AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

एमपीएससी पास दर्शना पवार हिची हत्या, त्यानंतर तिला दोष देणे चुकीचे, कारण आपल्या घरातही

कामाच्या व्यापात घरातील मुलींशी आई-वडिलांचा संवाद हरवला आहे. तुम्ही कसे तुमच्या मुलीचे मित्र असावेत, तिने कशी प्रत्येक बाब तुम्हाला सांगावी. हे अतिशय महत्त्वाचे आहे, तुमचा मुलीसोबतचा संवाद हरवला तर तिच्या सोबत वाईट होणार नाही, वाईट प्रवृत्ती तिच्या जवळ येणार नाहीत हे कशावरुन, पाहा नेमकं तुमचं काय चुकतंय...

एमपीएससी पास दर्शना पवार हिची हत्या, त्यानंतर तिला दोष देणे चुकीचे, कारण आपल्या घरातही
Darshana pawar and rahul handore
Jaywant Patil
Jaywant Patil | Updated on: Jun 24, 2023 | 9:40 PM
Share

पुणे : एमपीएससी परीक्षा पास झालेल्या दर्शना पवार हिची तिच्या मित्राने हत्या केली, असं म्हणतात, जगाच्या तोंडाला झाकण नसतं, दर्शना पवार हिच्यासोबत, तिच्या मृत्युनंतरही तेच होत आहे. दर्शना पवार हिला दोष देण्यात काहीही तथ्य नाही. कारण कुणाचीही हत्या करणारा हा सर्वात मोठा दोषी असतो, ज्याची हत्या झाल तो नाही. दर्शना गेली पण तुमच्या घरातही दर्शनाची उदाहरणं दिली जात असतील, पाहा कसं झालं तिचं?, किती हुशार मुलगी होती?, पण कसं नुकसान करुन बसली?

प्रत्येक घरात दर्शनासारखी हुशार मुलगी जन्माला यावी, असं सर्वांना वाटेल. कदाचित आपल्या घरातही एक दर्शना आहे. पण त्या दर्शनासोबत कुटूंबातील कुणाचा संवाद आहे का हे महत्त्वाचं आहे.दर्शनासोबत जर घरातील कुणाचाच संवाद नसेल, तर दर्शनासोबत वाईट घडणार नाही हे कशावरुन.नेमकं काय म्हणायचं आहे, हे तुम्हाला अजूनही समजत नसेल, तर एका साध्या सोप्या भाषेत समजून घेऊ या.

दर्शनासारखी मुलगी प्रत्येकाच्या घरात असते. दर्शनासोबत जे वाईट घडलं, जवळच्या मित्राला लग्नासाठी नकार दिला, म्हणून तिची त्याने हत्या केली. हे ऐकून प्रत्येक ज्या घरात मुलगी आहे, त्यांना धक्का बसला. हे स्वाभाविक आहे. पण आपण आपल्या घरातील दर्शनाची काय काळजी घेण्यास कमी पडत आहोत, याचा विचार करण्याची ही वेळ आहे. आपल्या घरातील मुलीला आपण नेहमीच गृहीत धरत आलो आहोत.

गृहीत धरत असताना आपण हाच विचार करतो. ती माझी मुलगी आहे, ती असं काही करणार नाही.तिला सर्व काही समजतं. पण जगाची ओळख,जगातील तुमचे अनुभव तिला देणे गरजेचे असते. तुमची ही कन्या मोठी होत असते, तसं तुमचं गृहीत धरणं आणखी पक्कं होत असतं.हे सर्व गृहीत धरताना तुमचा तुमच्या मुलीसोबतचा संवाद आणखी कमी होतो, संपल्यासारखा असतो. पण तरीही तुम्हाला वाटतं नाही, ती जे काही करणार आहे, ते योग्यच नसेल. पण तुमच्या मार्गदर्शनाशिवाय हे शक्यच नाही.

हे गृहीत धरणंच कधी कधी आपल्याला आणि तिला महागात पडतं. तुमची मुलगी जेवढी मोठी होत आहे, तेवढाच तुमचा तिच्याशी संवाद वाढला पाहिजे. एवढा की तुम्ही तिच्यासोबत प्रत्येक विषयावर मित्रासारखं बोललं पाहिजे. तिच्या मनातील प्रत्येक चलबिचल, तिने तुम्हाला सांगितली पाहिजे. अगदी मनापासून. जेव्हा बापाची आणि आईची प्रेमाची भिंत तिच्या आजूबाजूला असेल, तेव्हा या भक्कम प्रेमाच्या बुरुजात कधीच बाहेरचा माणूस येऊ शकत नाही. याचा गैरफायदा कुणीच घेऊ शकत नाही. तसेच तिला या बाहेरच्या व्यक्तीची गरजही वाटणार नाही.

तिला काही आर्थिक अडचणी असतील, भविष्यातील स्वप्न तिची काय आहेत, ती स्वप्न पूर्ण करण्यासाठी तुम्ही किती मदतीचे ठरणार आहात. तिचे मित्र आणि मैत्रीण तिच्याशी कसं बोलतात, वागतात. तिचे त्यांच्याविषयी काय मतं आहेत.ती चुकीची आहेत की बरोबर यावर तुमचे सल्ले तिला नेहमीच मिळत राहतील. पण तुमची रोजची कामं या संवादात आडवी येत असतील, तर ही मुलगी विचाराने आणि मनाने तुमच्याशी दुरावते आणि नको तो निर्णय घेऊन बसते.

एवढंच सांगता येईल, तुमच्या घरातील तुमच्या मुलीशी संवाद कमी होवू देऊ नका, तर तो सतत वाढवा, तिला लगेच कोणत्याही गोष्टीवर अडवू नका, ती काय विचार करतेय, हे आधी समजून घ्या. यानंतर तिला यावर योग्य तो सल्ला द्या, पण संवाद हरवू देऊ नका. या संवादात थोडाही दुरावा आला, तर त्यातून वाईट होण्याचाच धोका जास्त आहे.

Follow Us
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा