विधान परिषदेचा प्रचार आज संपणार, पण भाजप अजूनही तळ्यात मळ्यात

मुंबई : विधान परिषदेच्या निवडणुकीचा प्रचार आज संपणार आहे. परंतु नाशिक पदवीधर मतदारसंघात (Nashik Graduate Constituency) भारतीय जनता पक्ष अजूनही तळ्यात-मळ्यात आहे. पक्षाने एकाही उमेदवाराला पाठिंबा दिला नाही. यामुळे भाजपचे कार्यकर्ते मतदान कोणाला करणार? उघड नाही तर गुप्त पाठिंबा कोणाला आहे? या चर्चा सध्या सुरु आहे.

नाशिकमधील उमेदवारासंदर्भात टीव्ही ९ ने भाजप अध्यक्ष चंद्रशेखर बाबनकुळे यांच्यांशी संपर्क साधला. यावेळी सत्यजीत तांबे (Satyajeet Tambe) यांना अप्रत्यक्षपणे भाजपचा पाठिंबा असल्याची राजकीय वर्तुळात चर्चा आहे, यावर त्यांना प्रश्न केला. त्यावर भाजपचे प्रदेशाध्यक्ष चंद्रशेखर बावनकुळे म्हणाले की, सत्यजीत तांबे यांनी आम्हाला पाठिंबा मागितलेला नाही. त्यामुळे त्यांना आम्ही पाठिंबा दिला नाही.

आमचे कोकण व मराठवाड्यात अधिकृत उमेदवार आहे. नागपूरच्या उमेदवाराला पाठिंबा दिला आहे. परंतु नाशिकमध्ये आमचा कोणताही अधिकृत उमेदवार नाही. त्यामुळे भाजपचे कार्यकर्ते त्यांना आवडणाऱ्या अपक्ष उमेदवाराला पाठिंबा देतील. स्थानिक पातळीवर कार्यकर्ते मतदान करतील, असे बाबनकुळे यांनी सांगितले. परंतु महाविकास आघाडीच्या कोणत्याही उमेदवाराला भाजपचे मत जाणार नाही.

नाशिकमध्ये कशी लढत

नाशिकमध्ये शुभांगी पाटील (Shubhangi Patil) यांना महाविकास आघाडीने पाठिंबा दिला आहे. नाशिकमध्ये १६ उमेदवार रिंगणात असले तरी खरी लढत सत्यजित तांबे व शुभांगी पाटील यांच्यांतच होणार आहे. महाविकास आघाडीतील शिवसेनेच्या ठाकरे गटासोबत आलेल्या वंचित बहुजन आघाडीने उमेदवार दिला आहे.

कोणते उमेदवार रिंगणात?

रतन कचरु बनसोडे, नाशिक वंचित बहुजन आघाडी सुरेश भिमराव पवार, नाशिक नॅशनल ब्लॅक पँथर पार्टी अनिल शांताराम तेजा, अपक्ष अन्सारी रईस अहमद अब्दुल कादीर,धुळे अपक्ष अविनाश महादू माळी, नंदूरबार अपक्ष इरफान मो इसहाक, मालेगाव जि.नाशिक अपक्ष ईश्वर उखा पाटील,धुळे अपक्ष बाळासाहेब रामनाथ घोरपडे, नाशिक, अपक्ष ॲड. जुबेर नासिर शेख,धुळे अपक्ष ॲड.सुभाष राजाराम जंगले,श्रीरामपुर, अपक्ष सत्यजित सुधीर तांबे, संगमनेर, अपक्ष नितीन नारायण सरोदे, नाशिक अपक्ष पोपट सिताराम बनकर, अहमदनगर, अपक्ष शुभांगी भास्कर पाटील,धुळे अपक्ष सुभाष निवृत्ती चिंधे, अहमदनगर, अपक्ष संजय एकनाथ माळी,जळगाव,