Nashik मध्ये धुलिवंदनाला गालबोट! धुळवड साजरी करणाऱ्या महिलेचा मृत्यू, कश्यपी धरणावरील घटना

Nashik मध्ये धुलिवंदनाला गालबोट! धुळवड साजरी करणाऱ्या महिलेचा मृत्यू, कश्यपी धरणावरील घटना
नाशकात धुळवडीला गालबोट, महिलेचा मृत्यू
Image Credit source: TV9 Marathi

दोन तासांनंतर स्थानिक पोलिस आणि अग्निशमन दलाच्या जवानांनी महिलेचा मृतदेह बाहेर काढला आहे.

चंदन पुजाधिकारी

| Edited By: सिद्धेश सावंत

Mar 18, 2022 | 6:25 PM

नाशिक : राज्यात सर्वत्र धूळवड उत्साहात (Holi celebration) साजरी करण्यात आली. मात्र धुळवड साजऱ्या करणाऱ्या एका महिलेचा नाशकात मृत्यू (Nashik Death) झाला आहे. त्यामुळे एकच खळबळ उडाली आहे. धुळवड धरणावर साजरी करायला जाणं, या महिलेच्या जीवावर बेतलं आहे. महिला धरात बुडाल्याचं कळल्यानंतर अग्निशमन दलाच्या जवानांनी घटनास्थळी धाव घेतली. त्यानंतर तब्बल दोन तास शोधकार्य सुरु होतं. अखेर दोन तासांच्या प्रयत्नांनंतर या महिलेचा मृतदेह धरणाच्या (Kashyapi Dam lady drown) पाण्यातून बाहेर काढण्यात आला आहे. नाशिकच्या कश्यपी धरणावर ही घटना घडली आहे. स्थानिक पोलीस आणि अग्निशमन दलाच्या जवानांनी महिलेचा मृतदेह बाहेर काढलाय. या घटनेमुळे धरणावर धुळवड साजरी करायला गेलेल्यांना मोठा धक्का बसलाय.

किती जण गेले होते?

दोन महिला आणि दोन पुरुष नाशकात धरणावर धुळवड साजरी करायला गेले होते. नाशकातील कश्यपी धरणावर धुळवड साजरी करताना एक महिला धरणाच्या पाण्यात बुडाली. यानंतर महिलेचा शोध सुरु झाला. अखेर याबाबत नंतर पोलिसांनी आणि अग्निशमन दलाला कळवण्यात आली.

पोलिस आणि अग्निशनम दलाच्या जवानांनी या महिलेचा शोध घेण्यासाठी मोहीम राबवली. त्यानंतर दोन तासांनी या महिलेचा मृतदेह बाहेर काढण्यात आला आहे. या घटनेनं धुळवडीसाठी धरणावर जमललेल्यांच्या पायाखालची जमीनच सरकली आहे. धरणावर धुळवड साजरी करायला जाणं, या महिलेच्या जीवावर बेतलं आहे.

दरम्यान, ही महिला नेमकी कोण आहे? हे कळू शकलेलं नाही. पोलिस आता या प्रकरणी अधित तपास करत आहेत. मात्र एकूणच या घटनेनं सगळे हादरुन गेले आहेत.

संबंधित बातम्या :

परभणीत रंगपंचमीच्या दिवशीच विष प्राशन करून युवकाची आत्महत्या

कल्याणमध्ये जागेच्या वादातून बिल्डरच्या कार्यालयात तोडफोड, घटना सीसीटीव्हीत कैद

नकली नोटा प्रकरणात एमआयएमच्या माजी जिल्हाध्यक्षाला अटक, आतापर्यंत सात आरोपींना अटक

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें