Girish Mahajan: मुख्यमंत्री होणार का? गिरीश महाजन यांनी एका वाक्यात सर्वच सांगून टाकलं

पवन येवले, प्रतिनिधी, टीव्ही ९ मराठी : राज्यात अचानक मुख्यमंत्री पदाच्या चर्चांना वेग आला आहे. देवेंद्र फडणवीस हे दिल्लीला जाणार असल्याचा दावा उद्धव ठाकरे गोटातून करण्यात येत आहे. फडणवीस यांचे निकटवर्तीय आणि महसूलमंत्री चंद्रशेखर बावनकुळे हे पुढचे मुख्यमंत्री असतील असा दावा काल खासदार संजय राऊत यांनी केला होता. गिरीश महाजन मुख्यमंत्री होणार नसल्याचेही मत त्यांनी व्यक्त केले होते. तर राष्ट्रवादी शरद पवार पक्षाचे नेते एकनाथ खडसे यांनी गिरीश महाजन हे मुख्यमंत्री पदाच्या(Girish Mahajan on Eknath Khadse) शर्यतीत असल्याचा दावा करून खळबळ उडवून दिली होती. आता या सर्व चर्चांवर दस्तूरखुद्द गिरीश महाजन यांनीच मोठा खुलासा केला आहे.

गिरीश महाजन मुख्यमंत्री पदाच्या शर्यतीत?

या सर्व दाव्यांवर गिरीश महाजन यांनी सकाळीच माध्यमांना खास प्रतिक्रिया दिली. मी कधीच मुख्यमंत्रीपदाच्या शर्यतीत नव्हतो आणि नाही, असे म्हणत त्यांनी विषयावर एका वाक्यात पडदा टाकला. तर त्यांना अमित शाह यांनी फोन केला होता हे त्यांनाच माहीत. मला माहीत नाही. त्यांची थेट हॉट लाईन असेल. ते मागे तसं म्हणालेही होते, असा चिमटा त्यांनी एकनाथ खडसे यांना काढला.

तर बच्चू कडू यांच्यावरही त्यांनी तिरकस बाण सोडला. बच्चू कडू मोठे नेते आहेत आमच्या महायुतीचे आहेत ते रोज काही ना काही बोलत असतात. त्यांना झाले असेल काही. हे असे काही लोक आहेत की त्यांच्याबद्दल न बोललेलं बरं, अशी प्रतिक्रिया महाजन यांनी दिली.

राऊतांच्या जि‍भेला हाड नाही

जय राऊत यांना फार उत्तर देण्याची गरज नाही. त्यांच्या जिभेला हाड नाही मनुफॅक्चरिंग फॉल्ट आहे, असा टोला महाजन यांनी लगावला. कोणते गुजरातचे कॉन्ट्रॅक्टर दिसत आहे तुम्ही तर शोधून द्या काहीतरी बोलतात स्वतः काही बोंब पडत नाही आपल्या मागे आता कोणी राहिले नाही आपण काय केले एखादा काम त्यांचं सांगण्यासारखे आहे का काहीच नाही. कुणालाही काही बोलतात पंतप्रधानांपासून सरन्यायाधीशांपासून इलेक्शन कमिशन फडणवीस आणि शिंदे यांना वाटेल ते बोलत असतात हा एकच गुणधर्म त्यांचा आहे. यापुढे हम दो हमारे दो असे उद्धव ठाकरे आणि आदित्य ठाकरे त्यांच्या पक्षात असतील, असा टोला महाजन यांनी हाणला. तर विनायक राऊत यांची सून गिरजा राऊत यांनी केलेल्या आरोपांची पारदर्शक चौकशी होईल असे महाजन यांनी स्पष्ट केले.

नाशिक नगरसेवक फुटीवर काय प्रतिक्रिया?

नाशिकमधील ठाकरे सेनेचे नगरसेवक फुटण्याच्या चर्चांवर त्यांनी प्रतिक्रिया दिली. मला याची कल्पना नाही. संजय राऊत काय सगळेच विचारले आहेत त्यांच्याकडे कोण राहिला आहे .महापालिका नाही 17 पैकी एक आमदार त्यांचा निवडून आला नाही नगरपालिका त्यांची नाही त्यांचं काय आहे भविष्यात काही दिसत नाही. दोन चार पाच टक्के भविष्य दिसत नाही. पक्ष बुडवला हे काफी आहे, असे महाजन म्हणाले.

कितीही वाद असले तरी खडसे खरं सांगतील

26/11 मुंबईवरील हल्ला झाला त्यावेळी मी रस्त्यावरच होतो .इतके लोक मारले माझं रक्त सळसळत होतं. ही वास्तुस्थिती आहे. एकनाथ खडसेन माझं किती वाद असले तरी ते खरं सांगतील, अशी प्रतिक्रिया टीकाकारांना महाजन यांनी दिली.