AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

आजोबाला भेटायला नातू गोविंद बागेत; अजित पवार जाणार का?

दिवाळी पाडव्यानिमित्त राष्ट्रवादीचे सर्वेसर्वा शरद पवार यांना शुभेच्छा देण्यासाठी गोविंद बागेत समर्थकांची सकाळपासूनच रिघ लागली आहे. राज्याच्या कानाकोपऱ्यातून शरद पवार यांचे समर्थक गोविंद बागेत आले आहेत. शरद पवार यांना शुभेच्छा देतानाच त्यांचे आशीर्वादही घेत आहेत. तर, पाडव्याच्या निमित्ताने पवार कुटुंबही गोविंद बागेत एकत्र जमलं आहे. मात्र, अजित पवार हे गोविंद बागेत येणार की नाही याकडे सर्वांचं लक्ष लागलं आहे.

आजोबाला भेटायला नातू गोविंद बागेत; अजित पवार जाणार का?
sharad pawarImage Credit source: tv9 marathi
| Updated on: Nov 14, 2023 | 5:35 PM
Share

पुणे | 14 नोव्हेंबर 2023 : राष्ट्रवादीचे सर्वेसर्वा शरद पवार हे बारामतीतील गोविंद बाग या त्यांच्या निवासस्थानी आहेत. आज दिवाळी पाडवा असल्याने समर्थकांच्या शुभेच्छा ते स्वीकारत आहेत. असंख्य लोक त्यांना भेटत असून शुभेच्छा देत आहेत. त्यांचे आशीर्वाद घेत आहेत. तर काही लोक त्यांच्याशी गप्पाही मारत आहेत. पाडव्याच्या निमित्ताने संपूर्ण पवार कुटुंब गोविंद बागेत जमा झालं आहे. दरवर्षी प्रमाणे सर्व कुटुंब एकत्र दिवाळी साजरी करत आहे. मात्र, अजित पवार अजूनही शरद पवार यांना भेटायला गेले नसल्याने आश्चर्य व्यक्त केलं जात आहे.

राष्ट्रवादीचे सर्वेसर्वा शरद पवार यांनी आज सकाळी 7 वाजल्यापासूनच समर्थकांच्या गाठीभेटी सुरू केल्या आहेत. सकाळपासूनच त्यांना भेटणाऱ्यांची गोविंद बागेत प्रचंड गर्दी झाली होती. अनेकजण शरद पवार यांना दिवाळीच्या शुभेच्छा देत होते. कुणी प्रकृतीची विचारपूस करत होते, तर कुणी शाल आणि गुच्छ देऊन त्यांना शुभेच्छा देत होते. शरद पवारही या कार्यकर्त्यांच्या शुभेच्छा स्वीकारत त्यांची अस्थेने विचारपूस करत होते. राज्यातील कानाकोपऱ्यातून पवार यांना मानणारे त्यांचे समर्थक आले होते. 18 वर्षाच्या तरुणांपासून ते 90 वर्षांच्या आजोबांपर्यंत अनेकांनी गोविंद बागेत हजेरी लावली होती. त्यामुळे गोविंद बागेत नुसती माणसांची जत्रा फुलली होती.

नाव घेणं टाळलं

दिवाळी पाडव्या निमित्ताने पवार यांचं कुटुंब एकत्र आलं होतं. दरवर्षी प्रमाणे पवार कुटुंब एकत्र येत असतं. यंदाही हा शिरस्ता कायम आहे. पण अजित पवार संध्याकाळ झाली तरी आले नव्हते. अजितदादांना डेंग्यू झाल्याने ते आले नव्हते. रोहित पवारही गोविंद बागेत नव्हते. दुपारी शरद पवार यांनी मीडियाशी संवाद साधला. तेव्हा त्यांना या विषयी विचारण्यात आलं होतं. तेव्हा त्यांनी रोहित पवार हे बीड जिल्ह्याच्या दौऱ्यावर आहेत. त्यांची संघर्ष यात्रा सुरू आहेत. त्यामुळे ते आले नाहीत असं सांगितलं. तसेच काहींचा आजार असल्यामुळे ते आले नाहीत, असंही पवार म्हणाले. शरद पवार यांचा रोख अजितदादांच्या दिशेने होता. पण त्यांनी अजितदादांच्या नावाचा उल्लेख करणं टाळलं. त्यामुळे आश्चर्य व्यक्त केलं जात आहे.

अन् पार्थ आले

अजितदादा गोविंद बागेत येणार की नाही ही चर्चा सुरू होती. ही चर्चा सुरू असतानाच संध्याकाळी अजितदादा यांचे चिरंजीव आणि शरद पवार यांचे नातू पार्थ पवार गोविंद बागेत आले होते. पार्थ यांनी गोविंद बागेत येऊन आजोबा आणि आजीचे आशीर्वाद घेतले. त्यांच्याशी गप्पा मारल्या. काही वेळ गोविंद बागेत थांबून नंतर ते निघून गेले.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी