Karnataka Bus Siezed : सांगलीच्या न्यायालयाचा कर्नाटकला दणका, नुकसान भरपाई न दिल्याने बस जप्त
2015 मध्ये भानुदास बाबुराव भोसले किल्ला भाग मिरज येथून दुचाकीवरून मागे बसून चालले होते. त्यांचा पुतण्या दुचाकी चालवत होता. पुलावरून जात असताना कर्नाटक बसने त्यांच्या दुचाकीला जोरदार धडक दिली. यात भानुदास भोसले यांचा जागीच मृत्यू झाला तर त्यांचा पुतण्या गंभीर जखमी झाला होता.
सांगली : पाठीमागून येणाऱ्या कर्नाटक राज्य परिवहनच्या बसने दुचाकीला धडक दिल्याने दुचाकीस्वाराचा जागीच मृत्यू झाला होता. या अपघात प्रकरणी पीडिताच्या कुटुंबीयांना नुकसान भरपाई (Compensation) न दिल्याने सांगलीतील न्यायालयाने कर्नाटकची बस जप्त (Bus Siezed) केली आहे. भानुदास भोसले असे अपघातात ठार झालेल्या व्यक्तीचे नाव आहे. तर भोसले यांचा पुतण्या या अपघातात गंभीर जखमी झाला होता. अपघातामध्ये मृत झालेल्या व्यक्तीच्या वारसांना 9 लाखांची नुकसान भरपाई देण्याचा आदेश न्यायालयाने बजावूनसुद्धा भरपाई न दिल्याबद्दल सांगलीतील न्यायालयाने कर्नाटक राज्यातील बस जप्त केली. (Karnataka bus confiscated from Sangli court for non-payment of compensation in accident case)
2015 मध्ये घडली होती घटना
2015 मध्ये भानुदास बाबुराव भोसले किल्ला भाग मिरज येथून दुचाकीवरून मागे बसून चालले होते. त्यांचा पुतण्या दुचाकी चालवत होता. पुलावरून जात असताना कर्नाटक बसने त्यांच्या दुचाकीला जोरदार धडक दिली. यात भानुदास भोसले यांचा जागीच मृत्यू झाला तर त्यांचा पुतण्या गंभीर जखमी झाला होता. याप्रकरणी भानुदास भोसले यांच्या पत्नी विजया भोसले यांनी सांगली येथील न्यायालयामध्ये अॅड. आर. एम. भाले यांच्यामार्फत नुकसान भरपाईसाठी दावा दाखल केला होता. यावर सुनावणी होऊन भरपाईपोटी 8 लाख 33 हजार 563 रुपये कर्नाटक एसटी महामंडळाने विजया भोसले यांना देण्याचे आदेश 2016 मध्ये दिले होते.
आदेशानंतरही भरपाईची रक्कम न दिल्याने बस जप्त
गेल्या सहा वर्षात या आदेशाची अंमलबजावणी झाली नव्हती. त्यामुळे भोसले यांनी पुन्हा न्यायालयात दाद मागितली. तेव्हा आदेशानंतरही भरपाईची रक्कम न दिल्याने अपघातातील बस किंवा कर्नाटक एसटी महामंडळाच्या मालकीची कोणतीही बस जप्त करण्याचे आदेश न्यायालयाने दिले होते. तसेच बसच्या चाव्या भोसले यांच्याकडे सुपूर्द केल्या आहेत. (Karnataka bus confiscated from Sangli court for non-payment of compensation in accident case)
इतर बातम्या
Nawab Malik ED : दिलासा नाहीच! नवाब मलिक यांच्या न्यायालयीन कोठडीत 22 एप्रिलपर्यंत वाढ
