Girish Mahajan : भाजपचे संकटमोचक गिरीश महाजन कोरोना पॉझिटिव्ह, राजकीय नेते कोविडच्या विळख्यात
राज्यातील सत्ताधारी पक्षाचे मंत्री आणि आमदारांपाठोपाठ विरोधी भाजपच्या नेत्यांना देखील कोरोनानं गाठलं आहे. भाजपचे संकटमोचक जामनेरचे आमदार माजी मंत्री गिरीश महाजन (Girish Mahajan) यांना कोरोना संसर्ग झाल्याचं समोर आलं आहे.
जळगाव: राज्यातील बड्या नेत्यांना कोरोना संसर्ग (Corona) होण्याची मालिका सुरुच आहे. राज्यातील सत्ताधारी पक्षाचे मंत्री आणि आमदारांपाठोपाठ विरोधी भाजपच्या नेत्यांना देखील कोरोनानं गाठलं आहे. भाजपचे संकटमोचक जामनेरचे आमदार माजी मंत्री गिरीश महाजन (Girish Mahajan) यांना कोरोना संसर्ग झाल्याचं समोर आलं आहे. केंद्रीय रेल्वे राज्यमंत्री रावसाहेब दानवे (Raosaheb Danve) यांना देखील कोरोना संसर्ग झाला आहे. दानवे यांनी ट्विट करुन ही माहिती दिली होती.
गिरीश महाजन घरीचं क्वारंटाईन
गिरीश महाजन यांनी कोरोना चाचणी पॉझिटिव्ह आल्यानंतर स्वत: ला घरीचं क्वारंटाईन करुन घेतलं आहे. ते घरीच उपचार करत आहेत. गेल्या काही दिवसांमध्ये संपर्का त आलेल्यांनी कोरोना चाचणी करुन घ्यावी, असं आवाहन त्यांनी केलं आहे. कालचं गिरीश महाजन यांनी राज्यातील विविध प्रश्न, नागपूरमध्ये अतिरेक्यांनी केलेली रेकी आणि पंजाबमध्ये नरेंद्र मोदी यांच्यासोबत घडलेल्या प्रकारावरुन काँग्रेस आणि महाविकास आघाडी सरकारवर टीका केली होती. यावेळी खासदार रक्षा खडसे देखील उपस्थित होत्या.
रावसाहेब दावने यांना कोरोना
केंद्रीय रेल्वे राज्यमंत्री रावसाहेब दानवे यांचा कोरोना अहवाल पॉझिटिव्ह आला आहे. लक्षण जाणवत असल्याने आपण टेस्ट केली असता ती टेस्ट पॉझिटिव्ह आल्याची माहिती दानवे यांनी ट्विट तसेच फेसबुक पोस्ट केलीय. डॉक्टरांच्या सल्ल्याने आपण उपचार घेत असून संपर्कातील सर्वांनी कोरोना टेस्ट करण्याचे आवाहन त्यांनी केलंय.
कोरोनाची लक्षणे जाणवू लागल्याने,माझी कोरोना टेस्ट केली असता टेस्ट पॉझिटिव्ह आली आहे. पुढील काही दिवस डॉक्टरांच्या सल्ल्याने मी आयसोलेशन मध्ये आहे,याची सर्व कार्यकर्त्यांनी नोंद घ्यावी,त्याच प्रमाणे माझ्या संपर्कात असलेल्यांनी स्वतःची तात्काळ टेस्ट करावी व काळजी घ्यावी. धन्यवाद.
— Raosaheb Patil Danve (@raosahebdanve) January 7, 2022
केंद्रीय आरोग्य राज्यमंत्री भारती पवार देखील कोरोना बाधित
केंद्रीय आरोग्य राज्यमंत्री भारती पवार यांना दोन दिवसांपूर्वी कोरोनाची लागण झाल्याचं समोर आलं आहे. कोरनासृश्य लक्षणे आढळल्यानंतर त्यांनी स्वत:ची चाचणी करुन घेतली. त्यानंतर त्यांचा चाचणी अहवाल पॉझिटिव्ह आला आहे. सध्या त्या विलगीकरणात डॉक्टरांच्या सल्ल्यानुसार उपचार करण्यात घेत आहेत.
विरोधी पक्षनेते प्रविण दरेकर कोरोना बाधित
विधानपरिषदेचे विरोधी पक्षनेते प्रविण दरेकर यांना कोरोना संसर्ग झाल्याचं 5 जानेवारीला समोर आलं होत. तर, भाजप आमदार अतुल भातखळकर यांना देखील कोरोना संसर्ग झाला आहे.
देशात 1 लाख 41 हजार986 कोरोना रुग्णांची नोंद
महाराष्ट्रासह देशभरात दिवसेंदिवस कोरोना रुग्णांची (Corona Patients) संख्या झपाट्याने वाढतेय. देशातील कालचा आकडा तर चिंता अधिक वाढवणारा आहे. शुक्रवारी दिवसभरात 1 लाख 41 हजार 986 नवे कोरोना रुग्ण आढळून आले आहेत. तर दिवसभरात 285 कोरोना रुग्णांचा मृत्यू झाला आहे. भारतातील कोरोनामृळं मृत्यू झालेल्या व्यक्तींची संख्या 4 लाख 83 हजार 463 वर पोहोचली आहे. तर, देशभरातील बाधितांची संख्या 3 कोटी 53 लाख 68 हजार 372 वर पोहोचली आहे.
इतर बातम्या:
mAadhaar App सेवांसाठी नोंदणीकृत मोबाईलचा करा वापर, अनोंदणीकृत मोबाईल धारकांना नाही मिळणार सुविधा
Girish Mahajan tested corona positive gave information via social media post appeal those who came in contact to test
