‘ठाण्याचे मसीहा’ पूर्णेकर कुटुंबीयांच्या भेटीला का आले नाहीत? अंबादास दानवेंचा शिंदेंवर नाव न घेता निशाणा, म्हणाले- मनात पाप…

प्रदीप पुर्णेकरांच्या कुटुंबियांची उद्धव ठाकरेंच्या शिवसेनेचे नेते अंबादास दानवेंनी भेट घेतली आहे. अंबादास दानवेंसोबत माजी खासदार राजन विचारेही उपस्थितीत होते. यानंतर अंबादास दानवेंनी पत्रकार परिषद घेतली आहे. यात त्यांनी राज्य सरकारवर टीका केली आहे. आमच्या उपशहर प्रमुख्याचा कार्यालयाचीही रेकी करण्यात आली. तपासअधिकारी कुणाच्या दबावाखाली काम करत आहेत? आम्ही पुर्णेकर कुटुंबासह लवकरच मुख्यमंत्री देवेंद्र फडणवीसांची भेट घेणार आहोत, असं यावेळी अंबादास दानवेंनी सांगितलं आहे.

अंबादास दानवे म्हणाले की, या प्रकरणातील आरोपींचे सीडीआर पुर्णपणे काढण्याची आवश्यकता आहे. ज्या लोकांनी कृत्य केलेलं आहे, त्यांचे सीडीआर काढा. महापालिकेनं एका आरोपीचं घर पाडलं होतं. त्यांच्या नातेवाईकांची आणखी मस्ती वाढलेली आहे. लोकशाहीचा हा महाराष्ट्र असणार आहे. जनता रस्त्यावर उतरेल आणि मस्ती जिरवेल. पोलिसांची वागणूक संशयास्पद पाहायला मिळत आहे. एकनाथ शिंदे स्वत:ला मसीहा समजणारे कुठे गेले? एवढ्या मोठ्या कार्यकर्त्यांचा मुडदा पाडला तेव्हा इकडे का नाही आले? असा सवाल त्यांनी उपस्थित केला आहे.

ते म्हणाले की, मनात पाप आहे म्हणून हिंमत होत नाही आहे. आमच्याकडे सुद्धा पुरावे आणि सीसीटीव्ही आहेत. तपास यंत्रणेंनी तपास व्यवस्थित न केल्यास ते पुरावे आम्ही न्यायलयात सादर करू. आम्ही उच्च न्यायालयात पुरावे सादर करणार आहोत. जनतेची सेवा करणाऱ्या कार्यकर्त्याला न्याय देण्याचं काम आहे. आम्ही न्यायालयात हे पुरावे घेऊन जाणार आहोत. प्रदीप पूर्णेकरांसह जनतेसाठी रात्र दिवस झटत होते. टाळूवरचं लोणी खाणाऱ्या लोकांना ते नको होते. आरोपींना फासावर चढवलं पाहिजे. चांगला अधिकारी तपास 24 तासात तपास होईल. यासाठी निष्पक्ष आधिकारी नेमायला पाहिजे आहेत. मुख्यमंत्र्यांनी न्याय द्यायला हवा आहे.

अंबादास दानवेंनी सांगितले की, सरकारने SIT स्थापन केली तरी या लोकांची मस्ती गेली नाही. प्रदीप पुर्णेकर यांच्यासोबत असणारे पदाधिकारी संतोष शिर्के यांच्या कार्यालयात जाऊन रेखी केल्याच्या व्हिडिओ आहे. कुणाच्या पाठिंब्याने मस्ती केली जाते. आम्ही मुख्यमंत्र्यांची भेट घेणार आहोत. गृहखाते त्यांच्याकडे आहे. त्यांच्या खात्यात काय चालू आहे त्यांना माहिती आहे का? आमचे संपर्क झाले आहे लवकरच भेटू. तपास यंत्रणांना आमचे पदाधिकारी भेटले. अनेक CCTV आहेत.

ते पुढे म्हणाले की, ज्यांचे नाव FIR मध्ये घेतले आहे त्यांचे CDR तपासावे. संभाजीनगर येथे एकाचे घर पाडून टाकले होते. इथे पण JCB आणावा. पोलिसांची वागणूक संशयास्पद आहे. व्हिडिओ करणारे कुठे गेले आनंद दिघेंचे पाईक कुठे गेले? एवढ्या मोठ्या कार्यकर्त्यांचा गोळ्या झाडून हत्या केली आता कुठे गेले हे? न्याय देण्याचा पर्यंत आम्ही करू. त्यांच्या सोबत अजून कुणाचा हाताचा प्रयत्न होत का हेही बघू. तपास योग्य व्हावा. फास्ट ट्रॅकवर केस चालवावी. आरोपींना फाशी द्यावी. चांगल्या अधिकाऱ्यांनी तपास केला तर २४ तास लागणार नाही. निष्पक्ष अधिकारी नेमावा मुख्यमंत्र्यांवर आमचा विश्वास आहे. त्यांनी जर न्याय दिला नाही तर आमच्याकडे वेगळे दरवाजे आहेत, असा थेट इशाराच अंबादास दानवेंनी दिला आहे.