भावा-बहिणीतलं राजकीय वैर संपलं? पंकजा मुंडे यांच्याकडून अधिकृत प्रतिक्रिया, म्हणाल्या….

भाजप नेत्या पंकजा मुंडे आणि राष्ट्रवादीचे नेते धनंजय मुंडे हे बीडमधील एका साखर कारखान्याच्या निवडणुकीत एकत्र येणार आहेत. या वृत्ताला पंकजा मुंडे यांनीदेखील दुजोरा दिला आहे.

भावा-बहिणीतलं राजकीय वैर संपलं? पंकजा मुंडे यांच्याकडून अधिकृत प्रतिक्रिया, म्हणाल्या....
Image Credit source: tv9
Follow us
| Updated on: May 18, 2023 | 6:17 PM

पुणे : बीड जिल्ह्याच्या राजकारणातली मोठी बातमी समोर आली आहे. विधानसभेतले परस्पर विरोधक साखर कारखाना निवडणूक एकत्र लढणार आहेत. भाजप नेत्या पंकजा मुंडे यांनी ‘टीव्ही 9 मराठी’ला याबाबत प्रतिक्रिया दिली आहे. बीड जिल्ह्यातील साखर कारखाना निवडणुकीत पंकजा मुंडे आणि राष्ट्रवादी काँग्रेसचे आमदार धनंजय मुंडे एकत्र आले आहेत. आम्ही एकत्रित पॅनल करण्याचा निर्णय घेतला आहे. आमचे पक्ष जरी वेगळे असले तरी शेतकऱ्यांसाठी आम्ही एकत्र आलोय, असं स्पष्टीकरण पंकजा मुंडे यांनी दिलं आहे.

भाजपची आज पुण्यात सर्व पदाधिकारी आणि कार्यकर्त्यांची महत्त्वाची बैठक पार पडली. या बैठकीसाठी भाजपचे केंद्रीय अध्यक्ष जे पी नड्डा हे देखील आले आहेत. याच बैठकीला पंकजा मुंडे देखील आल्या होत्या. यावेळी त्यांनी ‘टीव्ही 9 मराठी’ला प्रतिक्रिया देताना बीडमधील राजकीय घडामोडींवर भाष्य केलं.

पंकजा मुंडे नेमकं काय म्हणाल्या?

“आम्ही एकत्र पॅनल केलेलं आहे. आम्ही कारखान्याच्या हितासाठी एकत्र लढण्याचा निर्णय घेतला आहे. आमचे पक्ष जरी वेगळे असले तरी सहकारी कारखान्यात आम्ही एकत्र आहोत”, अशी प्रतिक्रिया पंकजा मुंडे यांनी दिली.

हे सुद्धा वाचा

भावा-बहिणीत नेहमी संघर्ष दिसतो

पकंजा मुंडे आणि धनंजय मुंडे यांच्यातील राजकीय वैर हे सर्वश्रूत आहे. 2019च्या विधानसभा निवडणुकीत तर दोन्ही भावा-बहिणीतल राजकीय वैर प्रकर्षाने समोर आलं होतं. याशिवाय बीड जिल्ह्यातील स्थानिक स्वराज्य संस्थांच्या निवडणुकीत दोघांमधील संघर्ष उफाळून बाहेर येतो. अनेकदा दोन्ही भाऊ-बहीण हे एखाद्या समाजिक कार्यक्रमात एकाच मंचावरही दिसतात. पण ते एकाच मंचावरुन एकमेकांना टोला लगावण्याची एकही संधी सोडत नाही. दोघांकडून आपणच जिल्ह्यात जास्त विकासकामे केल्याचा दावा केला जातो.

बीड जिल्ह्यात नुकतंच जवाहर शिक्षण संस्थेच्या निवडणुकीत पंकजाताई आणि धनंजय मुंडे यांच्यात टोकाचा संघर्ष बघायला मिळाला. दोन्ही बाजूने टीका-टीप्पणी बघायला मिळाली. पण गोपीनाथ गडावर असलेल्या वैद्यनाथ सहकारी साखर कारखान्यात दोन्ही बाजूने संयम पाळला जाताना दिसतोय. विशेष म्हणजे बीडच्या राजकारणात पहिल्यांदाच पंकजा मुंडे आणि धनंजय मुंडे यांनी एकत्रित येऊन वैद्यनाथ सहकारी साखर कारखान्याची निवडणूक ठरवली आहे. त्यामुळे वैद्यनाथ साखर कारखान्याच्या निवडणुकीमध्ये मुंडे बंधू-भगिनी एकत्र आल्याचं चित्र आहे.

धनंजय मुंडे यांनी अर्ज दाखल केला नाही

वैद्यनाथ साखर कारखान्यात 21 जागांच्या संचालकांच्या निवडीसाठी निवडणूक पार पडत आहेत. या निवडणुकीत दोन्ही बाजून सामंजस्याने मार्ग काढण्यात आला आहे. 21 पैकी 11 जागांवर पंकजा मुंडे गटाचे उमेदवार असतील. तर 10 जागांवर धनंजय मुंडे गटाचे उमेदवार असतील. या निवडणुकीसाठी पंकजा मुंडे, त्यांच्या भगिनी खासदार प्रीतम मुंडे, अॅड. यशश्री मुंडे आणि त्यांच्या मातोश्री प्रज्ञा गोपीनाथराव मुंडे यांनी अर्ज दाखल केला आहे. तर धनंजय मुंडे यांनी स्वत: अर्ज दाखल केलेला नाही.

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.