेचे किरण पांडे यांनी अनेक प्रयत्न करून विजयी अपक्ष उमेदवारांना एकत्र केले. नागेंद्र राजगोपाल सुटलावार व सुनील कुडमेते यांची वर्णी शिवसेना पक्षाकडून आता सत्तेत येणाऱ्या पदाधिकाऱ्यांमध्ये होणार असल्याची चर्चा सुरू आहे.

सिरोंच्यात आदिवासी विद्यार्थी सेनेचे वर्चस्व

दुसरीकडे महाविकास आघाडीला बाजूला ठेवत सिरोंचा नगरपंचायतीमध्ये आदिवासी विद्यार्थी संघटना सत्ता स्थापन करण्याचे चित्र पूर्णपणे खुले झालेले आहे. सिरोचा नगरपंचायतीत एकूण 17 नगरसेवक आहेत. यातून आदिवासी विद्यार्थी संघटनेच्या दहा नगरसेवकांनी एकतर्फी विजय मिळविला. या ठिकाणी आदिवासी विद्यार्थी संघटनेची सत्ता स्थापन होणार आहे. यासाठी आदिवासी विद्यार्थी संघटनेने दहा नगरसेवकांना घेऊन तेलंगणा राज्य गाठले. हे दहा नगरसेवक सत्तास्थापनेच्या दिवशीच सिरोंचा नगरपंचायतीमध्ये हजर होणार असल्याची प्राथमिक माहिती टीव्ही नाईनच्या हाती लागली. या ठिकाणी राष्ट्रवादी पक्षाला फक्त पाच नगरसेवक तर शिवसेना खात्यात दोन नगरसेवक आहेत. सात नगरसेवक मिळूनही सत्ता स्थापन करू शकत नाही, अशी परिस्थिती महाविकास आघाडीची किंवा राष्ट्रवादी व शिवसेनेची झालेली आहे. सिरोंचा एटापल्ली या दोन ठिकाणी दोन वेगवेगळ्या सत्तेचे शिलेदार असले तरी एटापल्ली नगरपंचायत किरण पांडव किंग मेकरच्या भूमिकेत आहेत. सिरोंचा नगरपंचायत आदिवासी विद्यार्थी संघटनेचे नेते माजी आमदार दीपक दादा आत्राम किंगमेकरच्या भूमिकेत आहेत.

एसटीचे स्टेअरिंग येणार महिला कर्मचाऱ्यांच्या हाती; काय आहे परिवहन महामंडळाचा प्लान?

Nagpur Mihan | मिहानमध्ये तारांकित हॉटेलची होणार उभारणी; रोजगार निर्मितीला कशी मिळेल चालना?

Nagpur NMC Election | नागपूर महापालिका निवडणुकीचा धुरळा; भाजपा उमेदवार निवडीसाठी करणार सर्व्हे

Non Stop LIVE Update
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.