Ashok Kharat: अशोक खरातचे धागेदोरे मंत्रालयापर्यंत? आरटीआय कार्यकर्ते विजय कुंभार यांनी कुंडलीच काढली, सर्वात मोठी मागणी काय?

Vijay Kumbhar on Ashok Kharat: नाशिक येथील ज्योतिषी अशोक खरात याने लैंगिक शोषण केल्याची तक्रार एका महिलेने दिल्यानंतर एका मागून एक धक्कादायक प्रकरणं समोर येत आहेत. आता तर 100 हून अधिक लैंगिक शोषणाचे व्हिडिओ समोर आले आहेत. राज्य महिला आयोगाच्या अध्यक्ष रुपाली चाकणकर यांचे खरात सोबतचे फोटो आणि त्याची पाद्यपूजा करतानाचा व्हिडिओ समोर आला. तेव्हापासून त्या टीकेच्या धनी झाल्या आहेत. आरटीआय कार्यकर्ते विजय कुंभार यांनी तर अशोक खरातचे धागेदोरे थेट मंत्रालयापर्यंत असल्याचा खळबळजनक आरोप केला आहे. त्यांनी ज्योतिषी खरातची कुंडलीच बाहेर काढली आहे.

रुपाली चाकणकर यांचा राजीनामा घ्या

रूपाली चाकणकर आणि भोंदू बाबा अशोक खरात यांचे जवळून संबंध आहेत. रूपाली चाकणकर यांना महिला आयोगाच्या अध्यक्ष पदावरून हाकलून द्यावं अशी मागणी माहिती अधिकार कार्यकर्ते विजय कुंभार यांनी केली आहे. त्यांनी भोंदू बाबांच्या ट्रस्टच्या ठिकाणी मोठ्या प्रमाणावर पाणी दिलेलं आहे. तर 39 लाख लिटर पाणी देण्याचा प्रस्ताव आहे. त्याचे महाराष्ट्रासह आणि केंद्रीय गृहमंत्र्यासोबतचे फोटो आहेत.

पोलीसही खरातची मदत घ्यायचे

राजकीय पक्षासोबत अधिकारी बदलीसाठी जायचे, याची किती मोठी ताकद असेल. आरोपींना पकडण्यासाठी पोलीस ही बाबाची मदत घेत होते, असा खळबळजनक दावा कुंभार यांनी केला आहे. बाबाची संपत्ती खूप मोठी आहे. आई, बायको मुलं यांच्या नावावर संपत्ती आहे. दीड किलोमीटरचा रस्ता त्याला बांधून कुणी दिला, असा सवाल त्यांनी केला.

चाकणकर यांची दमदाटी

या खरातच्या विरोधात ज्यांनी तक्रारी दिल्या. ज्यांनी बातम्या छापल्या त्यांना रुपाली चाकणकर यांनी दमदाटी केली. नोटीस आरोपी पर्यंत पोहचल्या याचा अर्थ रुपाली चाकणकर यांचा त्यांच्यासोबत जवळून संबंध आहे. महिला आयोगाच्या अध्यक्ष रुपाली चाकणकर यांनी स्वत:हून राजीनामा दिला पाहिजे. मुख्यमंत्री देवेंद्र फडणवीस यांनी रुपाली चाकणकर यांना पदावरून हाकलून द्यावं.अजून ही त्या पदावर आहेत हे धोकादायक आहे, असे कुंभार म्हणाले. राजकीय व्यक्ती आणि केंद्रीय मंत्र्यांसोबत फोटो असल्याने त्याच्यावर कारवाई करण्याची हिंमत होणार नाही, अशी परिस्थिती होती याकडे त्यांनी लक्ष वेधले.