Girish Bapat : भाजप नेते गिरीश बापट यांची प्रकृती खालावली, डॉक्टरांनी दिले महत्वाचे अपडेट
भारतीय जनता पक्षाचे जुन्या जाणत्या नेत्यांपैकी एक असलेल्या गिरीश बापट यांची प्रकृती गंभीर आहे. त्यांना पुण्यातील रुग्णालयात दाखल करण्यात आले आहे. गेल्या अनेक दिवसांपासून त्यांची प्रकृती खालावली आहे. प्रकृती खालवलेली असताना त्यांनी कसबा पेठ पोटनिवडणुकीत प्रचार केला होता.
योगेश बोरसे, पुणे : राज्यातील भाजपच्या जुन्या जाणत्या नेत्यांपैकी एक असलेले गिरीश बापट यांची प्रकृती गंभीर आहे. त्यांच्यांवर पुणे येथील रुग्णालयात उपचार सुरू आहे. गेल्या अनेक दिवसांपासून गिरीश बापट आजारी आहेत. आपल्या तब्बल चार दशकांच्या राजकीय कारकीर्दीत गिरीश बापट यांनी संघ स्वयंसेवक, कामगार नेता, नगरसेवक, आमदार आणि खासदार अशा विविध जबाबदाऱ्या पार पाडल्या. आजही पुण्यातील स्थानिक राजकारणात गिरीश बापट यांचा दबदबा आहे. यामुळेच नुकत्याच झालेल्या पुणे कसबा पेठ पोटनिवडणुकीत त्यांना व्हिलचेअरवर बसवून प्रचाराच्या मैदानात उतरले होते.
दिनानाथ मंगेशकर रुग्णालयात दाखल
गिरीश बापट यांची प्रकृती गेल्या काही दिवसांपासून खालावली होती. परंतु त्यांच्यांवर घरीच उपचार सुरु होते. बुधवारी त्यांची प्रकृती अधिकच खालावली. त्यानंतर त्यांना रुग्णालयात दाखल करण्यात आले. त्यांच्यांवर डॉक्टरांनी उपचार सुरु केले आहेत. पुणे येथील दिनानाथ मंगेशकर रुग्णालयात दाखल करण्यात आले. दिनानाथ रुग्णालयाकडून खासदार गिरीश बापट यांच्या प्रकृतीसंदर्भात बुलेटीन काढले. त्यात म्हटले आहे की, खासदार बापट यांना व्हेंटिलेटरवर ठेवण्यात आले आहे. डॉक्टर त्यांच्या प्रकृतीवर बारीक लक्ष ठेऊन आहेत. यासंदर्भात अधिक माहिती दुपारी २ वाजेनंतर देण्यात येणार आहे, असे रुग्णालयाकडून सांगण्यात आले.
स्वयंसेवक ते भाजप नेते
गिरीश बापट हे मूळचे राष्ट्रीय स्वयंसेवक संघाचे स्वयंसेवक आहेत. जनसंघापासून ते राजकारणात उतरले. नगरसेवक पदापासून सुरुवात केलेले गिरीश बापट 1995 पासून सलग पाच वेळा आमदार म्हणून निवडून आले आहेत. 2019 च्या लोकसभा निवडणुकीत काँग्रसेच्या मोहन जोशी यांना पराभव करत त्यांनी लोकसभा गाठली होती.
कोण आहेत गिरीश बापट?
गिरीश बापट यांचा जन्म 3 सप्टेंबर 1950 रोजी पुण्यात झाला. तळेगाव दाभाडेमधून प्राथमिक शिक्षण झाल्यावर त्यांचे माध्यमिक शिक्षण न्यू इंग्लिश स्कूल रमणबागेत झाले. बीएमसीसीत वाणिज्य शाखेची पदवी घेतल्यावर बापट 1973 मध्ये टेल्कोमध्ये कामगार म्हणून रुजू झाले. त्यानंतर दोन वर्षांतच आणीबाणीमध्ये 19 महिन्यांचा कारावास नाशिक जेलमध्ये त्यांनी भोगला. पुण्याच्या राजकारणात ‘भाऊ’ म्हणून ओळखल्या जाणाऱ्या गिरीश बापट यां
गिरीश बापट यांचा राजकीय प्रवास
आणीबाणीच्या काळात तुरुंगात शिक्षा भोगून आल्यानंतर गिरीश बापट यांच्या राजकीय कारकीर्दीला खऱ्या अर्थाने प्रारंभ झाला. राष्ट्रीय स्वयंसेवक संघ, जनसंघ आणि परिवारातील संस्थांतील विविध पदांची जबाबदारी त्यांनी यशस्वीपणे पेलली. १९८३ मध्ये पहिल्याच प्रयत्नात ते पुणे महानगरपालिकेत नगरसेवक झाले. सलग तीन टर्म त्यांनी नगरसेवकपद राखले. याचा काळात आपल्या सर्वपक्षीय जनसंपर्काच्या जोरावर गिरीश बापट महापालिकेत पक्षाची सत्ता नसतानाही स्थायी समितीचे अध्यक्ष झाले होते.
1995 मध्ये आमदारकीची निवडणूक लढविली अन्‌ पुढे सलग 2014 पर्यंत ते पाच वेळा निवडून आले. 1996 साली त्यांना भाजपाने पुण्यातून लोकसभेची उमेदवारी जाहीर केली होती. पण बापट यांचा पराभव झाला आणि काँग्रेसचे सुरेश कलमाडी खासदार झाले. 2014 मध्ये गिरीश बापट यांना लोकसभा निवडणूक लढवायची होती. मात्र, पक्षाने अनिल शिरोळे यांना उमेदवारी दिल्यामुळे त्यांची संधी हुकली. परंतु, 2019 मध्ये योग्यपणे मोर्चेबांधणी करत त्यांनी खासदारकीचे तिकीट मिळवले. त्यानंतर निवडणुकीत त्यांनी काँग्रेसच्या मोहन जोशी यांचा तब्बल 96 हजार मतांनी पराभव केला.
दांडगा जनसंपर्क आणि सर्वपक्षीय कनेक्शन
गिरीश बापट हे पुण्याच्या राजकारणात ‘सर्वसमावेशक’ राजकारणासाठी ओळखले जातात. विरोधी पक्षाची सत्ता असली तरी आपले काम साधून घेण्याचे कसब गिरीश बापट यांना उत्तम अवगत आहे. दांडगा लोकसंपर्क हे गिरीश बापट यांची जमेची बाजू मानली जाते. सगळयांशी मिसळून राहण्याच्या वृत्तीमुळे गिरीश बापट यांचा राजकीय प्रवास नेहमीच सुकर झाला.
नी तरुणपणी टेल्को कंपनीत काम केले. यावेळी त्यांनी कामगारांच्या मागण्यांसाठी अनेकदा लढा दिला होता.
